ಪೋರರ ಅದ್ಭುತ ಡಾನ್ಸ್‌ : ಮಕ್ಕಳ ಪ್ರತಿಭೆ ಕಂಡು ಖುಷಿಯಿಂದ ಮೈಮರೆತ ನೆಟ್ಟಿಗರು

ನೃತ್ಯ, ಸಂಗೀತ ಮನಸ್ಸಿಗೆ ಹಿತ ನೀಡುವ ಕಲಾಪ್ರಕಾರಗಳಲ್ಲಿ ಒಂದು. ನೊಂದ ಮನಸ್ಸುಗಳಿಗೆ ಖುಷಿ ನೀಡುವ, ಹೃದಯ, ಮನಸ್ಸಿಗೆ ಇನ್ನಷ್ಟು ಚೈತನ್ಯ ತುಂಬುವ ಶಕ್ತಿ ಈ ರೀತಿಯ ಕಲೆಗಳಿಗೆ ಇರುತ್ತವೆ. ಕಲೆಗೆ ದೇಶ, ಭಾಷೆಯ ಗಡಿ ಇಲ್ಲ. ಇದೇ ಕಾರಣಕ್ಕೆ ನಾನಾ ದೇಶದ ನೃತ್ಯ ಪ್ರಕಾರಗಳಿಗೆ ಜನ ಮನಸೋಲುತ್ತಾರೆ, ಈ ನೃತ್ಯವನ್ನು ನೋಡುತ್ತಾ ಖುಷಿಯಲ್ಲಿಯೇ ಮೈಮರೆಯುತ್ತಾರೆ. ಅದರಲ್ಲೂ ಮಕ್ಕಳ ಖುಷಿಯ ನೃತ್ಯ ಮನಸ್ಸಿಗೆ ಇನ್ನೂ ಹಿತ ನೀಡುತ್ತದೆ. ಈಗಂತೂ ಸೋಶಿಯಲ್ ಮೀಡಿಯಾದಲ್ಲಿ ಮಕ್ಕಳ ಡಾನ್ಸ್‌ನ ಹಲವು ವಿಡಿಯೋಗಳು ವೈರಲ್ ಆಗುತ್ತಲೇ ಇರುತ್ತದೆ. ಅಂತೆಯೇ, ಸದ್ಯ ಮತ್ತೊಂದು ವಿಡಿಯೋ ಸಾಮಾಜಿಕ ಮಾಧ್ಯಮಗಳಲ್ಲಿ ಹವಾ ಸೃಷ್ಟಿಸಿದೆ.

Also Read : ಒಂದು ಕಾರಿಗೆ ಗುದ್ದಿ ಮತ್ತೊಂದು ಕಾರಿನ ಟಾಪ್‌ ಮೇಲೆ ಹೋಗಿ ನಿಂತ ಐಷಾರಾಮಿ ಪೋರ್ಷೆ!

ಇದು ಉದ್ಯಮಿ ಹರ್ಷ್ ಗೋಯಂಕಾ ಅವರು ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಅಪ್ಲೋಡ್ ಮಾಡಿರುವ ಸುಂದರ ಕ್ಲಿಪ್. ಸೋಶಿಯಲ್ ಮೀಡಿಯಾದಲ್ಲಿ ಸದಾ ಸಕ್ರಿಯರಾಗಿರುವ ಹರ್ಷ್ ಅವರು ಈ ಸಲ ಉಗಾಂಡಾ - ಮಸಕಾದ ಮಸಕಾ ಕಿಡ್ಸ್ ಆಫ್ರಿಕಾನಾ ಎಂಬ ಪ್ರತಿಭಾವಂತ ಮಕ್ಕಳ ನೃತ್ಯದ ವಿಡಿಯೋವೊಂದನ್ನು ಹಂಚಿಕೊಂಡಿದ್ದಾರೆ. ನೋಡಿದ ತಕ್ಷಣ ಎಂತಹವರನ್ನೂ ಸೆಳೆದುಬಿಡುವಂತಹ ಅದ್ಭುತ ನೃತ್ಯವಿದು. ಅಪೂರ್ವ ಸಂಗೀತಕ್ಕೆ ಪುಟಾಣಿಗಳು ಮೈಬಳುಕಿನ ಕುಣಿಯುವ ಈ ಸನ್ನಿವೇಶ ನಮ್ಮನ್ನೇ ಒಂದು ಕ್ಷಣ ಮೈಮರೆಯುವಂತೆ ಮಾಡುತ್ತದೆ.


Also Read : ಜೇಮ್ಸ್‌ ಬಾಂಡ್ ಫಿಲಂ ರೀತಿ ಅಂಡರ್‌ ವಾಟರ್ ಎಸ್ಕೇಪ್ ಪ್ಲಾನ್!: ವಂಚಕನ ಐಡಿಯಾ ಉಲ್ಟಾ ಮಾಡಿತ್ತು ನೀರಿನ ಗುಳ್ಳೆ!

ಇದೇ ವರ್ಷದ ಅಕ್ಟೋಬರ್‌ನಲ್ಲಿ ಮಸಕಾ ಕಿಡ್ಸ್‌ ಆಫ್ರಿಕಾನಾದ ಯುಟ್ಯೂಬ್ ಚಾನೆಲ್‌ನಲ್ಲಿ ಈ ವಿಡಿಯೋವನ್ನು ಹಂಚಿಕೊಳ್ಳಲಾಗಿತ್ತು. ಇದೇ ವಿಡಿಯೋವನ್ನು ಹರ್ಷ್ ಅವರು ನವೆಂಬರ್ 22ರಂದು ಟ್ವಿಟ್ಟರ್‌ನಲ್ಲಿ ಹಂಚಿಕೊಂಡಿದ್ದಾರೆ. ಇದಾದ ಬಳಿಕ ಈ ವಿಡಿಯೋ ಸಖತ್ ವೈರಲ್ ಆಗುತ್ತಿದೆ.

Also Read : ಗರ್ಭ ಧರಿಸಿದ ಹುಡುಗ...! : 18ರ ಯುವಕನಿಗೆ ತಾಯ್ತನದ ಸಡಗರ...!


ನಿರೀಕ್ಷೆಯಂತೆಯೇ ಈ ಸೊಬಗಿನ ನೃತ್ಯಕ್ಕೆ ನೆಟ್ಟಿಗರು ಫಿದಾ ಆಗಿದ್ದಾರೆ. ಈ ವಿಡಿಯೋ ಈಗಾಗಲೇ ಒಂದು ಮಿಲಿಯನ್‌ಗೂ ಅಧಿಕ ವೀಕ್ಷಣೆ, ಸಾವಿರಾರು ಲೈಕ್ಸ್‌ ಗಳಿಸುವಲ್ಲಿ ಯಶಸ್ವಿಯಾಗಿದೆ. ಎಲ್ಲರೂ ಈ ಪೋರರ ಪ್ರತಿಭೆಗೆ ಫಿದಾ ಆಗಿದ್ದಾರೆ. ಬಹುಶಃ ಪುಟಾಣಿಗಳ ಈ ಪ್ರತಿಭೆ ನಿಮಗೂ ಇಷ್ಟವಾಗಿರಬಹುದು.