ಆನೆಗಳ ಸಹಾಯದಿಂದ ಬಾಸ್ಕೆಟ್ ಬಾಲ್ ಆಟ : ಪ್ರಾಣಿಗಳ ತರಬೇತುದಾರನ ಸ್ಟಂಟ್‌ಗೆ ಎಲ್ಲರೂ ಫಿದಾ

ಆನೆಗಳೊಂದಿಗೆ ಖುಷಿಯ ಆಟ... ತರಬೇತುದಾರನೊಂದಿಗೆ ಗಜಪಡೆಯ ತುಂಟಾಟ... ಯುವಕನ ವಿಭಿನ್ನ ಬಾಸ್ಕೆಟ್ ಬಾಲ್ ಕೌಶಲ್ಯಕ್ಕೆ ಎಲ್ಲರೂ ಫಿದಾ...

ಸಾಕಾನೆಗಳು ಮನುಷ್ಯರೊಂದಿಗೆ ತುಂಬಾ ಆತ್ಮೀಯ ಬಾಂಧವ್ಯವನ್ನು ಹೊಂದಿರುತ್ತವೆ. ಭಾವನಾತ್ಮಕವಾಗಿಯೂ ಆನೆಗಳು ತಮ್ಮ ಮಾಲಿಕರ ಮನಸ್ಸಿಗೆ ಬಲು ಹತ್ತಿರವಾಗಿರುತ್ತವೆ. ಆನೆಗಳು ಮನುಷ್ಯರೊಂದಿಗೆ ತೋರುವ ಸುಂದರ ಸ್ನೇಹದ ಅಪೂರ್ವ ದೃಶ್ಯಗಳು ಸದಾ ಸೋಶಿಯಲ್ ಮೀಡಿಯಾದಲ್ಲಿ ಎಲ್ಲರ ಗಮನ ಸೆಳೆಯುತ್ತಿರುತ್ತದೆ. ಇಂತಹ ಸೊಬಗಿನ ದೃಶ್ಯವನ್ನು ಎಷ್ಟು ನೋಡಿದರೂ ಮನಸ್ಸು ತಣಿಯದು. ಸದ್ಯ ಅಂತಹದ್ದೇ ಅದ್ಭುತ ದೃಶ್ಯಕಾವ್ಯವೊಂದು ಎಲ್ಲರ ಗಮನ ಸೆಳೆದಿದೆ. ಇದು ಆನೆಗಳ ಬಾಸ್ಕೆಟ್ ಬಾಲ್ ಆಟ...!

Also Read : ಕದ್ದ ಕಾರಿನೊಳಗೆ ಮಗುವನ್ನು ಕಂಡ ಕಳ್ಳ! : ಆ ನಂತರದೆಲ್ಲಾ ಅಚ್ಚರಿಯ ಘಟನೆ!

ಇದು ಜರ್ಮನಿಯ ವ್ಯಕ್ತಿಯೊಬ್ಬರ ಅಪೂರ್ವ ಸ್ಟಂಟ್ ದೃಶ್ಯಗಳು. René Casselly ಎಂಬ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಈ ಅಸಾಧಾರಣ ವಿಡಿಯೋವನ್ನು ಹಂಚಿಕೊಳ್ಳಲಾಗಿದೆ. ಈ ಕ್ಲಿಪ್‌ನಲ್ಲಿ ರೆನೆ ಕ್ಯಾಸೆಲ್ಲಿ ತನ್ನ ಆನೆಗಳೊಂದಿಗೆ ವಿವಿಧ ಬಾಸ್ಕೆಟ್‌ಬಾಲ್ ಸಾಹಸಗಳನ್ನು ಪ್ರದರ್ಶಿಸುವ ಸೊಬಗಿನ ದೃಶ್ಯವಿದೆ. ಈ ಆಕರ್ಷಕ ಸ್ಟಂಟ್ ಅನ್ನು ಎಲ್ಲರೂ ಬಲು ಕುತೂಹಲದಿಂದ ನೋಡಿ ಎಂಜಾಯ್ ಮಾಡಿದ್ದಾರೆ. ಜನವರಿ 17ರಂದು ಅಪ್ಲೋಡ್ ಆದ ಈ ವಿಡಿಯೋ ಕ್ಲಿಪ್‌ನಲ್ಲಿ ಆನೆಗಳು ಕೂಡಾ ಖುಷಿ ಖುಷಿಯಾಗಿ ಆಟದಲ್ಲಿ ಪಾಲ್ಗೊಳ್ಳುವ ದೃಶ್ಯವಿದೆ. ಕ್ಯಾಸೆಲಿ ಎತ್ತರಕ್ಕೆ ಹಾರಿ ಬಾಸ್ಕೆಟ್‌ಗೆ ಬಾಲ್ ಹಾಕಲು ಈ ಗಜಗೆಳೆಯರು ಸಹಾಯ ಮಾಡುತ್ತಾರೆ. ಈ ಆಟವನ್ನು ನೋಡುವಾಗಲೇ ಆನಂದವಾಗುತ್ತದೆ.

Also Read : ರಕ್ಷಿಸಿದ ಹುಲಿಯನ್ನು ಸುರಕ್ಷಿತವಾಗಿ ಕಾಡಿಗೆ ಬಿಟ್ಟ ಅರಣ್ಯ ಸಿಬ್ಬಂದಿ : ವ್ಯಾಘ್ರ ವನ ಸೇರುವ ದೃಶ್ಯವೇ ಅದ್ಭುತ

View this post on Instagram A post shared by Rene Casselly / Elephantboy (@rene_casselly)

Also Read : ಯುವತಿಯ ಸಂಗೀತದ ಮಾಧುರ್ಯ ಸವಿಯುತ್ತಲೇ ನಿದ್ರಿಸುವ ಹಸು: ಮನಸೆಳೆಯುವ ಅಪೂರ್ವ ದೃಶ್ಯವಿದು

24 ವರ್ಷದ ಕ್ಯಾಸೆಲ್ಲಿ ವಿವಿಧ ಕಲೆಗಳನ್ನು ಪ್ರದರ್ಶಿಸುವ ಪ್ರತಿಭಾವಂತ ಮತ್ತು ಪ್ರಾಣಿ ತರಬೇತುದಾರ ಕೂಡಾ ಹೌದು. ಈ ದೃಶ್ಯ ಪ್ರಾಣಿಗಳು ಮತ್ತು ಮನುಷ್ಯರ ನಡುವಣ ಗೆಳೆತನ ಮತ್ತು ಪರಸ್ಪರ ನಂಬಿಕೆಯ ಜೀವನಕ್ಕೆ ಸಾಕ್ಷಿಯಾಗಿದೆ. ಇದೇ ಕಾರಣಕ್ಕೆ ಈ ವಿಡಿಯೋ ಈಗ ಸಾಕಷ್ಟು ಜನಮನ್ನಣೆ ಗಳಿಸಿದೆ. ಲಕ್ಷಾಂತರ ವೀಕ್ಷಣೆ, ಮೆಚ್ಚುಗೆ ಗಳಿಸುವಲ್ಲಿ ಈ ಸುಂದರ ದೃಶ್ಯ ಯಶಸ್ವಿಯಾಗಿದೆ. ಈ ದೃಶ್ಯವನ್ನು ಕಂಡ ಎಲ್ಲರೂ ಅದ್ಭುತ, ಅಪೂರ್ವ ಎಂದೆಲ್ಲಾ ಬಣ್ಣಿಸಿದ್ದಾರೆ. ಎಲ್ಲರಿಗೂ ಕ್ಯಾಸೆಲಿಯ ಆನೆಗಳೊಂದಿಗಿನ ಸ್ನೇಹ ಖುಷಿಕೊಟ್ಟಿದೆ.