ವ್ಹಾವ್...!: ಚಾಲೆಂಜ್..., ಈ ಹೃದಯಸ್ಪರ್ಶಿ ದೃಶ್ಯ ನಿಮಗೆ ಖಂಡಿತಾ ಇಷ್ಟವಾಗುತ್ತದೆ

ಮೊಮ್ಮಗನನ್ನು ಕಂಡು ಅಜ್ಜ ಉತ್ಸಾಹದ ಚಿಲುಮೆಯಂತಾಗಿದ್ದರು. ಊರುಗೋಲನ್ನೂ ಎಸೆದು ಓಡಿ ಬಂದಿದ್ದರು... ತನ್ನ ವಯಸ್ಸು, ದೇಹಕ್ಕಿದ್ದ ಸುಸ್ತು ಎಲ್ಲವನ್ನೂ ಮರೆತು ಆ ಅಜ್ಜ ಖುಷಿಯಿಂದ ಕುಣಿದಾಡಿದರು... ಮೊಮ್ಮಗನನ್ನು ಬಿಗಿದಪ್ಪಿದ ಅಜ್ಜನಿಗೆ ಮಾತೇ ಬರುತ್ತಿಲ್ಲ... ಅಲ್ಲಿ ಕೇಳುತ್ತಿದ್ದದ್ದು ಅಳು ಮಿಶ್ರಿತ ನಗು... ಈ ಖುಷಿಯನ್ನು ಬರೀ ಪದದಲ್ಲಿ ಕಟ್ಟಿಕೊಡಲು ಸಾಧ್ಯನಾ...? ಖಂಡಿತಾ ಇಲ್ಲ...

Also Read : ಜೀವ ಪಣಕ್ಕಿಟ್ಟು ತಿಮಿಂಗಿಲ ಮರಿಯ ರಕ್ಷಣೆ : ಆದರೂ ಕಟ್ಟಬೇಕು ಫೈನ್!

ಸಂಬಂಧಗಳೇ ಹಾಗೆ, ಖುಷಿಯ ಹೂದೋಟ... ಹಿಂದೆಲ್ಲಾ ಕೂಡು ಕುಟುಂಬಗಳಿತ್ತು. ಈ ಕೂಡು ಕುಟುಂಬದ ಖುಷಿಯೇ ಬೇರೆ. ಆದರೆ, ಈಗ ಕುಟುಂಬಗಳು ಚಿಕ್ಕದಾಗಿದೆ. ಪರಿಣಾಮ, ಕುಟುಂಬದೊಳಗೆ ಸಿಗುವ ಖುಷಿಯೂ ಎಲ್ಲರಿಂದ ಮರೆಯಾಗುತ್ತಿದೆ. ಜೊತೆಗೆ, ಹಿರಿಯರು ಕೂಡಾ ಸಣ್ಣ ಸಣ್ಣ ಪ್ರೀತಿಯಿಂದಲೂ ವಂಚಿತರಾಗುತ್ತಿದ್ದಾರೆ. ಅದಕ್ಕೆ ಈ ದೃಶ್ಯವೇ ಸಾಕ್ಷಿ...

Also Read : ಇದು ಕಡೆಯ ಟ್ಯಾಸ್ಮೆನಿಯನ್ ಟೈಗರ್! : 1935ರಲ್ಲಿ ಸೆರೆ ಹಿಡಿದ ದೃಶ್ಯ ಹೇಗಿತ್ತು ಗೊತ್ತಾ?

ಇದೇ ಮೊದಲ ಬಾರಿಗೆ ಈ ಹಿರಿಜೀವ ತನ್ನ ಮೊಮ್ಮಗನನ್ನು ನೋಡುತ್ತಿದ್ದಾರೆ. ಪಾಪ... ಕಂದನನ್ನು ಬಿಗಿದಪ್ಪಿ ಮುದ್ದಾಡಲು ಈ ಅಜ್ಜ ಅದೆಷ್ಟು ದಿನ ಕಾದಿದ್ದರೋ...? ಅದೆಷ್ಟು ದಿನಗಳ ಕಾಲ ಕಣ್ಣೀರಿಟ್ಟಿದ್ದರೋ ಆ ದೇವರಿಗೇ ಗೊತ್ತು... ಆದರೆ, ಮೊಮ್ಮಗನನ್ನು ಕಂಡ ತಕ್ಷಣ ಇವರ ನೋವೆಲ್ಲಾ ಮರೆಯಾಗಿತ್ತು. ತಾನು ಕಾಯುತ್ತಿದ್ದ ದಿನಗಳು ಕೊನೆಗೂ ಬಂತಲ್ವಾ ಎಂಬ ಖುಷಿಯಲ್ಲಿ ಇವರು ಕುಣಿದಾಡಿದ್ದರು. ಊರುಗೋಲನ್ನೂ ಎಸೆದು ಓಡಿ ಬಂದಿದ್ದರು. ಅಜ್ಜನ ಉತ್ಸಾಹ, ಪ್ರೀತಿ, ಮುಗ್ಧ ಮನಸ್ಸು ನೋಡುವ ಎಲ್ಲರ ಹೃದಯಕ್ಕೂ ನಾಟುವಂತಿದೆ... ಹಿರಿಜೀವಗಳು ಹಿಡಿ ಪ್ರೀತಿಗೆ ಅದೆಷ್ಟು ಹಂಬಲಿಸುತ್ತಿರುತ್ತಾರೆ ಎಂಬುದಕ್ಕೂ ಇದು ಸಾಕ್ಷಿಯಾಗಿದೆ...

Also Read : 1880ರಲ್ಲಿ ನಡೆದಿದ್ದ ಘೋರ ದುರಂತವನ್ನು ನೆನಪಿಸುತ್ತಿದೆ ಈ ಸ್ಮಶಾನ!

ಸದ್ಯ ಈ ವಿಡಿಯೋಗೆ ನೆಟ್ಟಿಗರು ಫಿದಾ ಆಗಿದ್ದಾರೆ. ವಿವಿಧ ಸಾಮಾಜಿಕ ಮಾಧ್ಯಮಗಳಲ್ಲಿ ಈ ಅದ್ಭುತ ವಿಡಿಯೋ ಶೇರ್ ಆಗುತ್ತಿದೆ.