ಹೇರ್‌ಕಟ್ ವೇಳೆ ಬಾಲಕನ ಕೆಂಡದಂತಹ ಕೋಪ : ವೈರಲ್ ವಿಡಿಯೋಗೆ ಬಾಲಿವುಡ್ ಹಾಡಿನ ಟಚ್...!

ಇತ್ತೀಚೆಗೆ ಮುದ್ದು ಬಾಲಕನೊಬ್ಬನ ವಿಡಿಯೋ ಸಖತ್ ವೈರಲ್ ಆಗಿತ್ತು. ತನ್ನ ತಲೆಕೂದಲು ಕಟ್ ಮಾಡುವಾಗ ಕೋಪದಿಂದ ಕೊತ ಕೊತ ಕುದಿಯುತ್ತಿದ್ದ ಈ ಪುಟಾಣಿ ಹೇರ್‌ಕಟ್ ಮಾಡುತ್ತಿದ್ದವರ ವಿರುದ್ಧ ತನ್ನದೇ ಶೈಲಿಯಲ್ಲಿ ಆಕ್ರೋಶ ಹೊರ ಹಾಕಿದ್ದ. ಈ ಪುಟಾಣಿಯ ಮುಗ್ಧ ಕೋಪ, ಮುಖದ ಹಾವಭಾವಕ್ಕೆ ಎಲ್ಲರೂ ಫಿದಾ ಆಗಿದ್ದರು. ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗಿತ್ತು. ಫೇಸ್‌ಬುಕ್, ಟ್ವಿಟ್ಟರ್, ವಾಟ್ಸಾಪ್‌, ಇನ್‌ಸ್ಟಾಗ್ರಾಂ ಸೇರಿದಂತೆ ಎಲ್ಲಾ ಸಾಮಾಜಿಕ ಮಾಧ್ಯಮಗಳಲ್ಲಿ ಈ ವಿಡಿಯೋ ಹರಿದಾಡಿತ್ತು.

Also Read : ಈ ಮೀನಿನ ವಯಸ್ಸು ಬರೋಬ್ಬರಿ 81...! : 2ನೇ ಮಹಾಯುದ್ಧದ ಸಂದರ್ಭದಲ್ಲೂ ಬದುಕಿತ್ತು ಈ ಮತ್ಸ್ಯ!

ತನ್ನ ಸುಂದರ ತಲೆಕೂದಲು ಹಾಳಾಗುತ್ತಿದೆ ಎಂದು ನೊಂದಿದ್ದ ಈ ಪುಟಾಣಿ ತನ್ನ ಮುದ್ದು ಮಾತುಗಳಿಂದಲೇ ಬೈಯ್ದಿದ್ದ. ಆದರೆ, ಕೋಪದಿಂದ ಕುದಿಯುತ್ತಿದ್ದರೂ, ಬೈಯ್ಯುತ್ತಿದ್ದರೂ ಈ ಪುಟಾಣಿ ತನ್ನ ಸೀಟ್‌ನಿಂದ ಏಳದೆ ಕ್ಷೌರಿಕರಿಗೆ ತನ್ನ ತಲೆಕೂದಲು ತೆಗೆಯಲು ಮನಸ್ಸಿಲ್ಲದ ಮನಸ್ಸಿನಿಂದ ಬಿಟ್ಟಿದ್ದ. ಇದೀಗ, ಪುಟಾಣಿಯ ಈ ವಿಡಿಯೋಗೆ ಬಾಲಿವುಡ್ ಹಾಡಿನ ಟಚ್ ನೀಡಲಾಗಿದೆ.



Also Read : ವಿಮಾನದಲ್ಲಿ ಎದುರಿನ ಸೀಟ್‌ನಲ್ಲಿದ್ದಾಕೆಯ ತಲೆಕೂದಲಿಗೆ ಚೂಯಿಂಗ್ ಗಮ್ ಅಂಟಿಸಿದ ಯುವತಿ!

ಯುಟ್ಯೂಬರ್ ಮತ್ತು ಇನ್‌ಸ್ಟಾಗ್ರಾಂ ಬಳಕೆದಾರ ಜಾಯ್ ರಾಯ್ ಎಂಬವರು ಪುಟಾಣಿಯ ಈ ಮಾತಿಗೆ ಹಿಂದಿಯ ಎರಡು ಜನಪ್ರಿಯ ಹಾಡುಗಳನ್ನು ಹಾಕಿದ್ದು, ಈ ವಿಡಿಯೋ ಕೂಡಾ ಸೋಶಿಯಲ್ ಮೀಡಿಯಾದಲ್ಲಿ ಎಲ್ಲರ ಗಮನ ಸೆಳೆಯುತ್ತಿದೆ. ಇದರಲ್ಲಿ ಒಂದು ಹಿಮೇಶ್ ರೇಶಮಿಯಾ ಅವರು ಹಾಡಿರುವ ಗೀತೆಯೂ ಇದೆ. ಮುದ್ದು ಬಾಲಕನ ಹಳೆಯ ವಿಡಿಯೋದಷ್ಟೇ ಈ ವಿಡಿಯೋ ಕೂಡಾ ಈಗ ಎಲ್ಲರ ಗಮನ ಸೆಳೆದಿದೆ.


Also Read : ಆನ್‌ಲೈನ್‌ನಲ್ಲಿ 2 ಊಟ ಆರ್ಡರ್ : ಪಾರ್ಸೆಲ್ ಕೊಡಲು ಮನೆ ಮುಂದೆ 30 ಡೆಲಿವರಿ ಹುಡುಗರ ಕ್ಯೂ!

ಅನುಶ್ರುತ್ ಎಂಬುದು ಈ ಪುಟಾಣಿಯ ಹೆಸರು. ತನ್ನ ಪುತ್ರನ ಈ ವಿಡಿಯೋವನ್ನು ಅನುಪ್ ಎಂಬವರು ತಮ್ಮ ಸೋಶಿಯಲ್ ಮೀಡಿಯಾ ಖಾತೆಯಲ್ಲಿ ಹಂಚಿಕೊಂಡಿದ್ದರು. ಇಲ್ಲಿ ಮಗುವಿನೊಂದಿಗೆ ಗಮನ ಸೆಳೆದವರು ಶಾಂತಚಿತ್ತದ ಕ್ಷೌರಿಕ. ಕಂದನಿಗೆ ಯಾವುದೇ ರೀತಿ ತೊಂದರೆಯಾಗದಂತೆ ಅವನಿಗೆ ಪ್ರಶ್ನೆ ಕೇಳುತ್ತಾ, ಅವನನ್ನು ಸಮಾಧಾನ ಮಾಡುತ್ತಾ ಬಲು ಪ್ರೀತಿಯಿಂದಲೇ ಇವರು ಪುಟಾಣಿಯ ಹೇರ್‌ ಕಟ್ ಮಾಡಿದ್ದರು. ಈ ವಿಡಿಯೋಗೆ ಸಾಕಷ್ಟು ಜನ ಫಿದಾ ಆಗಿದ್ದರು. ಸೆಲೆಬ್ರಿಟಿಗಳೂ ಈ ವಿಡಿಯೋವನ್ನು ಶೇರ್ ಮಾಡಿದ್ದರು.