ಸಾವಿರಾರು ರೂ. ಖರ್ಚು ಮಾಡಿ ಇಟಲಿಗೆ ಅಮೇರಿಕಾದ ಮಣ್ಣು ತಂದ ಯೋಧ...! : ಯಾಕೆ ಗೊತ್ತಾ...?

ಎಲ್ಲೇ ಇದ್ದರೂ ಮಾತೃಭೂಮಿ ಮೇಲಿನ ಪ್ರೀತಿ ಯಾರಿಗೂ ಎಳ್ಳಷ್ಟೂ ಕಡಿಮೆಯಾಗುವುದಿಲ್ಲ. ನಾವು ಈ ದೇಶದ ಪ್ರಜೆ ಎಂದು ಎಲ್ಲರೂ ಎದೆ ತಟ್ಟಿ ಎಲ್ಲಿ ಹೋದರೂ ಹೇಳಿಕೊಳ್ಳುತ್ತಾರೆ. ಇದು ಕೂಡಾ ಇಂತಹದ್ದೇ ಒಂದು ಭಾವನಾತ್ಮಕ ದೇಶ ಪ್ರೇಮದ ಕತೆ.

ಇದು ಸ್ವಲ್ಪ ತಿಂಗಳ ಹಿಂದಿನ ಕತೆಯಾದರೂ ಸೋಶಿಯಲ್ ಮೀಡಿಯಾದಲ್ಲಿ ಈಗ ಎಲ್ಲರ ಗಮನ ಸೆಳೆಯುತ್ತಿದೆ. ಈ ಸುಂದರ ಕತೆ ಶುರುವಾಗುವುದು ಇಟಲಿಯ ಪಡೀವಾ ಪ್ರಾಂತ್ಯದಿಂದ. ಅಮೇರಿಕಾದ ಪ್ಯಾರಾಟ್ರೂಪರ್ ಟೋನಿ ಟ್ರಾಕೊನಿ ಈ ಕತೆಯ ನಾಯಕ. ತನ್ನ ದೇಶದ ಬಗೆಗೆ ಅಪ್ರತಿಮ ಭಕ್ತಿ ಹೊಂದಿದ್ದ ಟೋನಿ ತನ್ನ ಕಂದ ಟೆಕ್ಸಾಸ್‌ನ ಮಣ್ಣಿನ ಮೇಲೆಯೇ ಜನಿಸಬೇಕೆಂದು ಕನಸು ಕಂಡಿದ್ದರು. ಆದರೆ, ತನ್ನ ಮನೆಗೆ ಮೊದಲ ಕಂದನ ಆಗಮನಕ್ಕೆ ಕೆಲವೇ ತಿಂಗಳ ಮುನ್ನ ಇವರು ಅಮೇರಿಕಾದಿಂದ ಬಹುದೂರದ ಇಟಲಿಯಲ್ಲಿದ್ದರು. ತನ್ನ ವೃತ್ತಿಯ ಕಾರಣದಿಂದ ಇಲ್ಲಿಗೆ ಬಂದಿದ್ದ ಇವರು ಮತ್ತೆ ತವರಿಗೆ ಹೋಗುವುದು ಕಷ್ಟಸಾಧ್ಯವಾಗಿತ್ತು.

Also Read : National Girl Child Day : ಸ್ಫೂರ್ತಿ ತುಂಬಿದ ಸಾಧಕಿಯ ಗುಣಗಾನ

ಇತ್ತ, ಪತ್ನಿಯ ಹೆರಿಗೆಗೆ ದಿನ ಹತ್ತಿರ ಬರುತ್ತಿದ್ದಂತೆಯೇ ಇವರ ಆತಂಕವೂ ಹೆಚ್ಚಾಗುತ್ತಾ ಹೋಗಿತ್ತು. ನನ್ನ ತಾಯ್ನೆಲದಲ್ಲಿ ನನ್ನ ಕಂದ ಹುಟ್ಟುತ್ತಿಲ್ಲವಲ್ಲಾ ಎಂಬ ನೋವು ಇವರನ್ನು ಕಾಡಿತ್ತು. ಈ ಸಂದರ್ಭದಲ್ಲಿ ಹೊಳೆದದ್ದು ಟೆಕ್ಸಾಸ್‌ನಿಂದ ಮಣ್ಣನ್ನು ಇಟಲಿಗೆ ತರಿಸುವ ಐಡಿಯಾ... ತಕ್ಷಣ ತನ್ನ ಹೆತ್ತವರಿಗೆ ಕರೆ ಮಾಡಿದ ಟೋನಿ ತನ್ನ ದೇಶದ ಮಣ್ಣನ್ನು ಕಳುಹಿಸಿಕೊಡುವಂತೆ ಹೇಳಿದ್ದರು.

Also Read : 91 ವರ್ಷದ ಈ ಅಜ್ಜಿಯ ಡಾನ್ಸ್‌ ನೋಡಿ ಖುಷಿಪಡದವರೇ ಇಲ್ಲ...
ತನ್ನ ಪತ್ನಿಗೆ ಹೆರಿಗೆ ಆಗುವ ಸಂದರ್ಭದಲ್ಲಿ ಈ ಮಣ್ಣನ್ನು ಆಸ್ಪತ್ರೆಯ ಬೆಡ್‌ನ ಕೆಳಗಿಡಬೇಕೆಂಬುದು ಟೋನಿ ಆಸೆಯಾಗಿತ್ತು. ಹೀಗೆ ಮಾಡಿದರೆ ತನ್ನ ಕಂದ ತನ್ನ ತಾಯ್ನೆಲದಲ್ಲಿ ಜನಿಸಿದ ಸಮಾಧಾನ ಸಿಗುತ್ತದೆ ಎಂಬುದು ಇವರ ಉದ್ದೇಶವಾಗಿತ್ತು. ಆ ಕ್ಷಣಕ್ಕೆ ಇವರಿಗೆ ಇದನ್ನು ಬಿಟ್ಟು ಬೇರೆ ದಾರಿಯೂ ಇರಲಿಲ್ಲ.

Also Read : ಸ್ಟಾರ್ ನಟರಂತೆ ಮಿಂಚುವ ನಮ್ಮ ಹೆಮ್ಮೆಯ ಈ ಉದ್ಯಮಿ ಯಾರು ಅಂತ ಗುರುತಿಸುತ್ತೀರಾ...?
ಹೀಗೆ ಟೆಕ್ಸಾಸ್‌ನಿಂದ ಮಣ್ಣು ಇಟಲಿ ತಲುಪಲು 200 ಡಾಲರ್ ಅಂದರೆ ಭಾರತದ ಸುಮಾರು 14,260 ರೂಪಾಯಿ ಖರ್ಚಾಗಿದೆ. ಆದರೆ, ಖರ್ಚಿನ ಬಗ್ಗೆ ಟೋನಿ ತಲೆಕೆಡಿಸಿಕೊಂಡಿಲ್ಲ. ಯಾಕೆಂದರೆ, ತನ್ನ ಕಂದನ ಜನನ ಟೆಕ್ಸಾಸ್‌ನ ಮಣ್ಣಿನಲ್ಲೇ ಆಗಿದೆ ಎಂಬ ಸಮಾಧಾನದ ಎದುರು ಈ ಹಣ ತೃಣಕ್ಕೆ ಸಮಾನ ಎಂಬುದು ಟೋನಿ ನಂಬಿಕೆ. ಟೋನಿ ಇಚ್ಛೆಯಂತೆ ಎಲ್ಲವೂ ಸುಸೂತ್ರವಾಗಿ ನಡೆದಿತ್ತು. ಇವರಿಗೆ ಮುದ್ದಾದ ಗಂಡು ಮಗು ಕೂಡಾ ಜನಿಸಿದ್ದ.

ಹಾಗಂತ, ಈ ಮಣ್ಣನ್ನು ಇವರು ಎಸೆದಿಲ್ಲ. ಸ್ವಲ್ಪ ದಿನ ಆದ ಬಳಿಕ ತನ್ನ ಮಗನನ್ನು ಇದೇ ಮಣ್ಣಿನಲ್ಲಿ ನಿಲ್ಲಿಸಿ ಟೋನಿ ಫೋಟೋ ಕ್ಲಿಕ್ಕಿಸಿ ಸಂಭ್ರಮಿಸಿದ್ದರು. ಜೊತೆಗೆ, ಟೆಕ್ಸಾಸ್‌ನ ಮಣ್ಣನ್ನು ಮೊದಲ ಬಾರಿಗೆ ಸ್ಪರ್ಶಿಸಿದ ಪುತ್ರ ಎಂದು ಖುಷಿಯಲ್ಲಿ ಬರೆದುಕೊಂಡು ಈ ಫೋಟೋವನ್ನು ಟೋನಿ ತನ್ನ ಟ್ವಿಟ್ಟರ್ ಖಾತೆಯಲ್ಲಿ ಹಂಚಿಕೊಂಡಿದ್ದರು.

ದೇಶಪ್ರೇಮ ಎಂದರೆ ಹಾಗೆನೇ. ಈ ವಿಶ್ವದಲ್ಲಿ ಪ್ರತಿಯೊಬ್ಬರಿಗೂ ತಮ್ಮ ನೆಲದ ಮೇಲೆ ಆರಾಧನಾ ಭಾವ ಇರುತ್ತದೆ... ಟೋನಿ ಅವರ ಈ ಸ್ಫೂರ್ತಿದಾಯಕ ಕತೆಯೇ ಇದಕ್ಕೆ ಸಾಕ್ಷಿ...