ಆಶೀರ್ವಾದ ನೀಡುವಾಗ `ಹೈ ಫೈವ್' ನೀಡಿದ ಪುಟಾಣಿ : ಎಲ್ಲರ ಮೊಗದಲ್ಲೂ ನಗು ತಂದ ಮುಗ್ಧ ಕಂದ

ಮಕ್ಕಳು ದೇವರಿಗೆ ಸಮಾನ... ಕಲ್ಮಶವೇ ಇಲ್ಲದ ಶುದ್ಧ ಮನಸ್ಸು ಅವರದ್ದು... ಇಂತಹ ಪುಟಾಣಿಗಳು ಏನು ಮಾಡಿದರೂ ಅದನ್ನು ನೋಡಲು ಬಲು ಚೆಂದ. ಮುಗ್ಧ ಮತ್ತು ನಿರ್ಮಲ ಮನಸ್ಸಿನ ಕಂದಮ್ಮಗಳ ಒಂದೊಂದು ನಡೆಯೂ ಸುಂದರ, ನೋಡಲು ಅಪ್ಯಾಯಮಾನ. ಈಗಂತೂ ಸಾಮಾಜಿಕ ಮಾಧ್ಯಮಗಳಲ್ಲಿ ಪುಟಾಣಿಗಳ ಬೇಕಾದಷ್ಟು ಅದ್ಭುತ ವಿಡಿಯೋಗಳು ಕಾಣಸಿಗುತ್ತವೆ. ಈ ವಿಡಿಯೋಗಳೆಲ್ಲಾ ಅರೆಕ್ಷಣದಲ್ಲಿ ನಮ್ಮನ್ನು ಸೆಳೆದು ಬಿಡುತ್ತವೆ. ಕಂದಮ್ಮಗಳ ಇಂತಹ ವಿಡಿಯೋಗಳನ್ನು ಎಷ್ಟು ನೋಡಿದರೂ ಮನಸ್ಸು ತಣಿಯದು... ಇದು ಕೂಡಾ ಅಂತಹದ್ದೇ ಒಂದು ವಿಡಿಯೋ.

Also Read : ಗ್ಲಾಸ್‌ನಲ್ಲಿದ್ದ ಪಾನೀಯ ಉಳಿಸಲು ಹೋಗಿ ಜಾರಿ ಬೀಳುತ್ತಿದ್ದ ಮಗುವನ್ನು ಬಿಟ್ಟ ಮಹಿಳೆ!

ಅಮೇರಿಕಾದ ಮಾಜಿ ಬಾಸ್ಕೆಟ್‌ಬಾಲ್ ಆಟಗಾರ ರೆಕ್ಸ್‌ ಚಾಪ್ಮನ್ ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಹಂಚಿಕೊಂಡಿರುವ ವಿಡಿಯೋ ಇದು. ಮುದ್ದು ಹೆಣ್ಣು ಮಗು, ತಾಯಿ ಜೊತೆಗೆ ಚರ್ಚಿಗೆ ಹೋದಂತಹ ಸಂದರ್ಭದಲ್ಲಿ ಸೆರೆಯಾದ ದೃಶ್ಯವಿದು. ಬಿಳಿ ಉಡುಪಿನಲ್ಲಿದ್ದ ಈ ಪುಟಾಣಿ ಅಮ್ಮನೊಂದಿಗೆ ಧರ್ಮಗುರುಗಳ ಬಳಿಗೆ ಬಂದಿದ್ದಳು. ಈ ವೇಳೆ, ಧರ್ಮಗುರುಗಳು ಆಶೀರ್ವಾದ ಮಾಡಲು ಕೈ ಎತ್ತಿದ್ದರು. ಆಗ ಪುಟಾಣಿ ಧರ್ಮಗುರುಗಳಿಗೆ ಹೈ ಫೈವ್ ನೀಡಿದ್ದಾಳೆ. ಮುದ್ದು ಕಂದನ ಈ ಮುಗ್ಧ ನಡೆ ಧರ್ಮಗುರುಗಳು ಸೇರಿದಂತೆ ಎಲ್ಲರ ಮೊಗದಲ್ಲೂ ಖುಷಿಯ ನಗುವರಳಿಸಿತ್ತು.

Also Read : ಕೋರ್ಟ್‌ನಿಂದಲೇ ಪೊಲೀಸರ ಕೈಯಿಂದ ತಪ್ಪಿಸಿಕೊಂಡ ಡ್ರಗ್ ವ್ಯಸನಿ : ಇದು ಪಕ್ಕಾ ಫಿಲ್ಮಿ ಸ್ಟೈಲ್ ಚೇಸಿಂಗ್

ಈ ನಡೆಯನ್ನು ಯಾರೂ ಊಹಿಸಿರಲಿಲ್ಲ. ಹೀಗಾಗಿ, ಮುದ್ದು ಕಂದ ಎಲ್ಲರಲ್ಲೂ ಖುಷಿ ತಂದಿದ್ದಳು. ಧರ್ಮಗುರುಗಳಿಗೂ ನಗು ತಡೆಯಲು ಸಾಧ್ಯವಾಗಿಲಿಲ್ಲ.

Also Read : Caught On Camera : ಹಾಡಹಗಲೇ `ಕಳ್ಳ ಬೆಕ್ಕಿನಂತೆ' ಬಂದ ಕಳ್ಳ ಬೆಕ್ಕಿನಿಂದಾಗಿಯೇ ಸಿಕ್ಕಿಬಿದ್ದ!

ಸದ್ಯ ಈ ವಿಡಿಯೋ ವಿವಿಧ ಸೋಶಿಯಲ್ ಮೀಡಿಯಾದಲ್ಲಿ ಭರ್ಜರಿಯಾಗಿ ವೈರಲ್ ಆಗುತ್ತಿದೆ. ಟ್ವಿಟ್ಟರ್‌ನಲ್ಲೇ ಎರಡು ಮಿಲಿಯನ್‌ಗೂ ಅಧಿಕ ವೀಕ್ಷಣೆ ಗಳಿಸುವಲ್ಲಿ ಈ ವಿಡಿಯೋ ಸಕ್ಸಸ್ ಆಗಿದೆ. ಇನ್ನು, ಫೇಸ್‌ಬುಕ್, ವಾಟ್ಸಾಪ್ ಸೇರಿದಂತೆ ಹಲವು ಸಾಮಾಜಿಕ ಮಾಧ್ಯಮಗಳಲ್ಲೂ ಈ ದೃಶ್ಯ ಹರಿದಾಡುತ್ತಿದೆ. ಎಲ್ಲರೂ ಈ ದೃಶ್ಯ ಕಂಡು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ನಿಜಕ್ಕೂ ಇದು ಅಪೂರ್ವ ದೃಶ್ಯ. ಅದಕ್ಕೇ ಹೇಳುವುದು ಮಕ್ಕಳೆಂದರೆ ದೇವರಿಗೆ ಸಮಾನವೆಂದು...