ತಂದೆಗೆ ಸ್ಕೇಟಿಂಗ್ ಕಲಿಸುವ ಪುಟ್ಟ ಮಗಳು : ಮುದ್ದಾದ ವಿಡಿಯೋಗೆ ನೀವೆಷ್ಟು ಮಾರ್ಕ್ಸ್‌ ಕೊಡ್ತೀರಿ...?

ಮಕ್ಕಳಿಗೆ ತಂದೆಯೇ ಹೀರೋ. ತಂದೆಗೆ ಮಕ್ಕಳೇ ಆಸ್ತಿ. ಈ ಸಂಬಂಧವೇ ಅದ್ಭುತ. ಈ ಬಾಂಧವ್ಯಕ್ಕೆ ಯಾವತ್ತೂ ಬೆಲೆ ಕಟ್ಟಲಾಗದು. ನಿಷ್ಕಲ್ಮಶ, ನಿಸ್ವಾರ್ಥ ಈ ಪ್ರೀತಿ ದೇವರಿಗೆ ಸಮಾನ. ಎಲ್ಲ ಹೆತ್ತವರೂ ತಮ್ಮ ಮಕ್ಕಳೊಂದಿಗೆ ಆಟ ಆಡುತ್ತಾ ಕಾಲ ಕಳೆಯಲು ಇಷ್ಟಪಡುತ್ತಾರೆ. ಪುಟ್ಟ ಮಕ್ಕಳೊಂದಿಗೆ ಆಡುವ ಖುಷಿಯೇ ಬೇರೆ. ಮನಸ್ಸಿನಲ್ಲಿ ಸಣ್ಣ ನೋವಿದ್ದರೂ ಈ ನೋವೆಲ್ಲಾ ಮಕ್ಕಳೊಂದಿಗೆ ಆಟವಾಡುವಾಗ ಮಾಯವಾಗಿ ಹೋಗುತ್ತದೆ. ಬರೀ ಆಡುವಾಗ ಮಾತ್ರವಲ್ಲ, ಇಂತಹ ಸುಂದರ ಆಟವನ್ನು ನೋಡುವಾಗಲೂ ನಾವು ನಮ್ಮನ್ನು ನಾವೇ ಮರೆತು ಹೋಗುತ್ತೇವೆ... ಇದು ಕೂಡಾ ಅಂತಹದ್ದೇ ಒಂದು ದೃಶ್ಯ.

ಇಲ್ಲಿ ಪುಟ್ಟ ಮಗಳು ತನ್ನ ತಂದೆಗೆ ಸ್ಕೇಟಿಂಗ್ ಕಲಿಸಿದ್ದಾಳೆ. ಬಿದ್ದು, ಎದ್ದು ಆಡುವ ಈ ಕಂದನ ಸೊಬಗನ್ನು ನೋಡುವುದೇ ಒಂದು ಖುಷಿ. ಹೀಥರ್ ಬ್ರೆನ್ನನ್ ಎಂಬವರು ತಮ್ಮ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಈ ಅಪೂರ್ವ ದೃಶ್ಯವನ್ನು ಶೇರ್ ಮಾಡಿಕೊಂಡಿದ್ದಾರೆ. ಹೀಥರ್ ಅವರ ಪುತ್ರಿ ಪೆಟ್ರಾ ಲೆನಾಕ್ಸ್ ತನ್ನ ತಂದೆಗೆ ಸ್ಕೇಟ್ಬೋರ್ಡ್‌ನಲ್ಲಿ ನಿಂತು ಹೇಗೆ ಸಾಗಬೇಕು ಎಂದು ಹೇಳಿಕೊಡುವ ಈ ದೃಶ್ಯವನ್ನು ನೋಡುವಾಗಲೇ ಮನಸ್ಸಿಗೆ ಆನಂದವಾಗುತ್ತದೆ.

Also Read : ಇಷ್ಟು ಚಿಕ್ಕ ಜಾಗದಲ್ಲಿ ಇನ್ನೋವಾ ಕಾರು ಪಾರ್ಕ್ ಮಾಡಿದ್ದೇಗೆ ? : ಇದು ಅಚ್ಚರಿಯ ವಿಡಿಯೋ

ತನ್ನ ತಂದೆಗೆ ಕಲಿಸಿಕೊಡುವ ಸಲುವಾಗಿ ಈ ಪುಟಾಣಿ ಎಲ್ಲಾ ಕಡೆ ಓಡಾಡುತ್ತಿರುತ್ತಾಳೆ. ಎಲ್ಲವನ್ನೂ ಸೂಕ್ಷ್ಮವಾಗಿ ಗಮನಿಸುತ್ತಿರುತ್ತಾಳೆ. ಹೀಗೆ ಓಡಾಡುವ ವೇಳೆ ಒಂದೆರಡು ಸಲ ಬಿದ್ದದ್ದೂ ಇದೆ. ಆದರೆ, ತಾನು ಬಿದ್ದರೂ ಪೆಟ್ರಾ ತನ್ನ `ತರಬೇತಿ'ಯನ್ನು ಮುಂದುವರಿಸಿದ್ದಳು. ತಂದೆ ಕೂಡಾ ಮಗಳು ಹೇಳಿದಂತೆಯೇ ಮಾಡುತ್ತಾರೆ. ಬರೀ ಅಷ್ಟೇ ಅಲ್ಲ ಈ ಕಂದ ತನ್ನ ಮುದ್ದಾದ ಧ್ವನಿಯಲ್ಲಿ `ಡ್ಯಾಡಿ ಎಚ್ಚರ' ಎಂದು ಜಾಗರೂಕತೆಯಿಂದ ಇರುವಂತೆ ಹೇಳುವುದು ಕೂಡಾ ಖುಷಿಕೊಡುತ್ತದೆ. ತಂದೆಗೆ ನೋವಾಗದಂತೆ ಎಚ್ಚರಿಕೆ ವಹಿಸಿ ಕಲಿಸುವ ಈ ಕಂದನ ಖುಷಿ ನಿಜಕ್ಕೂ ಹಿತ ನೀಡುತ್ತದೆ. ಜೊತೆಗೆ, ತಂದೆಯ ಕಲಿಕೆಯನ್ನು ಕಂಡು ಈ ಪುಟಾಣಿ ಕುಣಿದಾಡುವ ದೃಶ್ಯವೂ ಮನಸೆಳೆಯುತ್ತದೆ.

Also Read : ತನ್ನ ಸಮಾಧಿ ಬಳಿ ಆಟವಾಡುತ್ತಿದೆಯಾ 2 ವರ್ಷದ ಕಂದನ ಆತ್ಮ? ಆ ತಾಯಿಗೆ ಕಾಣಿಸಿದ್ದೇನು?

View this post on Instagram 100% unscripted - Major toddler vibes headed your way @derekmichaelbrennan @keenramps A post shared by Heather Nyhart Brennan (@h.n.brennan) on Sep 2, 2020 at 8:10pm PDT

Also Read : Great Escape : ವ್ಯಕ್ತಿಯ ಸೈಕಲನ್ನು ಪುಡಿಗೈದ ಆನೆ : ಗಜರಾಜನಿಂದ ವ್ಯಕ್ತಿ ಪಾರಾಗಿದ್ದೇ ಪವಾಡ!

ಇಂತಹ ದೃಶ್ಯ ವೈರಲ್ ಆಗದೇ ಇರಲು ಸಾಧ್ಯನೇ...? ಎಲ್ಲರೂ ಈ ಸೊಬಗಿನ ದೃಶ್ಯಕ್ಕೆ ಫಿದಾ ಆಗಿದ್ದಾರೆ. ತಂದೆ ಮಗಳ ಈ ಮುದ್ದಾದ ಆಟ ಎಲ್ಲರ ಮನಸ್ಸಿಗೂ ಹಿತ ನೀಡಿದೆ. ಬಹುಶಃ ನೀವು ಕೂಡಾ ಈ ಸೊಬಗಿಗೆ ಮಾರು ಹೋಗಿರಬಹುದು.