ಪಂದ್ಯದ ನಡುವಿನಲ್ಲೇ ಕಂದನಿಗೆ ಹಾಲುಣಿಸಿ ಮನಗೆದ್ದ ವಾಲಿಬಾಲ್ ಆಟಗಾರ್ತಿ

ತಾಯಿ ಅಂದರೇನೇ ಹಾಗೆ... ಈ ಪ್ರೀತಿಗೆ ಬೆಲೆ ಕಟ್ಟಲು ಸಾಧ್ಯವಿಲ್ಲ.. ಎಂತಹ ಕ್ಲಿಷ್ಟ ಮತ್ತು ಸವಾಲಿನ ಸಂದರ್ಭದಲ್ಲೂ ತಾಯಿಗೆ ತನ್ನ ಮಕ್ಕಳ ಯೋಚನೆ ಇದ್ದೇ ಇರುತ್ತದೆ. ಇದೇ ಕಾರಣಕ್ಕೆ ತಾಯಿ ಯಾವತ್ತೂ ದೇವರಾಗುವುದು.

Also Read : ಹಿಮಘಾತಕ್ಕೆ ಸಾಲು ಸಾಲು ವಾಹನಗಳ ಅಪಘಾತ...!

ಸದ್ಯ ಇಂತಹದ್ದೇ ಮಮತಾಮಯಿ ತಾಯಿಯೊಬ್ಬರ ಫೋಟೋ ಸಖತ್ ವೈರಲ್ ಆಗುತ್ತಿದೆ. ಮಿಜೋರಾಂನ ವಾಲಿಬಾಲ್ ಆಟಗಾರ್ತಿಯೊಬ್ಬರು ಆಟದ ನಡುವಿನ ಬಿಡುವಿನ ಸಂದರ್ಭದಲ್ಲಿ ಓಡಿ ಬಂದು ವಾಲಿಬಾಲ್ ಕೋರ್ಟ್ ಪಕ್ಕದಲ್ಲೇ ಏಳು ತಿಂಗಳ ಕಂದನಿಗೆ ಹಾಲುಣಿಸುವ ಫೋಟೋವದು. ಈ ಫೋಟೋ ಈಗ ಎಲ್ಲರ ಹೃದಯವನ್ನೂ ಮುಟ್ಟಿದೆ.

Also Read : ಇದು ಅಪರೂಪದಲ್ಲಿ ಅಪರೂಪದ ಕ್ಯೂಟ್ ಮೊಲ...!

ಟುಯುಕುಮ್ ವಾಲಿಬಾಲ್ ತಂಡದಲ್ಲಿ ಆಟವಾಡುತ್ತಿರುವ ಲಾಲ್ವೆಂಟ್ಲುವಾಂಗಿ ಈ ಮಮತಾಮಯಿ ತಾಯಿ. ಲಾಲ್ವೆಂಟ್ಲುವಾಂಗಿ ತನ್ನ ಏಳು ತಿಂಗಳ ಕಂದನೊಂದಿಗೆ ಆಟಗಾರರ ಶಿಬಿರದಲ್ಲಿ ಪಾಲ್ಗೊಂಡಿದ್ದರು. ಇದೇ ಆಟದ ಸಂದರ್ಭದಲ್ಲಿ ಸಿಕ್ಕ ಸಣ್ಣ ಬಿಡುವಿನಲ್ಲಿ ಲಾಲ್ವೆಂಟ್ಲುವಾಂಗಿ ಕಂದನಿಗೆ ಹಾಲುಣಿಸಿದ್ದಾರೆ. ಆಗ ಈ ಚಿತ್ರವನ್ನು ಸೆರೆ ಹಿಡಿಯಲಾಗಿದೆ.

Also Read : ಈ ಜೇಡರ ಹುಳು ಕಚ್ಚಿದರೆ ಮನುಷ್ಯನ ಚರ್ಮವೇ ಕೊಳೆತು ಹೋಗುತ್ತದೆ...!


ಈ ಫೋಟೋ ಕಂಡು ನೆಟ್ಟಿಗರು ಫಿದಾ ಆಗಿದ್ದಾರೆ. ತಾಯಿಯಾಗಿ ಮತ್ತು ಆಟಗಾರ್ತಿಯಾಗಿ ಇವರು ತಮ್ಮ ಜವಾಬ್ದಾರಿಯನ್ನು ನಿರ್ವಹಿಸುವ ರೀತಿಯನ್ನು ಎಲ್ಲರೂ ಮೆಚ್ಚಿದ್ದಾರೆ. ಮತ್ತೊಂದೆಡೆ, ಮಿಜೋರಾಂ ಕ್ರೀಡಾ ಸಚಿವಾಲಯವೂ ಲಾಲ್ವೆಂಟ್ಲುವಾಂಗಿ ಬದ್ಧತೆಗೆ ಮೆಚ್ಚುಗೆ ವ್ಯಕ್ತಪಡಿಸಿದೆ. ಹೀಗಾಗಿ, ಈ ತಾಯಿಗೆ ಪ್ರೋತ್ಸಾಹದ ರೂಪದಲ್ಲಿ ಮಿಜೋರಾಂ ಕ್ರೀಡಾ ಸಚಿವ ರಾಬರ್ಟ್ ರೊಮಾವಿಯಾ ರಾಯ್ಟೆ 10 ಸಾವಿರ ರೂಪಾಯಿ ನೀಡುವುದಾಗಿ ಘೋಷಿಸಿದ್ದಾರೆ.