ಕಂದನ ಕೈಬೆರಳು ತಿನ್ನುವಂತೆ ಅಮ್ಮನ ನಟನೆ : ಮುದ್ದು ಮಗುವಿನ ಪ್ರತಿಕ್ರಿಯೆ ಹೇಗಿತ್ತು ಗೊತ್ತಾ?

ಪುಟ್ಟ ಮಕ್ಕಳು ಮನೆಯಲ್ಲಿ ಇದ್ದರೆ ಆ ಖುಷಿಯೇ ಬೇರೆ... ಚಿಣ್ಣರು ಕೈಯಲ್ಲಿ ಇದ್ದರೆ ಯಾವ ಬೇಸರ, ನೋವೂ ಹತ್ತಿರಕ್ಕೆ ಸುಳಿಯದು... ತೊದಲು ನುಡಿಯಲ್ಲಿ ಹಾಲುಗಲ್ಲದ ಕಂದಮ್ಮಗಳು ಮಾತನಾಡುತ್ತಿದ್ದಾರೆ ಅದೇ ಅಮೃತಕ್ಕೆ ಸಮಾನ. ಮಕ್ಕಳ ಕಿಲಕಿಲ ನಗುವಿಗೂ, ಪುಟ್ಟ ಪುಟ್ಟ ಹೆಜ್ಜೆಗೂ ಎಲ್ಲರನ್ನೂ ಸೆಳೆದು ಬಿಡುವಂತಹ ಮಾಂತ್ರಿಕ ಶಕ್ತಿ ಇದೆ. ಹೀಗೆ ದೇವರ ಮನಸ್ಸಿನ ಪುಟಾಣಿಗಳು ಏನು ಮಾಡಿದರೂ ಅದನ್ನು ನೋಡುವುದೇ ಒಂದು ಖುಷಿ. ಈಗ ಸೋಶಿಯಲ್ ಮೀಡಿಯಾದಲ್ಲೂ ಇಂತಹ ಬೇಕಾದಷ್ಟು ವಿಡಿಯೋಗಳು ಕಾಣಸಿಗುತ್ತವೆ. ಹೀಗೆ ಕಾಣಸಿಗುವ ದೃಶ್ಯಗಳು ಕ್ಷಣಾರ್ಧದಲ್ಲಿ ನಮ್ಮೆಲ್ಲರನ್ನೂ ಸೆಳೆದು ಬಿಡುತ್ತದೆ. ಅಂತಹದ್ದೇ ಅದ್ಭುತ ದೃಶ್ಯವಿದು...

Also Read : ಫ್ಯಾಮಿಲಿ ಫೋಟೋಶೂಟ್ ವೇಳೆ ಅಮ್ಮನಿಗೆ ಮಕ್ಕಳ ಸರ್ಪ್ರೈಸ್ : ಕಣ್ಣಾಲಿಗಳನ್ನು ತುಂಬಿಸುವ ದೃಶ್ಯವಿದು!

ಕಂದಮ್ಮಗಳೊಂದಿಗೆ ಆಟ ಆಡುವ ಖುಷಿಗೆ ಬೆಲೆಯೇ ಕಟ್ಟಲಾಗದು. ಈ ವೇಳೆ, ಪುಟಾಣಿಗಳು ತೋರುವ ಮುಗ್ಧ ನೋಟ, ಪ್ರತಿಕ್ರಿಯೆ ನಿಜಕ್ಕೂ ಅದ್ಭುತ. ಇದು ಕೂಡಾ ಅಂತಹದ್ದೇ ಮುದ್ದಾದ ಆಟದ ದೃಶ್ಯ. ತಾಯಿ ಮತ್ತು ಅವರ ಕಂದಮ್ಮ ಜೊತೆಗಿರುವ ಉಲ್ಲಾಸದ ದೃಶ್ಯವಿದು. ಈ ದೃಶ್ಯ ಕಂಡಾಗ ನೀವು ಖುಷಿಯಿಂದ ನಗದೇ ಇರಲು ಸಾಧ್ಯವೇ ಇಲ್ಲ.

Also Read : `ದಾಂಪತ್ಯ'ಕ್ಕೆ ಕಾಲಿಟ್ಟ ಈ ಯುವತಿಯ `ಪತಿ' ಮನುಷ್ಯನೂ ಅಲ್ಲ, `ಆತ'ನಿಗೆ ಜೀವವೂ ಇಲ್ಲ...!


ಇನ್‌ಸ್ಟಾಗ್ರಾಂ ಬಳಕೆದಾರರೊಬ್ಬರು ತಮ್ಮ prairievillagemom ಎಂಬ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಹಂಚಿಕೊಂಡಿರುವ ಅಪೂರ್ವ ದೃಶ್ಯವಿದು. ಈ ಕ್ಲಿಪ್‌ನಲ್ಲಿ ತಾಯಿ ತನ್ನ ಮಗುವಿನ ಕೈಬೆರಳು ತಿನ್ನುವಂತೆ ನಟಿಸುವುದು ಮತ್ತು ಅದಕ್ಕೆ ಕಂದಮ್ಮ ತೋರುವ ಅದ್ಭುತ ಪ್ರತಿಕ್ರಿಯೆಯ ದೃಶ್ಯವಿದೆ. ಪುಟಾಣಿ ಜೋಸೆಫೀನ್ ಮತ್ತು ಅವಳ ತಾಯಿ ಕ್ಯಾಮೆರಾ ನೋಡುತ್ತಿರುವ ದೃಶ್ಯದ ಮೂಲಕ ಈ ಕ್ಲಿಪ್ ಶುರುವಾಗುತ್ತದೆ. ಈ ವೇಳೆ, ತಾಯಿ ಜೋಸೆಫೀನ್‌ನ ಬೆರಳನ್ನು ಕಚ್ಚಿದಂತೆ ನಟಿಸುತ್ತಾರೆ. ಆದರೆ, ಪುಟಾಣಿ ಅಮ್ಮ ನಿಜವಾಗಿಯೂ ತನ್ನ ಕೈಬೆರಳು ತಿಂದಿದ್ದಾರೆ ಎಂದೇ ನಂಬಿದ್ದಳು. ಹೀಗಾಗಿ, ಭಯದಲ್ಲಿ ಕಂದಮ್ಮ ತೋರಿದ ಪ್ರತಿಕ್ರಿಯೆ ಎಲ್ಲರಲ್ಲೂ ಖುಷಿಯ ನಗು ತರಿಸಿದೆ.

Also Read : ಇದು ಫೋಟೋ ಅಲ್ಲ, ಜೀವನ ಪಾಠ : ಮತ್ತೊಬ್ಬರಲ್ಲಿ ತಪ್ಪನ್ನು ಹುಡುಕುವುದು ಸುಲಭ...! : ಆದರೆ...

ಡಿಸೆಂಬರ್ 13ರಂದು ಅಪ್ಲೋಡ್ ಆದ ಈ ವಿಡಿಯೋವನ್ನು ಸಾವಿರಾರು ಜನ ನೋಡಿ ಖುಷಿಪಟ್ಟಿದ್ದಾರೆ. ಜೊತೆಗೆ, ಎಲ್ಲರೂ ಮೆಚ್ಚುಗೆಯ ಪ್ರತಿಕ್ರಿಯೆಯನ್ನೂ ನೀಡಿದ್ದಾರೆ. ಕಂದನ ಮುಗ್ಧ ಪ್ರತಿಕ್ರಿಯೆ ಎಲ್ಲರ ಮನಸ್ಸಿಗೂ ಆನಂದ ತಂದಿದೆ. ಬಹುಶಃ ನೀವು ಕೂಡಾ ಈ ಸುಂದರ ದೃಶ್ಯ ಕಂಡು ಮನಸೋತಿರಬಹುದು.