ಬರ್ತ್‌ಡೇ ಕೇಕ್‌ನಲ್ಲಿತ್ತು ಸರ್ಪ್ರೈಸ್ `ಗಿಫ್ಟ್‌' : ಉಡುಗೊರೆ ನೋಡಿ ಎಲ್ಲರೂ ಫಿದಾ

ಇಷ್ಟಪಾತ್ರರಿಗೆ ಸರ್ಪ್ರೈಸ್ ಗಿಫ್ಟ್‌ ಕೊಡುವ ಖುಷಿಯೇ ಬೇರೆ. ಮದುವೆ, ಹುಟ್ಟುಹಬ್ಬದ ಸಂದರ್ಭದಲ್ಲಿ ಎಲ್ಲರೂ ತಮ್ಮ ಪ್ರೀತಿ ಪಾತ್ರರಿಗೆ ಅಚ್ಚರಿಯ ಉಡುಗೊರೆ ಕೊಟ್ಟು ಖುಷಿಪಡುತ್ತಾರೆ. ಈ ಮೂಲಕ ಖುಷಿಯ ಕ್ಷಣವನ್ನು ಇನ್ನಷ್ಟು ಸ್ಮರಣೀಯವನ್ನಾಗಿಸುತ್ತಾರೆ. ಅದರಲ್ಲೂ ಕೆಲವರು ತುಂಬಾ ವಿಭಿನ್ನವಾಗಿ ಯೋಚಿಸಿ ಹೃದಯಸ್ಪರ್ಶಿ ಉಡುಗೊರೆಗಳನ್ನು ಕೊಡುತ್ತಾರೆ. ಇಂತಹ ಅನೇಕ ವಿಡಿಯೋಗಳು ಈಗಾಗಲೇ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿವೆ. ಸದ್ಯ ಇಂತಹದ್ದೇ ಇನ್ನೊಂದು ವಿಡಿಯೋ ನೆಟ್ಟಿಗರ ಮನಸ್ಸು ತಣಿದಿದೆ. ಅಪ್ಪ ಮತ್ತು ಮಕ್ಕಳ ಸುಂದರ ಬಾಂಧವ್ಯದ ಈ ವಿಡಿಯೋ ನೋಡಿದರೇನೇ ಖುಷಿಯಾಗುತ್ತದೆ.

Also Read : ಇಬ್ಬರು ನಡೆದುಕೊಂಡು ಹೋಗುತ್ತಿದ್ದಾಗಲೇ ಕುಸಿದ ಫುಟ್‌ಪಾತ್‌! : ಇದು ಎದೆ ನಡುಗಿಸುವ ದೃಶ್ಯ

ಆ ಪುತ್ರಿಯರು ತನ್ನ ತಂದೆಯ ಹುಟ್ಟುಹಬ್ಬಕ್ಕೆ ಸ್ಪೆಷಲ್ ಉಡುಗೊರೆಯನ್ನು ಕೊಡಲು ಬಯಸಿದ್ದರು. ಯಾರೂ ಮಾಡದ ರೀತಿಯಲ್ಲಿ ವಿನೂತನವಾಗಿ ಅಪ್ಪನ ಹುಟ್ಟುಹಬ್ಬವನ್ನು ಆಚರಿಸಬೇಕೆಂದು ಅವರು ನಿರ್ಧರಿಸಿದ್ದರು. ಅಂತೆಯೇ, ಬರ್ತ್‌ ಡೇ ದಿನ ಬಂದೇ ಬಿಟ್ಟಿದ್ದರು. ಆ ತಂದೆ ಕೂಡಾ ತಮ್ಮ ಮನೆ ಸದಸ್ಯರ ಎದುರುಗಡೆ ಕುಳಿತು ಬರ್ತ್‌ಡೇ ಕೇಕ್ ಕಟ್ ಮಾಡುವುದಕ್ಕೆ ಸಿದ್ಧರಾಗಿದ್ದರು. ಆದರೆ, ಅದಕ್ಕಿಂತ ಮೊದಲು ಕೇಕ್‌ನೊಳಗಿದ್ದ ಗಿಫ್ಟ್‌ ತೆಗೆಯುವಂತೆ ಪತ್ನಿ ಮತ್ತು ಮಕ್ಕಳು ಆ ವ್ಯಕ್ತಿಗೆ ತಿಳಿಸಿದ್ದರು. ತಂದೆ ಕೂಡಾ ಅಚ್ಚರಿಯಿಂದ ಮತ್ತು ಅಷ್ಟೇ ಜಾಗರೂಕತೆಯಿಂದ ಕೇಕ್‌ನೊಳಗಿದ್ದ ಗಿಫ್ಟ್‌ ಹೊರತೆಗೆದಿದ್ದರು. ಈ ಗಿಫ್ಟ್‌ ನೋಡಿ ಆ ತಂದೆಯ ಖುಷಿಗೇ ಪಾರವೇ ಇರಲಿಲ್ಲ. ಯಾಕೆಂದರೆ ಅಲ್ಲಿ ಇದ್ದದ್ದು ನೋಟಿನ ಕಂತೆ. ಎಳೆದಷ್ಟು ಬರುತ್ತಿದ್ದ ಹಣದ ಕಟ್ಟನ್ನು ಕಂಡು ಅಪ್ಪ ಖುಷಿಯಾಗಿದ್ದರು. ಕುಟುಂಬದ ಸದಸ್ಯರೂ ಈ ಸಂಭ್ರಮದಲ್ಲಿ ಹಿರಿಹಿರಿ ಹಿಗ್ಗಿದ್ದರು.

Also Read : Hilarious Video : ಹುಲಿಗೇ `ಮೋಸ ಮಾಡಿ' ಜೀವ ಉಳಿಸಿಕೊಂಡ ಬಾತುಕೋಳಿ : ತಮಾಷೆಯಾಗಿದೆ ಈ ವಿಡಿಯೋ

ಇಲ್ಲಿದೆ ವೈರಲ್ ವಿಡಿಯೋ :

Also Read : ನೀರಿನ ಟ್ಯಾಂಕ್‌ನಿಂದ ಕಂದನನ್ನು ರಕ್ಷಿಸುವ ತಾಯಿ ಕೋತಿ : ಹೃದಯ ಕರಗಿಸುವ ವಿಡಿಯೋವಿದು

‘ಟೋ ನೀ’ ಎಂಬ ಟ್ವಿಟ್ಟರ್ ಬಳಕೆದಾರರು ತಮ್ಮ ಖಾತೆಯಲ್ಲಿ ಈ ಅಮೂಲ್ಯ ವಿಡಿಯೋವನ್ನು ಪೋಸ್ಟ್‌ ಮಾಡಿದ್ದಾರೆ. ಈ ವ್ಯಕ್ತಿಗೆ ಪ್ರತಿವರ್ಷ ಮಕ್ಕಳು ಸ್ಪೆಷಲ್ ಆಗಿ ಹಣವನ್ನು ಉಡುಗೊರೆ ರೀತಿ ನೀಡುತ್ತಿದ್ದರು. ಈ ವರ್ಷ ಇನ್ನೂ ಸ್ಪೆಷಲ್ ಆಗಿ ಮಕ್ಕಳು ಗಿಫ್ಟ್‌ ಕೊಟ್ಟಿದ್ದನ್ನು ಕಂಡು ಆ ತಂದೆ ಕೂಡಾ ಖುಷಿಯಿಂದ ಕುಣಿದಾಡಿದ್ದರು. ಸದ್ಯ ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗಿದೆ. ಈ ಸರ್ಪ್ರೈಸ್ ಗಿಫ್ಟ್‌ಗೆ ನೆಟ್ಟಿಗರು ಕೂಡಾ ಫಿದಾ ಆಗಿದ್ದಾರೆ. ಸಾವಿರಾರು ಜನ ಈ ವಿಡಿಯೋ ಕಂಡು ಖುಷಿಯ ಪ್ರತಿಕ್ರಿಯೆ ನೀಡಿದ್ದಾರೆ.