ವ್ಹಾವ್... ಅದ್ಭುತ! : ಜಿಂಕೆ ಮರಿಯೊಂದಿಗೆ ಮುದ್ದು ಕಂದನ ಸ್ನೇಹ: ಮನಸೆಳೆಯುವ ದೃಶ್ಯವಿದು

ಮುದ್ದು ಜಿಂಕೆಗಳನ್ನು ನೋಡುವುದೆಂದರೆ ಎಲ್ಲರಿಗೂ ಬಲು ಇಷ್ಟ... ಜಿಗಿಯುತ್ತಾ, ಓಡುತ್ತಾ ಈ ಮುದ್ದಾದ ಪ್ರಾಣಿಗಳು ಸಾಗುತ್ತಿದ್ದರೆ ಆ ಸೊಬಗನ್ನು ಕಣ್ತುಂಬಿಕೊಳ್ಳುವುದೇ ವಿಶಿಷ್ಟ ಅನುಭವ... ಇಂತಹ ಸೊಬಗಿನ ಜಿಂಕೆ ಮುದ್ದು ಮಗುವಿನೊಂದಿಗೆ ಸ್ನೇಹ ಬೆಳೆಸಿಕೊಂಡರೆ ಆ ದೃಶ್ಯ ಹೇಗಿರುತ್ತದೆ...? ಖಂಡಿತಾ ಈ ಸೌಂದರ್ಯವನ್ನು ಪದಗಳಲ್ಲಿ ಬಣ್ಣಿಸಲು ಸಾಧ್ಯವೇ ಇಲ್ಲ. ಒಂದೊಮ್ಮೆ ಇಂತಹ ದೃಶ್ಯ ಕಂಡರೆ ಖಂಡಿತಾ ಮತ್ತೆ ಮತ್ತೆ ನೋಡಬೇಕೆಂದು ಮನಸ್ಸು ಹಾತೊರೆಯುತ್ತದೆ. ಅಂತೆಯೇ, ಈಗ ಸೋಶಿಯಲ್ ಮೀಡಿಯಾದಲ್ಲಿ ಇಂತಹ ಅದ್ಭುತ ದೃಶ್ಯವೊಂದು ಎಲ್ಲರ ಗಮನ ಸೆಳೆದಿದೆ.

Also Read : ನೀರು ಕುಡಿಯುತ್ತಿದ್ದ ಚೀತಾವನ್ನು ಹೊತ್ತೊಯ್ದ ಮೊಸಳೆ! : ಭಯಾನಕ ದೃಶ್ಯವಿದು!

ಮಗುವಿನ ಮನಸ್ಸು ನಿರ್ಮಲ... ಜಿಂಕೆಯ ಮನಸ್ಸು ಕೂಡಾ ಸ್ವಚ್ಛ... ಇಂತಹ ಮುದ್ದು ಮನಸ್ಸಿನ ಇಬ್ಬರು ಸ್ನೇಹಿತರ ಸಮಾಗಮದ ದೃಶ್ಯವಿದು. ಈ ಖುಷಿಯ ದೃಶ್ಯವನ್ನು ನೋಡಲು ಎರಡು ಕಣ್ಣುಗಳು ಸಾಲದು...


Also Read : ಶ್ವಾನದೊಂದಿಗೆ ಮುದ್ದು ಕಂದನ ಗೆಳೆತನ : ಮತ್ತೆ ಮತ್ತೆ ನೋಡಬೇಕೆನಿಸುವ ಸುಂದರ ಸ್ನೇಹವಿದು

@akkitwts ಎಂಬ ಟ್ವಿಟ್ಟರ್ ಖಾತೆಯಲ್ಲಿ ಅಪ್ಲೋಡ್ ಆದ ಸುಂದರ ದೃಶ್ಯವಿದು. ಕಂದಮ್ಮ ಮರಿ ಜಿಂಕೆಯನ್ನು ಅತ್ಯಂತ ಕುತೂಹಲದಿಂದ ನೋಡುವ ದೃಶ್ಯದ ಮೂಲಕ ಈ ಕ್ಲಿಪ್ ಶುರುವಾಗುತ್ತದೆ. ಇತ್ತ ಕಂದಮ್ಮನನ್ನು ಕಂಡ ಜಿಂಕೆಗೂ ಆಟ ಆಡುವ ಮನಸ್ಸಾಗಿರಬೇಕು. ಹೀಗಾಗಿ, ಮುದ್ದು ಮಗುವಿದ್ದಲ್ಲಿಗೆ ಈ ಜಿಂಕೆ ಬಂದಿತ್ತು. ಆಗ ಹೆದರಿದ ಮಗು ಕೊಂಚ ಹಿಂದೆ ಸರಿದರೂ ಜಿಂಕೆ ಮಾತ್ರ ಕಂದನಿದ್ದಲ್ಲಿ ಬಂದು ನಿಂತಿತ್ತು. ಈ ವೇಳೆ, ಪುಟಾಣಿ ತನ್ನಲ್ಲಿಗೆ ಬಂದ ಮುದ್ದಾದ ಜಿಂಕೆ ಮರಿಯ ತಲೆಯನ್ನು ಸವರಿ ಪ್ರೀತಿ ತೋರಿಸುವ ಈ ದೃಶ್ಯವೇ ಅದ್ಭುತ.


Also Read : ವಿವಾಹಕ್ಕೆ 3 ದಿನ ಮುನ್ನ ವಧುವಿಗೆ ಕೊರೊನಾ ಸೋಂಕು! : ಆದರೂ ಡಿಫ್ರೆಂಟ್ ಆಗಿ ನಡೆಯಿತು ಮದುವೆ!

ಮನಸ್ಸಿಗೆ ಉಲ್ಲಾಸ ನೀಡುವಂತಹ ಸಣ್ಣ ಕ್ಲಿಪ್ ಇದು. 15 ಸೆಕೆಂಡುಗಳ ಈ ವಿಡಿಯೋ ಅಪ್ಲೋಡ್ ಆದ ಕೆಲವೇ ಹೊತ್ತಿನಲ್ಲಿ ಸಾವಿರಾರು ವೀಕ್ಷಣೆ, ಮೆಚ್ಚುಗೆಯ ಪ್ರತಿಕ್ರಿಯೆ ಗಳಿಸುವಲ್ಲಿ ಯಶಸ್ವಿಯಾಗಿದೆ. ಎಲ್ಲರೂ ಈ ಸೊಬಗಿನ ದೃಶ್ಯಕ್ಕೆ ಮನಸೋತಿದ್ದಾರೆ. ನೆಟ್ಟಿಗರು ನೀಡಿದ ಖುಷಿಯ ಪ್ರತಿಕ್ರಿಯೆಯೇ ಜನರ ಮನಸ್ಸಿಗೆ ಈ ದೃಶ್ಯವೆಷ್ಟು ಹಿತ ನೀಡಿದೆ ಎಂಬುದಕ್ಕೆ ಸಾಕ್ಷಿಯಾಗಿದೆ.