ವ್ಹಾವ್... ನೀರಿನೊಳಗೆ ಅದ್ಭುತ ಡಾನ್ಸ್‌...! ಯುವಕನ ಪ್ರತಿಭೆಗೆ ಬೆರಗಾಗದೆ ಇರಲು ಸಾಧ್ಯವೇ ಇಲ್ಲ...!

ಸೋಶಿಯಲ್ ಮೀಡಿಯಾ ಎಂಬುದು ಈಗ ಜನರ ನೆಚ್ಚಿನ ಫ್ರೆಂಡ್. ಈಗೀನ ಯುವಜನರು ಬಹುತೇಕ ಸೋಶಿಯಲ್ ಮೀಡಿಯಾದಲ್ಲಿ ಜಾಸ್ತಿ ಆಕ್ಟೀವ್ ಆಗಿರುತ್ತಾರೆ. ಇಲ್ಲಿ ಸದಾ ಮನಸ್ಸಿಗೆ ಮುದ ನೀಡುವಂತಹ ಒಂದಷ್ಟು ವಿಷಯಗಳು ಖಂಡಿತಾ ಕಾಣಸಿಗುತ್ತವೆ. ಅದರಲ್ಲೂ ಹಲವರು ತಮ್ಮ ಪ್ರತಿಭಾ ಪ್ರದರ್ಶನಕ್ಕೂ ಈ ಸೋಶಿಯಲ್ ಮೀಡಿಯಾಗಳನ್ನು ಅತ್ಯಂತ ಸಮರ್ಪಕವಾಗಿ ಬಳಸುತ್ತಿದ್ದಾರೆ. ಹಿಂದೆಲ್ಲಾ ಪ್ರತಿಭಾ ಪ್ರದರ್ಶನ, ಕೌಶಲ್ಯದ ಅನಾವರಣಕ್ಕೆ ಅವಕಾಶಗಳಿಗೆ ಹುಡುಕಿಕೊಂಡು ಹೋಗಬೇಕಾಗಿತ್ತು. ಆದರೆ, ಈಗ ಸಾಮಾಜಿಕ ಮಾಧ್ಯಮ ಎಂಬುದು ಪ್ರತಿಭೆಗಳ ಅನಾವರಣಕ್ಕೆ ಅದ್ಭುತ ವೇದಿಕೆಯಾಗಿದೆ. ಸೋಶಿಯಲ್ ಮೀಡಿಯಾದ ಕಾರಣದಿಂದಲೇ ರಾತ್ರೋರಾತ್ರಿ ಸ್ಟಾರ್ ಪಟ್ಟಕ್ಕೇರಿದ ಅದೆಷ್ಟೋ ಪ್ರತಿಭೆಗಳಿದ್ದಾರೆ. ಸದ್ಯ ಇಂತಹದ್ದೇ ಒಂದು ವಿಡಿಯೋ ವೈರಲ್ ಆಗುತ್ತಿದೆ.

Also Read : ಸತತ 4 ದಿನದ ಕಾರ್ಯಾಚರಣೆ: 40 ಅಡಿ ಎತ್ತರದ ಮರದಲ್ಲಿ ಸಿಲುಕಿದ್ದ ಬೆಕ್ಕಿನ ರಕ್ಷಣೆಗೆ ಕೈಜೋಡಿಸಿದ ಪಟ್ಟಣ!

ಸಾಮಾಜಿಕ ಮಾಧ್ಯಮಗಳಲ್ಲಿ ಹಲವಾರು ಬಗೆಯ ಅಪೂರ್ವ ನೃತ್ಯದ ವಿಡಿಯೋಗಳು ಆಗಾಗ ಕಾಣಸಿಗುತ್ತವೆ. ಆದರೆ, ಸದ್ಯ ವೈರಲ್ ಆಗುತ್ತಿರುವ ವಿಡಿಯೋ ಕೊಂಚ ಭಿನ್ನವಾಗಿಯೂ, ವಿಶಿಷ್ಟವಾಗಿಯೂ ಇದೆ. ಅದೂ ಅಲ್ಲದೆ, ಈ ದೃಶ್ಯವನ್ನು ಕಂಡ ತಕ್ಷಣ ನೀವು ಬಹುತೇಕರು `ವ್ಹಾವ್' ಎಂದು ಉದ್ಗರಿಸಬಹುದು. ಅಷ್ಟು ವಿಭಿನ್ನವಾಗಿದೆ ಈ ಡಾನ್ಸ್. ಯಾಕೆಂದರೆ, ಈ ಯುವಕ ಡಾನ್ಸ್‌ ಮಾಡಿದ್ದು ವೇದಿಕೆಯಲ್ಲಿ ಅಲ್ಲ, ಬದಲಾಗಿ ನೀರಿನೊಳಗೆ...!

Also Read : ಉತ್ತರ ಪ್ರದೇಶ ಯುವಕನ `ಕಪಲ್ ಚಾಲೆಂಜ್‌ಗೆ' ಬಂತು ಹಾಲಿವುಡ್ ನಟಿಯಿಂದ ಪ್ರತಿಕ್ರಿಯೆ...!

ಜಯದೀಪ್ ಗೋಹಿಲ್ ಎಂಬ ಉತ್ಸಾಹಿಯ ಅಂಡರ್‌ ವಾಟರ್ ಡಾನ್ಸ್‌ ಪ್ರದರ್ಶನವಿದು. ಈ ವಿಡಿಯೋವನ್ನು ಜಯದೀಪ್ ತಮ್ಮ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಈ ಕ್ಲಿಪ್‌ನ ಆರಂಭದಲ್ಲಿ ಜಯದೀಪ್, ನೀರೊಳಗಿನ ಬ್ಯಾಕ್‌ಫ್ಲಿಪ್ ಮಾಡಿ ನಂತರ ವಿವಿಧ ಸ್ಟೆಪ್ಸ್‌ ಹಾಕುವ ಅಪೂರ್ವ ದೃಶ್ಯವಿದೆ.


Also Read : `ನನಗೆ ಕೊಡದೆ ತಿಂತೀರಾ? ಹುಷಾರ್! : ಮರಿಯಾನೆಯ ಈ ತುಂಟಾಟ ನೋಡಿ ನಗದೆ ಇರಲು ಸಾಧ್ಯವೇ ಇಲ್ಲ!

ಸೆಪ್ಟೆಂಬರ್ 25ರಂದು ಅಪ್ಲೋಡ್ ಆದ ಈ ವಿಡಿಯೋವನ್ನು ಇದುವರೆಗೆ ಲಕ್ಷಾಂತರ ಮಂದಿ ವೀಕ್ಷಿಸಿದ್ದಾರೆ. ಅಲ್ಲದೆ, ಎಲ್ಲರೂ ಈ ಅದ್ಭುತ ನೃತ್ಯಕ್ಕೆ ಫಿದಾ ಆಗಿದ್ದಾರೆ. ಬಹುಶಃ ನೀವು ಕೂಡಾ ಈ ಡಾನ್ಸ್‌ಗೆ ಮನಸೋತಿರಬಹುದು...