Social Distancing Dress : 6 ಅಡಿ ಸುತ್ತಳತೆಯ ಅಪೂರ್ವ ಡ್ರೆಸ್ ಸಿದ್ಧಪಡಿಸಿದ ಯುವತಿ

`ಸಾಮಾಜಿಕ ಅಂತರ' ಎಂಬುದು ಈಗ ಸಾಮಾನ್ಯವಾಗಿ ಎಲ್ಲರೂ ಕೇಳುವಂತಹ ಒಂದು ಪದ. ಸಾಮಾಜಿಕ ಅಂತರ ಎಂಬುದು ಈಗ ಎಲ್ಲರ ಬದುಕಿನ ಭಾಗವಾಗಿ ಹೋಗಿದೆ. ಕೊರೊನಾ ವೈರಸ್ ಅಬ್ಬರ ಶುರುವಾದ ಬಳಿಕ ಜನ ಸಾಮಾಜಿಕ ಅಂತರ ಕಾಯ್ದುಕೊಳ್ಳುತ್ತಿದ್ದಾರೆ. ಸುರಕ್ಷತೆಯ ದೃಷ್ಟಿಯಿಂದ ಸದ್ಯದ ಪರಿಸ್ಥಿತಿಯಲ್ಲಿ ಇದು ತೀರಾ ಅಗತ್ಯವಾದ ಕ್ರಮವಾಗಿದೆ. ಇಂತಹ ಸಾಮಾಜಿಕ ಅಂತರ ಎಂಬ ವಿಷಯ ಕೆಲವರಿಗೆ ಕ್ರಿಯಾಶೀಲತೆಗೂ ಸ್ಫೂರ್ತಿಯಾಗಿದೆ. ನಿಜವಾದ ಕಲಾವಿದರು ನಮ್ಮ ಸುತ್ತಮುತ್ತಲಿನ ಸಣ್ಣ ಸಣ್ಣ ವಿಷಯಗಳಿಂದಲೂ ಸ್ಫೂರ್ತಿ ಪಡೆದು ಹೊಸದನ್ನು ಸೃಷ್ಟಿಸುತ್ತಾರೆ. ಅದಕ್ಕೆ ಉದಾಹರಣೆ ಈ ಯುವತಿ.

Also Read : ಮಾಲಿಕರಿಗೆ ತನ್ನ ಬಗ್ಗೆ `ಚಾಡಿ' ಹೇಳಿದ್ದಕ್ಕೆ ಜೊತೆಗಾರ ಶ್ವಾನದ ಮೇಲೆ ಕೋಪ! : ಬಲು ತಮಾಷೆಯ ದೃಶ್ಯವಿದು

ಇನ್‌ಸ್ಟಾಗ್ರಾಂ ಬಳಕೆದಾರರಾದ ಶೇ ಎಂಬವರು ಈಗ ತಮ್ಮ ಕ್ರಿಯೇಟಿವಿಟಿಯಿಂದ ಎಲ್ಲರ ಗಮನ ಸೆಳೆದಿದ್ದಾರೆ. ಶೇ ಸಾಮಾಜಿಕ ಅಂತರ ಕಾಯ್ದುಕೊಳ್ಳುವ ವಿನೂತನ ವಿನ್ಯಾಸದ ಅಪೂರ್ವ ಡ್ರೆಸ್ ಒಂದನ್ನು ಸಿದ್ಧಪಡಿಸಿದ್ದಾರೆ. ಪ್ರಸ್ತುತ ಸಂದರ್ಭಗಳಿಂದ ಪ್ರಭಾವಿತರಾಗಿ ಇವರು ಈ ಬಟ್ಟೆಯನ್ನು ತಯಾರಿಸಿದ್ದಾರೆ. ಬರೋಬ್ಬರಿ ಆರು ಅಡಿ ಸುತ್ತಳತೆಯ ಡ್ರೆಸ್ ಇದು. ಹಾಗಂತ, ಈ ಡ್ರೆಸ್ ತಯಾರಿ ಸುಲಭದ ಕೆಲಸವಂತೂ ಖಂಡಿತಾ ಅಲ್ಲ. ಈ ಡ್ರೆಸ್ ವಿನ್ಯಾಸಗೊಳಿಸಲು ಶೇ ಬರೋಬ್ಬರಿ ಎರಡು ತಿಂಗಳುಗಳ ಕಾಲ ಶ್ರಮಿಸಿದ್ದಾರೆ. ಹೀಗೆ ಕಷ್ಟಪಟ್ಟ ಕಾರಣದಿಂದ ಇವರ ಪರಿಕಲ್ಪನೆಯ ಸುಂದರ ಬಟ್ಟೆಯೊಂದು ಈಗ ಸಿದ್ಧವಾಗಿದೆ.


Also Read : ದಡಕ್ಕೆ ಬಂದಿದ್ದ ಡಾಲ್ಫಿನ್ ಮರಿಯನ್ನು ರಕ್ಷಿಸಿದ ಹೃದಯವಂತ : ನೆಟ್ಟಿಗರಿಂದ ಭಾರೀ ಮೆಚ್ಚುಗೆ

ತನ್ನ ಈ ಹೊಸ ಆಲೋಚನೆಯ ಬಗ್ಗೆ ಶೇ ಅವರು ಸೆಪ್ಟೆಂಬರ್ ಅಂತ್ಯದಲ್ಲಿಯೇ ತನ್ನ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಹಂಚಿಕೊಂಡಿದ್ದರು. ಇದಾದ ಬಳಿಕ ತನ್ನ ಈ ವಿನ್ಯಾಸದ ಡ್ರೆಸ್ ತಯಾರಿಯ ಕೆಲ ಆಸಕ್ತಿಕರ ಮಾಹಿತಿ ಮತ್ತು ಪ್ರಗತಿಯ ವಿಷಯವನ್ನು ಪ್ರತಿಸಲ ಶೇ ತಮ್ಮ ಫಾಲೋವರ್‌ಗಳಲ್ಲಿ ಶೇರ್ ಮಾಡಿಕೊಳ್ಳುತ್ತಿದ್ದರು.



Also Read : ಪೋರರ ಅದ್ಭುತ ಡಾನ್ಸ್‌ : ಮಕ್ಕಳ ಪ್ರತಿಭೆ ಕಂಡು ಖುಷಿಯಿಂದ ಮೈಮರೆತ ನೆಟ್ಟಿಗರು

ಹೀಗೆ ಎರಡು ತಿಂಗಳ ಸತತ ಪರಿಶ್ರಮದ ಬಳಿಕ ಅಂತಿಮವಾಗಿ ಸುಂದರವಾದ ವಿನ್ಯಾಸದ `ಸಾಮಾಜಿಕ ಅಂತರ ಕಾಪಾಡಿಕೊಳ್ಳುವ ಉಡುಗೆ' ಸಿದ್ಧವಾಗಿದೆ. ನವೆಂಬರ್ 20 ರಂದು ಶೇ ತನ್ನ ಈ ಹೊಸ ವಿನ್ಯಾಸದ ದಿರಿಸಿನ ಫೋಟೋಗಳನ್ನು ಇನ್‌ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ. ಈ ಫೋಟೋಗಳು ಮತ್ತು ವಿಡಿಯೋಗಳು ಈಗ ಹಲವರ ಗಮನ ಸೆಳೆದಿದೆ. ಲಕ್ಷಾಂತರ ಜನ ಫೋಟೋ ನೋಡಿ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.