Viral Video: ಅಪಾಯಕಾರಿ ನದಿಯನ್ನು ಜಾಣತನದಿಂದ ದಾಟುವ ಮೇಕೆಗಳು: ಈ ಅದ್ಭುತ ದೃಶ್ಯದಲ್ಲಿದೆ ಜೀವನ ಪಾಠ
ಐಪಿಎಸ್ ಅಧಿಕಾರಿಯೊಬ್ಬರು ಈ ವಿಡಿಯೋವನ್ನು ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಈ ದೃಶ್ಯವನ್ನು ನೋಡುವಾಗ ಎಷ್ಟು ಖುಷಿಯಾಗುತ್ತದೋ, ಇದರಲ್ಲಿರುವ ಸಂದೇಶ ಕೂಡಾ ಅಷ್ಟೇ ಹಿತ ನೀಡುತ್ತದೆ. ಇದೇ ಕಾರಣದಿಂದ ಈ ದೃಶ್ಯ ಈಗ ಸಾಕಷ್ಟು ವೀಕ್ಷಣೆಯನ್ನು ಗಳಿಸುವಲ್ಲಿಯೂ ಯಶಸ್ವಿಯಾಗಿದೆ.
Vijaya Karnataka Web 12 Jul 2022, 11:46 am
ಹೈಲೈಟ್ಸ್:
- ಅಪಾಯಕಾರಿ ನದಿಯನ್ನು ಜಾಣತನದಿಂದ ದಾಟುವ ಮೇಕೆಗಳು
- ಮೇಕೆಗಳು ನದಿ ದಾಟುವ ಅಪೂರ್ವ ದೃಶ್ಯದಲ್ಲಿದೆ ಜೀವನ ಪಾಠ
- ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ ದೃಶ್ಯ
ಸೋಶಿಯಲ್ ಮೀಡಿಯಾದಲ್ಲಿ ಕಾಣಸಿಗುವ ಸಾಕಷ್ಟು ದೃಶ್ಯಗಳು ಅರೆಕ್ಷಣದಲ್ಲಿ ನಮ್ಮನ್ನು ಸೆಳೆದು ಬಿಡುತ್ತವೆ. ಹೀಗೆ ಕಾಣಸಿಗುವ ದೃಶ್ಯಗಳು ಒಮ್ಮೊಮ್ಮೆ ನಮಗೆ ಬದುಕಿಗೂ ಸ್ಫೂರ್ತಿ ತುಂಬುತ್ತವೆ, ಜೀವನಕ್ಕೆ ಪಾಠವಾಗುತ್ತದೆ. ಕೆಲವೊಂದು ದೃಶ್ಯಗಳನ್ನು ಸೂಕ್ಷ್ಮವಾಗಿ ಮತ್ತು ಸರಿಯಾದ ದೃಷ್ಟಿಕೋನದಿಂದ ನೋಡದರೆ ಹೊಸ ಹೊಸ ವಿಷಯಗಳು ಅರಿವಾಗುತ್ತಾ ಹೋಗುತ್ತವೆ. ಇಂತಹ ಸಾಕಷ್ಟು ದೃಶ್ಯಗಳು ಸದಾ ಸೋಶಿಯಲ್ ಮೀಡಿಯಾದಲ್ಲಿ ಕಾಣಸಿಗುತ್ತವೆ. ಇದೀಗ ಅಂತಹದ್ದೇ ದೃಶ್ಯವೊಂದು ವೈರಲ್ ಆಗುತ್ತಿದೆ. ಇದು ಮೇಕೆಗಳು ಜಾಣತನದಿಂದ ನದಿ ದಾಟುವ ದೃಶ್ಯ. ಅಪಾಯಕಾರಿ ನದಿಯನ್ನು ಈ ಮೇಕೆಗಳು ಒಂದೊಂದೇ ಕಂಬಗಳನ್ನು ದಾಟಿ ದಡ ಸೇರುವ ಈ ದೃಶ್ಯವೇ ಸುಂದರ. ಪರಸ್ಪರ ಸಹಾಯ ಮಾಡಿಕೊಂಡು ಇವುಗಳು ಸಾಗುವ ಪರಿಯನ್ನು ನೋಡುವಾಗಲೇ ಖುಷಿಯಾಗುತ್ತದೆ.
ಐಪಿಎಸ್ ಅಧಿಕಾರಿ ದೀಪಾನ್ಶು ಕಬ್ರಾ ಅವರು ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಇಂತಹದ್ದೊಂದು ದೃಶ್ಯವನ್ನು ಹಂಚಿಕೊಂಡಿದ್ದಾರೆ. ಮೇಕೆಗಳು ಒಂದೊಂದೇ ಮೋರಿಯಂತಹ ಕಲ್ಲುಗಳನ್ನು ದಾಟಿ ಬರುವ ದೃಶ್ಯದ ಮೂಲಕ ಈ ಕ್ಲಿಪ್ ಶುರುವಾಗುತ್ತದೆ. ಹರಿಯುತ್ತಿದ್ದ ನದಿಯ ಅಪಾಯಕಾರಿ ಜಾಗದಲ್ಲಿ ಈ ಮೇಕೆಗಳು ಎಚ್ಚರಿಕೆಯಿಂದ ಸಾಗಿ ಬಂದಿವೆ. ಇವುಗಳ ಹಿಂದೆ ಒಬ್ಬರು ಮಹಿಳೆ ಕೂಡಾ ಕಾಣಿಸುತ್ತಾರೆ. ಒಂದು ಮೇಕೆ ಈ ಕಲ್ಲಿನ ಮೇಲೆ ಹಾರಿ ನಿಲ್ಲುತ್ತಿದ್ದಂತೆಯೇ, ಇನ್ನೊಂದು ಮೇಕೆ ಅದೇ ಕಲ್ಲಿಗೆ ಜಿಗಿಯುತ್ತಿತ್ತು. ಹೀಗೆ ಈ ಮೇಕೆ ಇನ್ನೊಂದು ಕಲ್ಲಿಗೆ ಜಿಗಿಯುತ್ತಿದ್ದಂತೇ ಬಾಕಿ ಉಳಿದ ಮೇಕೆಗಳು ಇವುಗಳನ್ನು ಹಿಂಬಾಲಿಸುತ್ತಿದ್ದವು. ಬಲು ತಾಳ್ಮೆಯಿಂದ ಇವುಗಳು ಸಾಗಿ ಬರುತ್ತಿರುವ ಪರಿಯೇ ಸುಂದರ. `ಬೇರೆಯವರಿಗೆ ಜಾಗ ಕೊಟ್ಟರೆ ಮಾತ್ರ ಮುಂದೆ ಸಾಗಲು ಸಾಧ್ಯ' ಎಂಬ ಕ್ಯಾಪ್ಶನ್ನೊಂದಿಗೆ ದೀಪಾನ್ಶು ಅವರು ಈ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ. ಜೀವನದಲ್ಲಿ ಪ್ರಗತಿ ಮುಖ್ಯ. ಬದುಕು ಯಾವತ್ತೂ ನಿಂತ ನೀರಾಗಬಾರದು. ನಾವು ಸದಾ ಅಭಿವೃದ್ಧಿಯತ್ತ ಹೆಜ್ಜೆ ಇಡಬೇಕು. ಜತೆಗೆ, ಬೇರೆಯವರಿಗೆ ಸರಿಯಾದ ಅವಕಾಶ ನೀಡಬೇಕು. ನಾವು ಮುಂದೆ ಹೆಜ್ಜೆ ಇಟ್ಟರೆ, ನಾವು ಬಿಟ್ಟು ಹೋದ ಜಾಗಕ್ಕೆ ಇನ್ನೊಬ್ಬರು ಬರುತ್ತಾರೆ. ಅಂದರೆ, ಪರಸ್ಪರ ಸಹಾಯ, ಸಹಕಾರದಿಂದ ಹೆಜ್ಜೆ ಇಡುವುದು ಬಹಳ ಮುಖ್ಯ ಎಂಬ ಅದ್ಭುತ ಸಂದೇಶ ಈ ದೃಶ್ಯದಲ್ಲಿದೆ.
ಇಲ್ಲಿದೆ ವಿಡಿಯೋ :
ಸಹಜವಾಗಿಯೇ ಈ ವಿಡಿಯೋ ಈಗ ಎಲ್ಲರ ಗಮನ ಸೆಳೆದಿದೆ. ಎಲ್ಲರೂ ಬಲು ಕುತೂಹಲದಿಂದಲೇ ಈ ದೃಶ್ಯವನ್ನು ನೋಡುತ್ತಿದ್ದಾರೆ. ಹೀಗಾಗಿ, ಈ ವಿಡಿಯೋ ಈಗ ಸಾಕಷ್ಟು ವೀಕ್ಷಣೆ ಹಾಗೂ ಮೆಚ್ಚುಗೆಯ ಪ್ರತಿಕ್ರಿಯೆಯನ್ನು ಗಳಿಸಿದೆ. ಈ ವಿಡಿಯೋದಲ್ಲಿನ ಜೀವನ ಪಾಠವೂ ಎಲ್ಲರಿಗೂ ಇಷ್ಟವಾಗಿದೆ.
ಐಪಿಎಸ್ ಅಧಿಕಾರಿ ದೀಪಾನ್ಶು ಕಬ್ರಾ ಅವರು ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಇಂತಹದ್ದೊಂದು ದೃಶ್ಯವನ್ನು ಹಂಚಿಕೊಂಡಿದ್ದಾರೆ. ಮೇಕೆಗಳು ಒಂದೊಂದೇ ಮೋರಿಯಂತಹ ಕಲ್ಲುಗಳನ್ನು ದಾಟಿ ಬರುವ ದೃಶ್ಯದ ಮೂಲಕ ಈ ಕ್ಲಿಪ್ ಶುರುವಾಗುತ್ತದೆ. ಹರಿಯುತ್ತಿದ್ದ ನದಿಯ ಅಪಾಯಕಾರಿ ಜಾಗದಲ್ಲಿ ಈ ಮೇಕೆಗಳು ಎಚ್ಚರಿಕೆಯಿಂದ ಸಾಗಿ ಬಂದಿವೆ. ಇವುಗಳ ಹಿಂದೆ ಒಬ್ಬರು ಮಹಿಳೆ ಕೂಡಾ ಕಾಣಿಸುತ್ತಾರೆ. ಒಂದು ಮೇಕೆ ಈ ಕಲ್ಲಿನ ಮೇಲೆ ಹಾರಿ ನಿಲ್ಲುತ್ತಿದ್ದಂತೆಯೇ, ಇನ್ನೊಂದು ಮೇಕೆ ಅದೇ ಕಲ್ಲಿಗೆ ಜಿಗಿಯುತ್ತಿತ್ತು. ಹೀಗೆ ಈ ಮೇಕೆ ಇನ್ನೊಂದು ಕಲ್ಲಿಗೆ ಜಿಗಿಯುತ್ತಿದ್ದಂತೇ ಬಾಕಿ ಉಳಿದ ಮೇಕೆಗಳು ಇವುಗಳನ್ನು ಹಿಂಬಾಲಿಸುತ್ತಿದ್ದವು. ಬಲು ತಾಳ್ಮೆಯಿಂದ ಇವುಗಳು ಸಾಗಿ ಬರುತ್ತಿರುವ ಪರಿಯೇ ಸುಂದರ. `ಬೇರೆಯವರಿಗೆ ಜಾಗ ಕೊಟ್ಟರೆ ಮಾತ್ರ ಮುಂದೆ ಸಾಗಲು ಸಾಧ್ಯ' ಎಂಬ ಕ್ಯಾಪ್ಶನ್ನೊಂದಿಗೆ ದೀಪಾನ್ಶು ಅವರು ಈ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ. ಜೀವನದಲ್ಲಿ ಪ್ರಗತಿ ಮುಖ್ಯ. ಬದುಕು ಯಾವತ್ತೂ ನಿಂತ ನೀರಾಗಬಾರದು. ನಾವು ಸದಾ ಅಭಿವೃದ್ಧಿಯತ್ತ ಹೆಜ್ಜೆ ಇಡಬೇಕು. ಜತೆಗೆ, ಬೇರೆಯವರಿಗೆ ಸರಿಯಾದ ಅವಕಾಶ ನೀಡಬೇಕು. ನಾವು ಮುಂದೆ ಹೆಜ್ಜೆ ಇಟ್ಟರೆ, ನಾವು ಬಿಟ್ಟು ಹೋದ ಜಾಗಕ್ಕೆ ಇನ್ನೊಬ್ಬರು ಬರುತ್ತಾರೆ. ಅಂದರೆ, ಪರಸ್ಪರ ಸಹಾಯ, ಸಹಕಾರದಿಂದ ಹೆಜ್ಜೆ ಇಡುವುದು ಬಹಳ ಮುಖ್ಯ ಎಂಬ ಅದ್ಭುತ ಸಂದೇಶ ಈ ದೃಶ್ಯದಲ್ಲಿದೆ.
ಇಲ್ಲಿದೆ ವಿಡಿಯೋ :
ಸಹಜವಾಗಿಯೇ ಈ ವಿಡಿಯೋ ಈಗ ಎಲ್ಲರ ಗಮನ ಸೆಳೆದಿದೆ. ಎಲ್ಲರೂ ಬಲು ಕುತೂಹಲದಿಂದಲೇ ಈ ದೃಶ್ಯವನ್ನು ನೋಡುತ್ತಿದ್ದಾರೆ. ಹೀಗಾಗಿ, ಈ ವಿಡಿಯೋ ಈಗ ಸಾಕಷ್ಟು ವೀಕ್ಷಣೆ ಹಾಗೂ ಮೆಚ್ಚುಗೆಯ ಪ್ರತಿಕ್ರಿಯೆಯನ್ನು ಗಳಿಸಿದೆ. ಈ ವಿಡಿಯೋದಲ್ಲಿನ ಜೀವನ ಪಾಠವೂ ಎಲ್ಲರಿಗೂ ಇಷ್ಟವಾಗಿದೆ.