ಮರದೊಂದಿಗೆ ಮದುವೆ...! : ಮೊದಲ ವಿವಾಹ ವಾರ್ಷಿಕೋತ್ಸವ ಆಚರಣೆಯ ಖುಷಿ!

ಮಹಿಳೆಯೊಬ್ಬರು ಮರವನ್ನೇ ವರಿಸಿದ್ದಾರೆ...! ಈ ಶುಭಕ್ಷಣಕ್ಕೆ ಈಗ ಒಂದು ವರ್ಷ...! ಈ ವಾರ್ಷಿಕೋತ್ಸವವನ್ನು ಈ ಮಹಿಳೆ ಖುಷಿಯಿಂದ ಆಚರಿಸಿಕೊಂಡಿದ್ದಾರೆ.

ಮಳೆ ಬರದೇ ಇದ್ದಾಗ ಕತ್ತೆಗಳ ಮದುವೆ, ಕಪ್ಪೆಗಳ ಮದುವೆ ಮಾಡುವುದರ ಬಗ್ಗೆ ನೀವು ಕೇಳಿರಬಹುದು, ಇಳಿ ವಯಸ್ಸಿನಲ್ಲಿ ಪ್ರೀತಿ ಅರಳಿ ದಾಂಪತ್ಯಕ್ಕೆ ಕಾಲಿಟ್ಟ ಜೋಡಿಯನ್ನೂ ನೋಡಿರಬಹುದು. ಎಂದಾದರೂ ಮನುಷ್ಯರು ಮರವನ್ನು ಮದುವೆಯಾದ ಕತೆಯನ್ನು ಕೇಳಿದ್ದೀರಾ...? ಬಹುಶಃ ಇರಲಿಕ್ಕಿಲ್ಲ. ಆದರೆ, ಇಲ್ಲೊಬ್ಬರು ಮಹಿಳೆ ಮರವನ್ನೇ ವರಿಸಿದ್ದಾರೆ.

Also Read : 42ನೇ ಹುಟ್ಟುಹಬ್ಬಕ್ಕೆ ಪುತ್ರ ಕೊಟ್ಟಿದ್ದ ಗ್ರೀಟಿಂಗ್ ಕಾರ್ಡನ್ನೇ ಪುತ್ರನ 42ನೇ ಬರ್ತ್‌ಡೇಗೆ ಕೊಟ್ಟ ತಂದೆ

ಇದು ಇಂಗ್ಲೆಂಡ್‌ನ ಲಿವರ್‌ಪೂಲ್‌ನ 38 ವರ್ಷದ ಕೇಟ್ ಕನ್ನಿಂಗ್ಹ್ಯಾಮ್ ಅವರ ಜೀವನ ಕತೆ. ಕೇಟ್ ಕಳೆದ ವರ್ಷ ಮರದೊಂದಿಗೆ ವಿವಾಹ ಬಂಧಕ್ಕೊಳಗಾಗಿದ್ದರು...! ಇದಾದ ಬಳಿಕ ಕೇಟ್ ಕನ್ನಿಂಗ್ಹ್ಯಾಮ್‌ ತನ್ನ ಹೆಸರಿನೊಂದಿಗೆ `ಎಲ್ಡರ್‌' ಎಂಬ ಹೆಸರನ್ನೂ ಸೇರಿಸಿಕೊಂಡಿದ್ದರು. ಮರ್ಸಿಸೈಡ್‌ನ ಸೆಫ್ಟನ್‌ನಲ್ಲಿರುವ ರಿಮ್ರೋಸ್ ವ್ಯಾಲಿ ಕಂಟ್ರಿ ಪಾರ್ಕ್‌ನಲ್ಲಿ ಕೇಟ್ ವಿವಾಹವಾದ ಎಲ್ಡರ್ ಎಂಬ ಮರವಿದೆ. ಇದು ನನ್ನ ಜೀವನದ ಅತ್ಯುತ್ತಮ ನಿರ್ಧಾರ ಎಂದು ಕೇಟ್ ಹೇಳಿಕೊಂಡಿದ್ದಾರೆ.

Also Read : ಸಂಬಂಧಿಕರ ಕಟೌಟ್‌ಗಾಗಿಯೇ 2 ಲಕ್ಷ ರೂಪಾಯಿ ಖರ್ಚು ಮಾಡಿದ ಜೋಡಿ...!

ಕೇಟ್ ಅವರಿಗೆ ಈ ವೃಕ್ಷ ಪತಿಯ ಜೊತೆಗೆ ತನ್ನ ಗೆಳೆಯ ಮತ್ತು ಇಬ್ಬರು ಮಕ್ಕಳು ಕೂಡಾ ಇದ್ದಾರೆ. ಆದರೆ, ವಿವಾಹ ವಾರ್ಷಿಕೋತ್ಸವಂದು ಇವರೆಲ್ಲಾ ಮನೆಯಲ್ಲಿಯೇ ಇದ್ದರೆ, ಕೇಟ್ ತನ್ನಿಬ್ಬರು ಸ್ನೇಹಿತರೊಂದಿಗೆ ಮರದ ಬಳಿ ಹೋಗಿ ಈ ಸಂಭ್ರಮವನ್ನು ಆಚರಿಸಿದ್ದಾರೆ. ಜೊತೆಗೆ, ತನ್ನ 15 ವರ್ಷದ ಮಗ ನನ್ನ ಈ `ವೈವಾಹಿಕ ಬಂಧ'ದಿಂದ ಮುಜುಗರಕ್ಕೊಳಗಾಗಿದ್ದಾನೆ ಎಂದು ಕೇಟ್ ಒಪ್ಪಿಕೊಂಡಿದ್ದಾರೆ. `ಮರದೊಂದಿಗಿನ ವಿವಾಹ ನಾನು ತೆಗೆದುಕೊಂಡ ಅತ್ಯುತ್ತಮ ನಿರ್ಧಾರಗಳಲ್ಲಿ ಒಂದು. ಈ ನಿರ್ಧಾರ ಕೈಗೊಳ್ಳಬಾರದಿತ್ತು ಎಂದು ನನಗೆ ಒಮ್ಮೆಯೂ ಅನಿಸಿಲ್ಲ. ಈಗ ನನ್ನ 15 ವರ್ಷದ ಮಗನಿಗೆ ಈ ಬಗ್ಗೆ ಮುಜುಗರ ಉಂಟಾದರೂ, ಮುಂದೆ ಇದು ಏನು ಎಂದು ಅವನು ಅರ್ಥ ಮಾಡಿಕೊಳ್ಳುತ್ತಾನೆ' ಎಂಬುದು ಕೇಟ್ ಮಾತು.

Also Read : ಮಹಿಳೆಗೆ ಫೇಸ್‌ಮಾಸ್ಕ್‌ ಹಾಕಿಸಿದ ಹಂಸ...! : ಇಲ್ಲಿದೆ ತಮಾಷೆಯ ವಿಡಿಯೋ

`ಬೇರೆಯವರು ಏನು ಹೇಳುತ್ತಾರೆಂದು ನಾನು ಚಿಂತಿಸುವುದಿಲ್ಲ. ಇದು ನನಗೆ ಹೆಚ್ಚು ಆತ್ಮವಿಶ್ವಾಸವನ್ನು ಉಂಟು ಮಾಡಿದೆ' ಎನ್ನುವ ಕೇಟ್, ವಾರದಲ್ಲಿ ಐದು ಬಾರಿ ತನ್ನ `ಪತಿ' ಮರವನ್ನು ನೋಡಲು ಉದ್ಯಾನವನಕ್ಕೆ ಭೇಟಿ ನೀಡುತ್ತೇನೆ ಎಂದು ಹೇಳಿದ್ದಾರೆ.

ತನ್ನ ಮದುವೆಯು ರಿಮ್ರೋಸ್ ವ್ಯಾಲಿ ಕಂಟ್ರಿ ಪಾರ್ಕ್ ಅನ್ನು ಬೈಪಾಸ್ ಆಗಿ ಪರಿವರ್ತಿಸುವ ಯೋಜನೆಯಿಂದ ರಕ್ಷಿಸುವ ಅಭಿಯಾನಕ್ಕೆ ಬೆಂಬಲವಾಗಿದೆ. ತನ್ನ ಈ ಅಭಿಯಾನದ ಹೊರತಾಗಿಯೂ ಸ್ಥಳೀಯ ನಿವಾಸಿಗಳು ಹೊಸ ಬೈಪಾಸ್ ಯೋಜನೆಯನ್ನು ನಿಲ್ಲಿಸಲು ಆಗ್ರಹಿಸಿದ್ದಾರೆ. ಅಲ್ಲದೆ, ಪರಿಸರ, ಮರಗಳ ರಕ್ಷಣೆ ದೃಷ್ಟಿಯಿಂದ ಪ್ರತಿವರ್ಷ `ಮ್ಯಾರಿ ಎ ಟ್ರೀ ಡೇ' ಕಾರ್ಯಕ್ರಮಕ್ಕೆ ಇವರು ಕರೆ ನೀಡಿದ್ದು, ಹೆಚ್ಚಿನವರು ಮರಗಳನ್ನು ವರಿಸಲು ಮುಂದೆ ಬರಬೇಕು ಎಂದು ಒತ್ತಾಯಿಸಿದ್ದಾರೆ.