ವಿದೇಶಾಂಗ ಕಚೇರಿಯಲ್ಲಿದ್ದ ಬೆಕ್ಕಿಗೆ ನಿವೃತ್ತಿ! : ಎಲ್ಲರ ಶುಭಹಾರೈಕೆ

ಇಲಿ ಹಿಡಿಯುವುದು ಹೇಗೆಂದು ಬೆಕ್ಕಿಗೆ ಹೊಸದಾಗಿ ಕಲಿಸಿಕೊಡಬೇಕಾಗಿಲ್ಲ. ಯಾಕೆಂದರೆ, ಇಲಿ ಹಿಡಿಯುವುದರಲ್ಲಿ ಬೆಕ್ಕುಗಳು ಚಿಕ್ಕಂದಿನಿಂದಲೂ ಪಳಗಿರುತ್ತವೆ. ಇಲಿಗಳು ಸಿಕ್ಕಿದೆ ಎಂದರೆ ಅಂದು ಬೆಕ್ಕುಗಳಿಗೆ ಭರ್ಜರಿ ಭೋಜನವೇ ಸರಿ. ಹೀಗಾಗಿ, ಇಲ್ಲೊಂದು ಪ್ರಮುಖ ಕಚೇರಿಯಲ್ಲಿ ಇಲಿ ಬೇಟೆಗೆಂದೇ ಬೆಕ್ಕೊಂದನ್ನು ನಿಯೋಜಿಸಲಾಗಿತ್ತು. ನಾಲ್ಕು ವರ್ಷಗಳ ಕಾಲ ಈ ಬೆಕ್ಕು ತನ್ನ ಕರ್ತವ್ಯ ನಿರ್ವಹಿಸಿತ್ತು. ಇದೀಗ ಈ ಬೆಕ್ಕು ಸೇವೆಯಿಂದ ನಿವೃತ್ತಿಗೊಂಡಿದೆ.

Also Read : ಖುಷಿಯಲ್ಲಿ ಗಿಫ್ಟ್‌ ಪ್ಯಾಕ್ ತೆರೆಯುವ ಕೋತಿ : ಮಿಲಿಯನ್‌ಗೂ ಅಧಿಕ ವೀಕ್ಷಣೆ ಗಳಿಸಿದ ವಿಡಿಯೋವಿದು

ಇದು `ಲಾರ್ಡ್‌ ಪಲ್ಮೇರ್‌ಸ್ಟನ್ ದಿ ಚೀಫ್ ಮೌಸರ್' ಎಂದು ಕರೆಸಿಕೊಳ್ಳುತ್ತಿದ್ದ ಬೆಕ್ಕಿನ ಕತೆ. ತನ್ನ ಇಲಿ ಬೇಟೆಯ ಕಾರ್ಯದಿಂದಲೇ ಈ ಬೆಕ್ಕಿಗೆ ಇಂತಹದ್ದೊಂದು ಹೆಸರು ಬಂದಿತ್ತು. ಲಂಡನ್‌ನಲ್ಲಿರುವ ಯುಕೆ ಫಾರಿನ್ ಆಂಡ್ ಕಾಮನ್ವೆಲ್ತ್‌ ಆಫೀಸ್ (ಎಫ್‌ಸಿಓ)ನಲ್ಲಿ ಈ ಬೆಕ್ಕುವಾಸವಾಗಿತ್ತು. ಇಲಿ ಎಲ್ಲರ ಪ್ರೀತಿಯನ್ನು ಗಳಿಸಿ ಅಕ್ಕರೆಯಿಂದ ಬೆಳೆಯುತ್ತಿದ್ದ ಈ ಬೆಕ್ಕು ಇಲಿಗಳ ಕಾಟವನ್ನೂ ತಪ್ಪಿಸಿತ್ತು. ಸದ್ಯ ಲಾಕ್‌ಡೌನ್ ಸಂದರ್ಭದಲ್ಲಿ ಈ ಬೆಕ್ಕು ವಿದೇಶಾಂಗ ಕಚೇರಿ ಸಿಬ್ಬಂದಿಯೊಬ್ಬರ ಮನೆಯಲ್ಲಿದೆ.

Also Read : ಮಗಳ ಚಿಕಿತ್ಸೆಗೆ ಹಣ ಸಂಗ್ರಹಿಸಲು 1,100 ಕಿ.ಮೀ ದೂರ ಬರಿಗಾಲಲ್ಲೇ ನಡೆಯುತ್ತಿರುವ ಸೈನಿಕ!

ಇಲ್ಲಿದೆ ವೈರಲ್ ಫೋಟೋ :

Also Read : ರೊಮ್ಯಾಂಟಿಕ್ ಆಗಿ ಪ್ರಪೋಸ್ ಮಾಡಲು ಹೋಗಿ ತನ್ನ ಮನೆಯಲ್ಲೇ ಅಗ್ನಿ ದುರಂತಕ್ಕೆ ಕಾರಣವಾದ ಪ್ರಿಯಕರ!

ಈ ಬೆಕ್ಕು ಸೋಶಿಯಲ್ ಮೀಡಿಯಾದಲ್ಲೂ ಸಖತ್ ಖ್ಯಾತಿ ಗಳಿಸಿತ್ತು. ಅಲ್ಲದೆ, ಇದೇ ಬೆಕ್ಕಿನ ಹೆಸರಿನಲ್ಲಿರುವ ಖಾತೆಯನ್ನು ಸಾಕಷ್ಟು ಸಂಖ್ಯೆಯಲ್ಲಿ ಜನ ಫಾಲೋ ಮಾಡುತ್ತಿದ್ದರು. `ಏಪ್ರಿಲ್ 2016ರಲ್ಲಿ ಪಲ್ಮೇರ್‌ಸ್ಟನ್ ಎಂಬ ಬೆಕ್ಕು ಬ್ಯಾಟರ್ಸಿಯಾದಿಂದ (ಲಂಡನ್ನಿನ ಶ್ವಾನಗಳು ಮತ್ತು ಬೆಕ್ಕು ಆಶ್ರಯ) ಬಂದಿತು' ಎಂದು ಎಫ್‌ಸಿಒನ ಪ್ರಮುಖ ಅಧಿಕಾರಿ ಸರ್ ಸೈಮನ್ ಮೆಕ್ಡೊನಾಲ್ಡ್ ತಮ್ಮ ಟ್ವೀಟ್‌ನಲ್ಲಿ ತಿಳಿಸಿದ್ದಾರೆ. ಅಲ್ಲದೆ, ಈ ಬೆಕ್ಕಿಗೂ ಇವರು ಶುಭ ಹಾರೈಸಿದ್ದಾರೆ. ವಿದೇಶಾಂಗ ಕಚೇರಿಯಲ್ಲಿರುವ ಎಲ್ಲರೂ ಈ ಬೆಕ್ಕಿನ ಒಡನಾಟವನ್ನು ಸದಾ ನೆನಪಿನಲ್ಲಿಟ್ಟುಕೊಳ್ಳುತ್ತಾರೆ ಎಂದೂ ಇವರು ಹೇಳಿಕೊಂಡಿದ್ದಾರೆ. ಹಲವರು ಈ ಬೆಕ್ಕಿನ ಜೊತೆಗಿನ ಒಡನಾಟವನ್ನು ನೆನಪಿಸಿಕೊಂಡರೆ, ನೆಟ್ಟಿಗರು ಕೂಡಾ ಈ ಬೆಕ್ಕಿಗೆ ಶುಭಕೋರಿದ್ದಾರೆ.