ನಿದ್ದೆ ಮಂಪರಿನಲ್ಲಿದ್ದ ಮರಿಯನ್ನು ವಾತ್ಯಲ್ಯದಿಂದ ಮಡಿಲಿನಲ್ಲಿ ಮಲಗಿದ್ದಳು ತಾಯಿ ಪಾಂಡಾ : ಅದ್ಭುತ ದೃಶ್ಯವಿದು

ಅಮ್ಮನ ಮಡಿಲು ಮಕ್ಕಳಿಗೆ ಸ್ವರ್ಗ... ಅಮ್ಮನ ಪ್ರೀತಿಯ ಮಡಿಲಿನಲ್ಲಿ ಮಲಗಿದ ಸುಖ ಪುಟಾಣಿಗಳಿಗೆ ಮತ್ತೆಲ್ಲೂ ಸಿಗದು... ಬರೀ ಮನುಷ್ಯರೆಂದಲ್ಲ ಪ್ರಾಣಿ, ಪಕ್ಷಿಗಳಲ್ಲೂ ಇದೇ ರೀತಿಯ ಪ್ರೀತಿ, ವಾತ್ಸಲ್ಯವನ್ನು ನಾವು ಕಾಣಬಹುದು. ಹೀಗೆ ಅಮ್ಮನ ಅಪೂರ್ವ ಪ್ರೀತಿಯನ್ನು ಸಾರುವ ಅದ್ಭುತ ವಿಡಿಯೋಗಳು ಆಗಾಗ ಸೋಶಿಯಲ್ ಮೀಡಿಯಾದಲ್ಲಿ ಎಲ್ಲರ ಗಮನ ಸೆಳೆಯುತ್ತವೆ. ಈ ಒಂದೊಂದು ಸುಂದರ ವಿಡಿಯೋಗಳು ಮನಸ್ಸಿನ ನೋವನ್ನು ದೂರ ಮಾಡುತ್ತವೆ. ಅದರಲ್ಲೂ ಪ್ರಾಣಿಗಳ ಬಗೆಗಿನ ಈ ಸೊಬಗಿನ ದೃಶ್ಯ ನೋಡಲು ಇನ್ನೂ ಖುಷಿ ಜಾಸ್ತಿ.

Also Read : Maa Tujhe Salaam : ಸುಶ್ರಾವ್ಯ ಕಂಠದಿಂದಲೇ ನೆಟ್ಟಿಗರ ಮನಗೆದ್ದ 4 ವರ್ಷದ ಮುದ್ದು ಕಂದ

ಸದ್ಯ ಇಂತಹದ್ದೇ ವಿಡಿಯೋವೊಂದು ಎಲ್ಲರ ಗಮನ ಸೆಳೆಯುತ್ತಿದೆ. ಇದು ಪಾಂಡಾವೊಂದು ತನ್ನ ಮರಿಯನ್ನು ಅತ್ಯಂತ ವಾತ್ಸಲ್ಯದಿಂದ ಮಡಿಲಿನಲ್ಲಿ ಮಲಗಿಸುವ ಅಪೂರ್ವ ದೃಶ್ಯ. ಈ ದೃಶ್ಯವನ್ನು ಎಷ್ಟು ನೋಡಿದರೂ ಮನಸ್ಸು ತಣಿಯದು. ಜೊತೆಗೆ, ಈ ಅಪೂರ್ವ ದೃಶ್ಯ ಎಂತಹವರನ್ನೂ ಸೆಳೆಯದೇ ಇರದು.


Also Read : ತೀಕ್ಷ್ಣ ಕಣ್ಣು... ಗಾಂಭೀರ್ಯದ ನೋಟ... ಕ್ಯಾಮೆರಾಕ್ಕೆ ಸೆರೆಯಾದ ಕರಿಚಿರತೆ

ಸ್ಮಿತ್‌ಸೋನಿಯನ್‌ನ ರಾಷ್ಟ್ರೀಯ ಮೃಗಾಲಯದ ಅಧಿಕೃತ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಈ ಅಪೂರ್ವ ವಿಡಿಯೋವನ್ನು ಹಂಚಿಕೊಳ್ಳಲಾಗಿದೆ. ಈ ಆರಾಧ್ಯ ಕ್ಲಿಪ್‌ನ ಆರಂಭದಲ್ಲಿ ಪುಟಾಣಿ ಪಾಂಡಾದ ಮರಿ ಒಂಟಿಯಾಗಿ ಮಲಗಿರುವ ದೃಶ್ಯವಿದೆ... ಇದಾದ ಬಳಿಕ ಇದೇ ಮರಿ ತನ್ನ ತಾಯಿಯನ್ನು ಹುಡುಕುತ್ತಾ ಸಾಗುತ್ತದೆ... ಆಗ, ನಿದ್ದೆ ಮಂಪರಿನಲ್ಲೇ ಇರುವ ಕಂದನನ್ನು ಅಮ್ಮ ಎತ್ತಿ ಮುದ್ದಿಸಿ ಮಡಿಲಿನಲ್ಲಿ ಮಲಗಿಸುತ್ತಾಳೆ. ಅತ್ಯಂತ ಜಾಗರೂಕತೆಯಿಂದ ಕಂದನನ್ನು ನಿದ್ದೆ ಮಾಡಿಸುತ್ತಾಳೆ. ಈ ದೃಶ್ಯವೇ ಅಮೋಘ... ಎಂತಹ ಕಲ್ಲು ಹೃದಯವನ್ನೂ ಕರಗಿಸುವಂತಹ ಸೊಬಗಿನ ನೋಟವಿದು...

Also Read : ಹಾಲುಗಲ್ಲದ ಮುದ್ದು ಕಂದನೊಂದಿಗೆ ಶ್ವಾನದ ಆಟ : ಈ ಅಪೂರ್ವ ದೃಶ್ಯಕ್ಕೆ ನೆಟ್ಟಿಗರು ಫಿದಾ

ಇಂತಹ ದೃಶ್ಯ ವೈರಲ್ ಆಗದೇ ಇರಲು ಸಾಧ್ಯವೇ...? ಅಪ್ಲೋಡ್ ಆದ ಕೆಲವೇ ಹೊತ್ತಿನಲ್ಲಿ ಈ ವಿಡಿಯೋ ಹಲವರ ಗಮನ ಸೆಳೆದಿದೆ ಮತ್ತು ಎಲ್ಲರೂ ಈ ಅಮ್ಮನ ಪ್ರೀತಿಗೆ ಫಿದಾ ಆಗಿದ್ದಾರೆ. ಅಮ್ಮ ಎಂದರೇನೇ ಹಾಗೆ... ಮನುಷ್ಯರಾಗಲಿ, ಪ್ರಾಣಿಗಳಾಗಲಿ ಅಮ್ಮನ ಪ್ರೀತಿಯಲ್ಲಿ ಯಾವುದೇ ವ್ಯತ್ಯಾಸವಿರದು. ಅಮ್ಮ ಎಂದರೆ ಮಮತೆಯ ಮಡಿಲು, ಪ್ರೀತಿಯ ಸ್ವರ್ಗ. ಅದಕ್ಕೆ ಈ ಸುಂದರ ದೃಶ್ಯಕ್ಕಿಂತ ಬೇರೆ ಉದಾಹರಣೆ ಬೇಕೆ...?