ಸಂಗೀತದ ಮಹಾಶಕ್ತಿ : ಪಿಯಾನೋ ನುಡಿಸಿ ಕೌಶಲ್ಯ ಮೆರೆದ `ಡಿಮೆನ್ಶಿಯಾ'ದಿಂದ ಬಳಲುತ್ತಿರುವ ವ್ಯಕ್ತಿ!

ಡಿಮೆನ್ಶಿಯಾ... ಇದು ನರ ಸಂಬಂಧಿತ ಸಮಸ್ಯೆ. ಈ ಸಮಸ್ಯೆ ಮನುಷ್ಯರ ದೈನಂದಿನ ಜೀವನ, ನೆನಪಿನ ಶಕ್ತಿ, ಆಲೋಚನೆ, ಸಾಮಾಜಿಕ ಸಾಮರ್ಥ್ಯದ ಮೇಲೆ ಪ್ರಭಾವ ಬೀರುತ್ತದೆ. ಬಹುತೇಕ ಸಂದರ್ಭದಲ್ಲಿ ಹಿರಿಯರಿಗೆ ಈ ಸಮಸ್ಯೆ ಹೆಚ್ಚಾಗಿ ಕಾಡುತ್ತದೆ. ಇಲ್ಲಿ ಬಹುಮುಖ್ಯವಾಗಿ ನೆನಪಿನ ಶಕ್ತಿ ಕ್ಷೀಣವಾಗುತ್ತದೆ. ಆದರೆ, ಈ ಸಮಸ್ಯೆಯಿಂದ ಬಳಲುತ್ತಿದ್ದರೂ ಕೆಲವರು ತಮ್ಮ `ಶಕ್ತಿ'ಯಿಂದ ಬೆರಗು ಮೂಡಿಸುತ್ತಾರೆ. ಇದು ಅಂತಹದ್ದೇ ಒಂದು ವಿಡಿಯೋ.

ಡಿಮೆನ್ಶಿಯಾದಿಂದ ಬಳಲುತ್ತಿರುವ ಇಂಗ್ಲೆಂಡಿನ ವ್ಯಕ್ತಿಯೊಬ್ಬರು ಪಿಯಾನೋ ನುಡಿಸುವ ವಿಡಿಯೋವೊಂದು ಈಗ ವೈರಲ್ ಆಗುತ್ತಿದೆ. ಈ ದೃಶ್ಯ ಒಂದು ಕ್ಷಣ ನೆಟ್ಟಿಗರನ್ನು ಭಾವುಕರನ್ನಾಗಿಸಿದೆ.

Also Read : Caught on Camera : ಸಿಬ್ಬಂದಿಯಿಂದ ಸ್ಯಾನಿಟೈಜರ್ ಹಾಕಿಸಿಕೊಂಡು ಚಿನ್ನದಂಗಡಿ ದೋಚಿದ ದರೋಡೆಕೋರರು!

ಸಂಗೀತಕ್ಕಿರುವ ಶಕ್ತಿಯೇ ಅಂತಹದ್ದು. ಎಲ್ಲಾ ನೋವನ್ನು ಮರೆಸುವ, ಮನಸ್ಸಿಗೊಂದು ಉಲ್ಲಾಸ ನೀಡುವ ಮಾಂತ್ರಿಕ ಶಕ್ತಿ ಸಂಗೀತಕ್ಕಿದೆ. ಇದು ಕೂಡಾ ಆ ಸಂಗೀತದ ಮಹಾಶಕ್ತಿಗೆ ಸಾಕ್ಷಿಯಾದ ವಿಡಿಯೋ. ಇಲ್ಲಿ ಪಿಯಾನೋ ನುಡಿಸಿದವರ ಹೆಸರು ಪಾಲ್ ಹಾರ್ವೆ. ಇವರು ಸಂಗೀತಗಾರ ಮತ್ತು ಸಂಗೀತ ಶಿಕ್ಷಕ. ಆದರೆ, ವಯಸ್ಸಾದಂತೆ ನೆನಪಿನ ಶಕ್ತಿ ಕ್ಷೀಣವಾಗಿಸುವ ಕಾಯಿಲೆ ಡಿಮೆನ್ಶಿಯಾ ಇವರನ್ನು ಭಾದಿಸತೊಡಗಿತ್ತು. ಹಾಗಂತ, ಇವರಲ್ಲಿರುವ ಸಂಗೀತ ಕಲೆ ಮರೆಯಾಗಿಲ್ಲ. ಇದಕ್ಕೆ ಸಾಕ್ಷಿ ಅವರ ಪುತ್ರ ನಿಕ್ ಹಂಚಿಕೊಂಡಿರುವ ಈ ವಿಡಿಯೋ. ಭಾವನಾತ್ಮಕ ಬರಹದೊಂದಿಗೆಯೇ ಪಾಲ್ ಅವರ ಪುತ್ರ ನಿಕ್ ಈ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ.


Also Read : ಮದುವೆ ದಿರಿಸಿನಲ್ಲಿದ್ದಾಗಲೇ ಮದುಮಗಳ ಫೈಟಿಂಗ್! : ಹೊಡೆದಾಟದ ವಿಡಿಯೋ ವೈರಲ್

ನಿಕ್ ಅವರೂ ಸಂಗೀತ ಸಂಯೋಜಕ. ಇತ್ತೀಚೆಗೆ ನಿಕ್ ಅವರು ತಮ್ಮ 80 ವರ್ಷದ ತಂದೆಯ ವಿಡಿಯೋವನ್ನು ಟ್ವಿಟ್ಟರ್‌ನಲ್ಲಿ ಹಂಚಿಕೊಂಡಿದ್ದಾರೆ. ಪುತ್ರ ನೀಡಿದ ನಾಲ್ಕು ನೋಟ್ಸನ್ನು ಇಟ್ಟುಕೊಂಡು ಪಾಲ್ ಅದ್ಭುತ ಸಂಗೀತ ಸಂಯೋಜನೆ ಮಾಡಿದ್ದರು. ಇದು ಸ್ವತಃ ಮಗ ನಿಕ್ ಅವರನ್ನೇ ಬೆರಗುಗೊಳಿಸಿತ್ತು. `ಅಪ್ಪನ ಸಂಗೀತ ಸಂಯೋಜನೆಯ ಸಾಮರ್ಥ್ಯ ನಿಜಕ್ಕೂ ನನ್ನನ್ನು ಬೆರಗುಗೊಳಿಸಿತ್ತು' ಎಂದು ನಿಕ್ ಬರೆದುಕೊಂಡಿದ್ದಾರೆ.

Also Read : ಹಾಲುಗಲ್ಲದ ಕಂದನ `ಸಾಹಸಯಾನ'...! : ಇದು ನಿಜಕ್ಕೂ ಬೆರಗುಗೊಳಿಸುವ ದೃಶ್ಯ

ಸದ್ಯ ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗುತ್ತಿದೆ. ವಿಶ್ವದ ನಾನಾ ಭಾಗದ ಜನ ಈ ವಿಡಿಯೋ ನೋಡಿ ಭಾವುಕರಾಗಿದ್ದಾರೆ. ಅಲ್ಲದೆ, ಹಲವರು ಸಂಗೀತದಲ್ಲಡಗಿರುವ ಮಾಂತ್ರಿಕ ಶಕ್ತಿಯನ್ನು ಕೊಂಡಾಡಿದ್ದಾರೆ.