ಈ ಇಂಟರ್ನೆಟ್ ಜಮಾನಾದಲ್ಲಿ ಎಲ್ಲವೂ ಫಟಾಫಟ್... ಖುಷಿಯೂ ಅಷ್ಟೇ. ನೋವೂ ಅಷ್ಟೇ...! ಕೆಲವೊಂದು ವಿಡಿಯೋಗಳಂತು ಮನಸ್ಸಿನ ನೋವನೂ ಖಂಡಿತಾ ದೂರ ಮಾಡುತ್ತವೆ. ಅದರಲ್ಲೂ ಚಿಣ್ಣರ ಆಟ ತುಂಟಾದ ವಿಡಿಯೋ ಸಿಕ್ಕರೆ ಮನಸು ಹಗುರಾಗಲು ಬೇರೆನೂ ಬೇಡ.
ಇದು ಕೂಡಾ ಅಂತಹದ್ದೇ ಒಂದು ಸುಂದರ ವಿಡಿಯೋ. ಪುಟಾಣಿಯೊಬ್ಬಳು ಸೀತೆಯಂತೆ ವೇಷ ತೊಟ್ಟು ಸಂಭ್ರಮಿಸುವ ಪರಿ ಇದೆಯಲ್ವಾ...? ವ್ಹಾವ್... ನೋಡುವುದಕ್ಕೇ ಖುಷಿ...
ಮೂರು ಮಕ್ಕಳು ರಾಮ, ಲಕ್ಷ್ಮಣ, ಸೀತೆಯಂತೆ ವೇಷ ತೊಟ್ಟು ನಿಂತ ವಿಡಿಯೋ ಈಗ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ಆಗಿಯೇ ವೈರಲ್ ಆಗುತ್ತಿದೆ. ರಾಮ ಲಕ್ಷ್ಮಣ ವೇಷಧಾರಿ ಪುಟಾಣಿಗಳು ಸುಮ್ಮನೆ ನಿಂತಿದ್ದರೆ, ಪಕ್ಕದಲ್ಲೇ ಇದ್ದ ಇನ್ನೊಬ್ಬಳು ಪುಟಾಣಿ ಹಾಡಿಗೆ ಕುಣಿಯುತ್ತಾ ಸಂಭ್ರಮಿಸುತ್ತಿದ್ದಳು. ಈ ವಿಡಿಯೋವನ್ನು ಈಗ ಬಹುತೇಕರು ಹಂಚಿಕೊಂಡಿದ್ದಾರೆ.
ಅರೆಕ್ಷಣದಲ್ಲಿ ಈ ವಿಡಿಯೋ ಎಲ್ಲರ ಮನಗೆದ್ದಿದೆ. ಎಲ್ಲರೂ ಈ ಪುಟಾಣಿಯನ್ನು ಕೊಂಡಾಡುವವರೇ... `ಈ ಮಗು ನನ್ನನ್ನು ಖುಷಿಗೊಳಿಸಿದ್ದಾಳೆ. ಎಂತಹ ಅದ್ಭುತ ಕಂದ' ಎಂದು ಇಬ್ಬರು ಬರೆದರೆ, `ಈ ಪುಟಾಣಿಯನ್ನು ನೋಡುವುದೇ ಒಂದು ಖುಷಿ' ಎಂದು ಇನ್ನೊಬ್ಬರು ಶಹಬ್ಬಾಸ್ ಹೇಳಿದ್ದಾರೆ.
ಮಕ್ಕಳ ತುಂಟಾಟ, ಖುಷಿಯೇ ಹಾಗೆ. ಚಿಣ್ಣರು ನಿಷ್ಕಲ್ಮಷ ಮನಸ್ಸಿನ ದೇವರು. ನೋವು ಮರೆಸಲು ಈ ಸಣ್ಣ ವಿಡಿಯೋ ಸಾಕು. ಅಲ್ವಾ...?