ಅಯ್ಯೋ ಪಾಪ... ಹೀಗ್ ಮಾಡಿದ್ದು ಸರೀನಾ...? : ನೆಟ್ಟಿಗರಲ್ಲೀಗ ಬರೀ ಇದೇ ಚರ್ಚೆ!

ಮುಖಕ್ಕೆ ಮಾಸ್ಕ್‌, ಬಟ್ಟೆ ತೊಟ್ಟು ಆ ಚಿಂಪಾಂಜಿ ಸೈಕಲ್ ತುಳಿಯುತ್ತಿತ್ತು... ಹಿಂಬದಿಯಿಂದ ವ್ಯಕ್ತಿಯೊಬ್ಬ ಕೊರೊನಾ ವೈರಸ್ ಸೋಂಕು ನಿವಾರಕವನ್ನು ಸಿಂಪಡಣೆ ಮಾಡುತ್ತಾ ಸಾಗುತ್ತಿದ್ದ. ಸದ್ಯ ಈ ವಿಡಿಯೋ ಸಾಮಾಜಿಕ ಮಾಧ್ಯಮಗಳಲ್ಲಿ ಸಖತ್ ಆಗಿಯೇ ವೈರಲ್ ಆಗುತ್ತಿದೆ.

Also Read : ಪ್ರಶ್ನೆಯಾಗಿಯೇ ಉಳಿದಳು ವ್ಯಾಲೆಂಟೈನ್ ಡೇಯಂದೇ ಶವವಾಗಿ ಸಿಕ್ಕಿದ ಹುಡುಗಿ!

ಥೈಲ್ಯಾಂಡಿನ ಮೃಗಾಲಯವೊಂದರಲ್ಲಿ ಸೆರೆಯಾದ ದೃಶ್ಯವಿದು. ಬ್ಯಾಂಕಾಕ್‌ನ ಹೊರವಲಯದಲ್ಲಿ ಸಮುತ್‌ಪ್ರಕರ್ನ್‌ ಮೊಸಳೆ ಪಾರ್ಕ್ ಮತ್ತು ಮೃಗಾಲಯವಿದೆ. ಇಲ್ಲಿ ಕೊರೊನಾ ವೈರಸ್‌ ಹರಡದಂತೆ ಔಷಧಿಯನ್ನು ಸಿಂಪಡಿಸಲಾಗಿದೆ. ಈ ಔಷಧಿ ಸಿಂಪಡಣೆಗೆ ಚಿಂಪಾಂಜಿಯನ್ನೂ ಬಳಸಲಾಗಿತ್ತು. ಹೀಗಾಗಿ, ಮುಖಕ್ಕೆ ಮಾಸ್ಕ್‌ ತೊಟ್ಟ ಚಿಂಪಾಂಚಿ ಸೈಕಲ್ ತುಳಿಯುತ್ತಿರುವ ಈ ವಿಡಿಯೋ ಈಗ ನೆಟ್ಟಿಗರಲ್ಲಿ ಚರ್ಚೆಯನ್ನು ಹುಟ್ಟುಹಾಕಿದೆ.

Also Read : ತನ್ನ ವಾಹನ ಅಪಘಾತ ಮಾಡಿ ಇನ್ನೊಂದು ಕಾರು ಕದ್ದು ಪರಾರಿ : ಇಲ್ಲೂ ಆಕೆಗೆ ಕಾಡಿತು ವಿಧಿ!

ವೈರಲ್ ಆಗುತ್ತಿರುವ ಈ ವಿಡಿಯೋವನ್ನು ಕಂಡ ಬಹುತೇಕ ನೆಟ್ಟಿಗರು ಚಿಂಪಾಂಜಿಯನ್ನು ಈ ರೀತಿ ಬಳಸಿಕೊಂಡಿದ್ದು ಸರಿಯಲ್ಲ ಎಂದು ಅಭಿಪ್ರಾಯಪಟ್ಟಿದ್ದಾರೆ. ಎಲ್ಲರೂ ಈ ವಿಡಿಯೋ ಕಂಡು ಮರುಗಿದ್ದಾರೆ. ಅಲ್ಲದೆ, ಪ್ರಾಣಿಗಳ ರಕ್ಷಣೆಯ ವಿಚಾರದಲ್ಲಿ ಹೋರಾಟ ನಡೆಸುವ ಪೆಟಾ ಕೂಡಾ ಇದೊಂದು `ಹೃದಯ ವಿದ್ರಾವಕ' ದೃಶ್ಯ ಎಂದು ಹೇಳಿಕೊಂಡಿದೆ. ಈ ಬಗ್ಗೆ ಮಾತನಾಡಿರುವ ವಕ್ತಾರ ನಿರಾಲಿ ಷಾ, ಸಮುತ್ಪ್ರಕರ್ನ್ ಕ್ರೊಕೊಡೈಲ್ ಫಾರ್ಮ್ ಮತ್ತು ಮೃಗಾಲಯದಂತಹ ಸ್ಥಳಗಳು ಈಗ ಪ್ರಾಣಿಗಳಿಗೆ ನರಕಯಾತನೆಗಳಾಗಿವೆ. ಚಿಂಪಾಂಜಿಯಂತಹ ಪ್ರಾಣಿಗಳು ಇಲ್ಲಿ ದಿನಾ ಸೆರೆಯಲ್ಲಿ ಶೋಚನೀಯ ಜೀವನವನ್ನು ಅನುಭವಿಸುತ್ತಿವೆ ಎಂದು ದೂರಿದ್ದಾರೆ.

Also Read : ಹೊಟ್ಟೆಗಿಲ್ಲದ ಕೋಪ...! ಈ ಕರಡಿ ಮಾಡಿದ್ದೇನು ಗೊತ್ತಾ...? ಅಯ್ಯೋ ದೇವರೇ...!

ಆದರೆ, ಮೃಗಾಲಯವನ್ನು ಸ್ವಚ್ಛಗೊಳಿಸುವ ಸಲುವಾಗಿ ಚಿಂಪಾಂಜಿಯನ್ನು ಬಳಸಿಕೊಳ್ಳಲಾಗಿದೆ ಎಂಬುದು ಈ ಮೃಗಾಲಯದ ನಿರ್ದೇಶಕ ಉಥೆನ್ ಯಾಂಗ್‌ಪ್ರಫಾಕಾರ್ನ್ ಸ್ಪಷ್ಟನೆ. ಸರ್ಕಾರದ ಆದೇಶದಂತೆ ಈಗ ಮೃಗಾಲಯವನ್ನು ಮುಚ್ಚಲಾಗಿದೆ. ಹೀಗಾಗಿ ವಾರಕ್ಕೆ ಎರಡ್ಮೂರು ಸಲ ಈ ಮೃಗಾಲಯವನ್ನು ಸ್ವಚ್ಛ ಮಾಡಲಾಗುತ್ತದೆ. ಈ ಚಿಂಪಾಂಜಿಗೂ ತರಬೇತಿ ನೀಡಲಾಗಿದೆ. ಅಲ್ಲದೆ, ಚಿಂಪಾಂಜಿಗೂ ಚಟುವಟಿಕೆ ನೀಡಿ ಅವುಗಳ ಮನಸ್ಸಿಗೂ ಉಲ್ಲಾಸ ನೀಡುವ ಸಲುವಾಗಿ ಹೊರಗೆ ಕರೆದುಕೊಂಡು ಬಂದು ಈ ರೀತಿ ಬಳಸಿಕೊಳ್ಳಲಾಗಿದೆ ಎಂಬುದು ಇವರ ಮಾತು.

ಸದ್ಯ ಪರ ವಿರೋಧದ ಚರ್ಚೆಯ ನಡುವೆ ಈ ವಿಡಿಯೋ ಈಗ ಸಾಮಾಜಿಕ ಮಾಧ್ಯಮಗಳಲ್ಲಿ ಭರ್ಜರಿಯಾಗಿ ಹರಿದಾಡುತ್ತಿದೆ.