ನಿದ್ದೆಯಲ್ಲಿದ್ದ ಅಮ್ಮನಿಗೆ ಕೀಟಲೆ ಮಾಡುವ ಕಂದ : ಅದ್ಭುತವಾಗಿದೆ ಸಿಂಹಗಳ ಈ ವಿಡಿಯೋ

ಅಮ್ಮ ಎಂದರೆ ಅದೊಂದು ಸುಂದರ ಬಾಂಧವ್ಯ. ಪದಗಳಲ್ಲಿ ಬಣ್ಣಿಸಲಾಗದಂತಹ ಸಂಬಂಧವದು. ಮಕ್ಕಳ ಪಾಲಿಗೆ ತಾಯಿಯೇ ಸ್ವರ್ಗ. ತಾಯಿಗೂ ಮಕ್ಕಳೇ ನಿಧಿ. ಮನುಷ್ಯರಂತೆ ಈ ಲೋಕದ ಪ್ರತಿಯೊಂದು ಜೀವರಾಶಿಗಳಲ್ಲೂ ಇದೇ ರೀತಿಯ ತಾಯ್ತನದ ಬಾಂಧವ್ಯವನ್ನು ಕಾಣಬಹುದು. ಪ್ರಾಣಿ ಪಕ್ಷಿಗಳಲ್ಲೂ ನಮಗೆ ಇಂತಹದ್ದೇ ಮಾತೃ ಮಮತೆಯ ದೃಶ್ಯಗಳು ಕಾಣಸಿಗುತ್ತದೆ. ಇದುವರೆಗೆ ಇಂತಹ ಅದೆಷ್ಟೋ ವಿಡಿಯೋಗಳು ವೈರಲ್ ಆಗಿವೆ. ಸದ್ಯ ಇಂತಹದ್ದೇ ಇನ್ನೊಂದು ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಎಲ್ಲರ ಗಮನ ಸೆಳೆಯುತ್ತಿದೆ. ಮುದ್ದಾದ ಈ ವಿಡಿಯೋ ಮನಸ್ಸಿಗೆ ಆನಂದ ತರುವುದಲ್ಲದೆ, ಮುಖದಲ್ಲೊಂದು ಕಿರುನಗೆಯನ್ನೂ ಮೂಡಿಸುವಂತಿದೆ.

Also Read : ಸಿಂಹಗಳ ತಂಡವನ್ನೇ ಓಡಿಸಲ್ಲ ಸಾಮರ್ಥ್ಯ ಹೊಂದಿರುವ ಈ ಸಣ್ಣ ಪ್ರಾಣಿಗಳ ಹಿಂದಿದೆ ರೋಚಕ ಕತೆ!

ಇದು ಸಿಂಹಿಣಿ ಮತ್ತು ಅದರ ಕಂದನ ಮುದ್ದಾದ ವಿಡಿಯೋ. ಈ ಸಿಂಹಿಣಿ ಕಾಡಿನ ಅದೊಂದು ಜಾಗದಲ್ಲಿ ಕಿರುನಿದ್ದೆಗೆ ಜಾರಿದ್ದಾಳೆ. ಅವಳ ಇತರ ಗೆಳೆತಿಯರೂ ಅಲ್ಲೇ ಇದ್ದಾರೆ. ತಾಯಿ ಸಿಂಹಿಣಿ ನಿದ್ದೆಗೆ ಜಾರಿದ್ದರೆ ಇತರ ಸಿಂಹಿಣಿಗಳು ಅಲ್ಲೇ ಅತ್ತಿಂದಿತ್ತ ನೋಡುತ್ತಾ ಕುಳಿತಿದ್ದವು. ಆದರೆ, ಇವಳ ಕಂದನಿಗೆ ನಿದ್ದೆ ಬರುತ್ತಿಲ್ಲ. ಈ ಮರಿ ಆಟದ ಮೂಡಿನಲ್ಲಿದೆ. ಬಹುಶಃ ಎಲ್ಲರೂ ಮಂಕಾಗಿ ಕುಳಿತಿದ್ದರಿಂದ ಈ ಮರಿಗೆ ಬೇಜಾರಾಗಿತ್ತೋ ಏನೋ. ಹೀಗಾಗಿ, ಸೀದಾ ನಿದ್ದೆಯಲ್ಲಿದ್ದ ಅಮ್ಮನಿದ್ದಲ್ಲಿಗೆ ಬಂದ ಮರಿ ತಾಯಿಯ ಮೈಮೇಲೆಯೇ ನಿಂತು ಅವಳಿಗೆ ಕೀಟಲೆ ಕೊಡಲು ಶುರು ಮಾಡಿತ್ತು. ತಾಯಿಯೂ ಕಂದ ಬರುತ್ತಿದ್ದಂತೆಯೇ ಮುಖವೆತ್ತಿ ಮುದ್ದಿಸಿದ್ದಳು. ಬಳಿಕ ಮತ್ತೆ ಅಲ್ಲೇ ನೆಲಕ್ಕೆ ತಲೆ ಇಟ್ಟು ನಿದ್ದೆಗೆ ಜಾರಿದಳು. ಈ ದೃಶ್ಯವೇ ನಯನ ಮನೋಹರ.

Also Read : ಮಿನಿ ಬ್ರೂಸ್ಲಿ : ಸೋಶಿಯಲ್ ಮೀಡಿಯಾದಲ್ಲಿ ಹವಾ ಎಬ್ಬಿಸಿದ ಪೋರ

ಇಲ್ಲಿದೆ ವೈರಲ್ ವಿಡಿಯೋ :

Also Read : ಮಗಳ ಚಿಕಿತ್ಸೆಗೆ ಹಣ ಸಂಗ್ರಹಿಸಲು 1,100 ಕಿ.ಮೀ ದೂರ ಬರಿಗಾಲಲ್ಲೇ ನಡೆಯುತ್ತಿರುವ ಸೈನಿಕ!

ಸದ್ಯ ಸುಮಾರು 21 ಸೆಕೆಂಡುಗಳ ಈ ಕ್ಯೂಟ್ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಭರ್ಜರಿಯಾಗಿ ಹರಿದಾಡುತ್ತಿದೆ. ಎಲ್ಲರೂ ಈ ಮುದ್ದಾದ ವಿಡಿಯೋವನ್ನು ಕಂಡು ಖುಷಿಪಟ್ಟಿದ್ದಾರೆ. ಎಲ್ಲರಿಗೂ ಸಿಂಹದ ಮುದ್ದು ಮರಿಯ ಆಟ ಮಜಾ ಕೊಟ್ಟಿದೆ. ಅದಕ್ಕಿಂತಲೂ ಹೆಚ್ಚಾಗಿ ಇಲ್ಲಿರುವ ಬಾಂಧವ್ಯ, ಪ್ರೀತಿ ಎಲ್ಲರನ್ನೂ ಸೂಜಿಗಲ್ಲಿನಂತೆ ಸೆಳೆದಿದೆ. ಬಹುಶಃ ನಿಮಗೂ ಈ ಪ್ರೀತಿ ಇಷ್ಟವಾಗಿರಬಹುದು.