ಪುಸ್ತಕ ಜೋಡಿಸಿಟ್ಟ ವ್ಯಕ್ತಿಯ ಶಿಸ್ತಿಗೆ ಫಿದಾ : ಬರುತ್ತಿವೆ ಸ್ನೇಹ, ಮದುವೆ ಪ್ರಸ್ತಾಪ...!

ಪುಸ್ತಕಗಳು ಒಳ್ಳೆಯ ಸ್ನೇಹಿತರು. ಜ್ಞಾನದಾಹ ನೀಗಿಸುವ ಜೊತೆಗೆ ಮನಸ್ಸಿಗೂ ಹಿತ ನೀಡುವ ಸಂಗಾತಿಗಳೆಂದರೆ ಪುಸ್ತಕಗಳು. ಆದರೆ, ಈ ಇಂಟರ್‌ನೆಟ್ ಜಮಾನದಲ್ಲಿ ಪುಸ್ತಕ ಓದುವವರ ಸಂಖ್ಯೆ ಗಣನೀಯವಾಗಿ ಇಳಿದಿದೆ ಎಂಬುದು ಕೂಡಾ ಸತ್ಯ. ಹಾಗಂತ, ಪುಸ್ತಕ ಓದದವರೇ ಇಲ್ಲ ಎಂದಲ್ಲ. ಓದುವವರ ಸಂಖ್ಯೆ ಇಳಿಮುಖವಾದರೂ ಇನ್ನೂ ಪುಸ್ತಕಗಳನ್ನು ಬಹುವಾಗಿ ನೆಚ್ಚಿಕೊಂಡಿರುವವರು ಹಲವರಿದ್ದಾರೆ. ಇದಕ್ಕೆ ಸಾಕ್ಷಿ ಈ ಒಂದು ಟ್ವೀಟ್.

ಶೌಮಿಕ್ ಎಂಬ ಟ್ವಿಟ್ಟರ್ ಬಳಕೆದಾರರೊಬ್ಬರು ತಮ್ಮ ಮನೆಯ ಗ್ರಂಥಾಲಯದ ಫೋಟೋವನ್ನು ಟ್ವಿಟ್ಟರ್‌ನಲ್ಲಿ ಪೋಸ್ಟ್‌ ಮಾಡಿದ್ದರು. ತುಂಬಾ ಅಚ್ಚುಕಟ್ಟಾಗಿ ಇವರು ಪುಸ್ತಕಗಳನ್ನು ಜೋಡಿಸಿಟ್ಟಿದ್ದರು. ಅಲ್ಲದೆ, `ನಾನು ಗ್ರಂಥಾಲಯದಲ್ಲೇ ನೆಲೆಸಿದ್ದೇನೆ' ಎಂದು ಇವರು ಬರೆದುಕೊಂಡಿದ್ದರು. ಈ ಸಣ್ಣ ಕ್ಯಾಪ್ಶನ್ ಈ ಅದ್ಭುತ ಲೋಕ ಏನೆಂಬುದನ್ನು ಹೇಳುತ್ತಿದೆ. ಇವರು ಪುಸ್ತಕಗಳನ್ನು ಜೋಡಿಸಿಟ್ಟ ಪರಿಗೆ ಇದು ಮನೆನಾ? ಗ್ರಂಥಾಲಯನಾ? ಎಂದು ಅನುಮಾನವೇ ಮೂಡಿಸುವಂತಿದೆ. ಇದೇ ಕಾರಣಕ್ಕೆ ಈ ಪುಸ್ತಕ ಪ್ರೀತಿ ಮತ್ತು ಪುಸ್ತಕಗಳನ್ನು ಜೋಡಿಸಿಟ್ಟ ಶೈಲಿ ಎಲ್ಲರನ್ನೂ ಕ್ಷಣ ಮಾತ್ರದಲ್ಲಿ ಸೆಳೆದಿದ್ದು, ಈ ಫೋಟೋಗಳೂ ವೈರಲ್ ಆಗುತ್ತಿವೆ.

ಇಲ್ಲಿದೆ ವೈರಲ್ ಟ್ವೀಟ್ :

Also Read : ಬೀಚ್‌ನಲ್ಲಿದ್ದ ಟೆಂಟ್ ಮೇಲೆ 20 ಅಡಿ ಎತ್ತರದಿಂದ ಬಿದ್ದ ಕಾರು...!

ಪುಸ್ತಕ ಪ್ರೇಮಿಗಳು ಈ ಫೋಟೋಗೆ ಫಿದಾ ಆಗಿದ್ದಾರೆ. ಬರೀ ಅಷ್ಟೇ ಅಲ್ಲ ಈ ವ್ಯಕ್ತಿಗೆ ಹಲವರಿಂದ ಸ್ನೇಹದ ಪ್ರಸ್ತಾಪ ಬರುತ್ತಿದೆ. ಬರೀ ಅಷ್ಟೇ ಅಲ್ಲ, ಕೆಲವರು ಮದುವೆ ಪ್ರಸ್ತಾಪವನ್ನೂ ಮುಂದಿಟ್ಟಿದ್ದಾರೆ...!

Also Read : ಬ್ಯಾಂಕಿಗೆ ನುಗ್ಗಿದ ಕಳ್ಳ! : ಆದರೆ, ಕದ್ದಿದ್ದು ಹಣವನ್ನಲ್ಲ...! : ಕೇಳಿದ್ರೆ ಶಾಕ್ ಆಗ್ತೀರಿ...!

ಇಲ್ಲಿದೆ ನೆಟ್ಟಿಗರ ಪ್ರತಿಕ್ರಿಯೆ :

ಶೌಮಿಕ್ ಬಳಿ ಸುಮಾರು ಎಂಟು ಸಾವಿರ ಪುಸ್ತಕಗಳ ಸಂಗ್ರಹ ಇದೆ. ಸ್ವತಃ ಇದನ್ನು ಇವರು ತಮ್ಮ ಇನ್ನೊಂದು ಟ್ವೀಟ್‌ನಲ್ಲಿ ಸ್ಪಷ್ಟಪಡಿಸಿದ್ದಾರೆ.

Also Read : 1921ರ ಸುಂದರಿಯೊಬ್ಬಳ ಸಾವಿನ ಪ್ರಕರಣ ಇಂದಿಗೂ ಬಗೆಹರಿಯದ ಪ್ರಶ್ನೆಗಳ ಮೂಟೆ!

ಈ ಗ್ರಂಥಗಳ ಸಾಲುಗಳನ್ನು ನೋಡುವಾಗಲೇ ಮನಸ್ಸು ಉಲ್ಲಾಸಗೊಳ್ಳುತ್ತದೆ. ಪುಸ್ತಕ ಪ್ರೇಮವೇ ಹಾಗೆ. ಒಮ್ಮೆ ಓದುವ ರುಚಿ ಹಿಡಿದರೆ ಅದು ಖಂಡಿತಾ ನಮ್ಮನ್ನು ಬೇರೊಂದು ಪ್ರಪಂಚಕ್ಕೆ ಕೊಂಡೊಯ್ಯುತ್ತದೆ. ಮನಸ್ಸಿಗೆ ಆನಂದ ನೀಡುವ ಜೊತೆಜೊತೆ ನಮ್ಮ ಜ್ಞಾನವನ್ನೂ ಹೆಚ್ಚಿಸುತ್ತದೆ. ಬದುಕಿಗೊಂದು ಧೈರ್ಯ ತರುತ್ತದೆ.