ಪೊಲೀಸ್‌ ಮಗಳ ಭುಜದಲ್ಲಿ ಹೊಳೆಯುತ್ತಿರುವ ನಕ್ಷತ್ರಗಳ ಲೆಕ್ಕ ಹಾಕಿದ ಹೆಮ್ಮೆಯ ಅಪ್ಪ: ವೈರಲ್‌

ಇಂಪಾಲ್: ಮಕ್ಕಳು ಏನಾದರೂ ಸಾಧಿಸಿದ್ರೆ ಈ ಭೂಮಿಯಲ್ಲಿ ಮೊದಲು ಖಷಿ ಪಡೋ ವ್ಯಕ್ತಿಗಳಂದ್ರೆ ಅದು ಪೋಷಕರು. ಅದ್ರಲ್ಲೂ ಹೆಣ್ಣು ಮಗಳು ಎಲ್ಲಾದರೂ ಸಾಧನೆ ಮಾಡಿದ್ರಂತು, ಅಪ್ಪನ ಖುಷಿಗೆ ಪಾರವೇ ಇರೋದಿಲ್ಲ. ಇದೀಗ ಯುನಿಫಾರಂ ತೊಟ್ಟ ಪೊಲೀಸ್‌ ಮಗಳ ಭುಜದಲ್ಲಿ ಹೊಳೆಯುತ್ತಿರುವ ನಕ್ಷತ್ರಗಳನ್ನ ಲೆಕ್ಕ ಹಾಕುತ್ತಿದ್ದ ಹೆಮ್ಮೆಯ ತಂದೆಯ ಫೊಟೋವೊಂದು ವೈರಲ್‌ ಆಗಿದೆ.

ಹೆಮ್ಮೆಯಿಂದ ತಂದೆ ಮಗಳ ಭುಜದಲ್ಲಿರುವ ನಕ್ಷತ್ರಗಳನ್ನ ಲೆಕ್ಕ ಹಾಕುತ್ತಿದ್ದಾರೆ. ಈ ಫೋಟೋ ಸದ್ಯ ಟ್ವಿಟ್ಟರ್‌ನಲ್ಲಿ ಸಖತ್‌ ವೈರಲ್ ಆಗ್ತಿದೆ. ಕೆಲವರು ತಂದೆಯ ಹೆಮ್ಮೆಯ ಬಗ್ಗೆ ಹೊಗಳಿದ್ರೆ. ಇನ್ನು ಕೆಲವರು ಹೆಣ್ಣು ಮಗಳ ಸಾಧನೆಯನ್ನು ಮಹಿಳಾ ಸಬಲೀಕರಣ ಎಂದು ಕೊಂಡಾಡಿದ್ದಾರೆ.

ಈ ಫೊಟೋದಲ್ಲಿ ಕಾಣಿಸುತ್ತಿರುವುದು ಮಣಿಪುರದ ರಾಜಧಾನಿ ಇಂಪಾಲದ ಉಪ ಪೊಲೀಸ್‌ ವರಿಷ್ಠಾಧಿಕಾರಿ ರತ್ತನಾ ನ್ಗಾಸೆಪ್ಪಂ ಎಂದು ತಿಳಿದುಬಂದಿದೆ. ಇವರು ಪೊಲೀಸ್‌ ಯುನಿಫಾರಂನಲ್ಲಿದ್ದು ತಂದೆ ಅವರ ಭುಜದ ಮೇಲಿರುವ ಸ್ಟಾರ್‌ಗಳನ್ನ ಲೆಕ್ಕ ಹಾಕುತ್ತಿದ್ದಾರೆ. ತಂದೆಯ ಕೌತುಕ ಒಂದು ಕಡೆಯಾದ್ರೆ ಮಗಳ ನಗು ಸಾವಿರಾರು ನೆಟ್ಟಿಗರ ದಿಲ್‌ ಖುಷ್‌ ಮಾಡಿದೆ.

ಕೊರೊನಾ ಸಂಕಷ್ಟ: ಬಿಎಸ್‌ವೈ ಸರ್ಕಾರದ ವಿರುದ್ಧ ಹೋರಾಟಕ್ಕೆ ಸಜ್ಜಾದ ಕೈ ಪಾಳಯ!

ಮೂಲಗಳ ಪ್ರಕಾರ ಈ ಫೊಟೋ 2-3 ತಿಂಗಳ ಹಿಂದಿನದಾಗಿದೆ. ಆದ್ರೆ, ಮೇ 7ರಂದು ಅಮಿತ್ ಪಂಚಾಲ್‌ ಎಂಬವರು ತನ್ನ ಟ್ವಿಟರ್‌ ಖಾತೆಯಲ್ಲಿ ಈ ಫೋಟೋವನ್ನು ಹಾಕಿದ ಬಳಿಕ ಭಾರೀ ಪ್ರಸಿದ್ಧಿಗೆ ಕಾರಣವಾಗಿದೆ. ಸದ್ಯ ರತ್ತನಾ ಅವರು ಮಣಿಪುರ ಪೊಲೀಸ್‌ನ ಹೆಚ್ಚುವರಿ ಪೊಲೀಸ್‌ ಅಧೀಕ್ಷಕರಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ ಎಂದು ತಿಳಿದುಬಂದಿದೆ.

ಇನ್ನು ಬಾಲಿವುಡ್‌ ನಟಿ ರವೀನಾ ಟಂಡನ್‌ ಕೂಡ ಈ ಫೋಟೋವನ್ನ ರಿಟ್ವೀಟ್‌ ಮಾಡಿದ್ದು. ಹೆಮ್ಮೆಯ ಭಾರತದ ನಾರಿ ಎಂದು ಬರೆದುಕೊಂಡಿದ್ದಾರೆ.

ವೈರಲ್ ಆಗುತ್ತಿದ್ದಂತೆ 15,000ಕ್ಕೂ ಹೆಚ್ಚು ಲೈಕುಗಳನ್ನ ಈ ಫೊಟೋ ಗಿಟ್ಟಿಸಿಕೊಂಡಿದೆ. ಭಾರೀ ಸಂಖ್ಯೆಯಲ್ಲಿ ರಿಟ್ವೀಟ್‌ ಹಾಗೂ ಕಮೆಂಟ್‌ಗಳು ದೊರೆತಿದೆ.