ಮಾಸ್ಕ್‌ ಹಾಕದಿದ್ದರೆ ಇಲ್ಲಿ ವಿಧಿಸುವ ಶಿಕ್ಷೆಯೇ ಬೇರೆ! : ಫೇಸ್‌ಮಾಸ್ಕ್ ಸರಿಯಾಗಿ ಧರಿಸದಿದ್ದರೂ ಇದೆ ದಂಡನೆ!

ಕೊರೊನಾ ವೈರಸ್ ಅಬ್ಬರ ಶುರುವಾದ ಬಳಿಕ ಫೇಸ್‌ಮಾಸ್ಕ್‌ ಧರಿಸುವುದು ಮತ್ತು ಸಾಮಾಜಿಕ ಅಂತರ ಕಾಪಾಡಿಕೊಳ್ಳುವುದು ಕಡ್ಡಾಯವಾಗಿದೆ. ಸುರಕ್ಷತೆಯ ದೃಷ್ಟಿಯಿಂದ ಇದು ಅನಿವಾರ್ಯ ಕೂಡಾ ಹೌದು. ಆದರೆ, ಕೆಲವರಿಗೆ ಮಾಸ್ಕ್‌ ಎಂದರೆ ಈಗಲೂ ಅಲರ್ಜಿ. ವಿದೇಶಗಳಲ್ಲಿ ಮಾಸ್ಕ್‌ ವಿರೋಧಿ ಪ್ರತಿಭಟನೆಗಳೂ ನಡೆದಿವೆ ಎಂದರೆ ನಂಬಲೇಬೇಕು. ಹಾಗಂತ, ಎಲ್ಲಾ ಕಡೆ ಪರಿಸ್ಥಿತಿ ಇದೇ ರೀತಿ ಇದೆಯೆಂದಲ್ಲ. ಯಾಕೆಂದರೆ, ಹಲವು ದೇಶಗಳು ಇಂದಿಗೂ ಈ ಕ್ರಮವನ್ನು ಕಟ್ಟುನಿಟ್ಟಿನಿಂದ ಪಾಲಿಸುತ್ತಿವೆ. ಈಗ ಕೊರೊನಾ ಎರಡನೇ ಅಲೆಯ ಆತಂಕ ಶುರುವಾದ ಮೇಲಂತು ಎಲ್ಲರೂ ಇನ್ನಷ್ಟು ಎಚ್ಚರಿಕೆಯಿಂದ ಇದ್ದಾರೆ. ಜೊತೆಗೆ, ಮಾಸ್ಕ್‌ ಧರಿಸುವ ಬಗ್ಗೆ ಜಾಗೃತಿಯನ್ನು ಮೂಡಿಸಲಾಗುತ್ತಿದೆ. ಮಾಸ್ಕ್‌ ಧರಿಸದೇ ಇದ್ದವರಿಗೆ ಫೈನ್ ಕೂಡಾ ಹಾಕಲಾಗುತ್ತದೆ.

Also Read : ಮೃತ ಆನೆಗೆ ಕಣ್ಣೀರಿನ ವಿದಾಯ : ಕಲ್ಲುಹೃದಯವನ್ನೂ ಕರಗಿಸುವಂತಿದೆ ಈ ಆಕ್ರಂದನ

ಆದರೆ, ಇಂಡೋನೇಷ್ಯಾದ ಬಾಲಿಯಲ್ಲಿ ಮಾತ್ರ ಮಾಸ್ಕ್ ಧರಿಸದೇ ಇದ್ದರೆ ವಿಶಿಷ್ಟ ಶಿಕ್ಷೆ ಕೊಡಲಾಗುತ್ತಿದೆ. ಇಲ್ಲಿ ಮಾಸ್ಕ್‌ ಧರಿಸದೇ ಓಡಾಡುವವರು ದಂಡ ಕಟ್ಟದಿದ್ದರೆ ಕಡ್ಡಾಯವಾಗಿ 50 ಪುಷ್-ಅಪ್‌ಗಳನ್ನು ಮಾಡಲೇಬೇಕು...! ಹೇಳಿ ಕೇಳಿ ಬಾಲಿ ಪ್ರಖ್ಯಾತ ಪ್ರವಾಸಿ ಕೇಂದ್ರ. ಈಗ ಇಲ್ಲಿಗೆ ಬರುವ ಪ್ರವಾಸಿಗರ ಸಂಖ್ಯೆ ನಿಧಾನವಾಗಿ ಹೆಚ್ಚಾಗುತ್ತಿದೆ. ಆದರೆ, ಹೀಗೆ ಬರುವ ಕೆಲ ಪ್ರವಾಸಿಗರು ಸುರಕ್ಷತಾ ಮಾನದಂಡವನ್ನು ಅನುಸರಿಸುತ್ತಿಲ್ಲ. ಇದರಿಂದ ಬೇಸರಗೊಂಡ ಅಧಿಕಾರಿಗಳು ಈ ವಿನೂತನ ಶಿಕ್ಷೆ ವಿಧಿಸುತ್ತಿದ್ದಾರೆ.


Also Read : ಒಡೆಯನೊಂದಿಗೆ ಹಾಡು ಹೇಳುವ ಮುದ್ದಿನ ಗಿಣಿ : ಎಲ್ಲರನ್ನೂ ಚಕಿತಗೊಳಿಸುವ ದೃಶ್ಯವಿದು

ಮಾಸ್ಕ್ ಧರಿಸಿ ಓಡಾಡಿದರೂ ದಂಡ ಕಟ್ಟಲು ಸಾಧ್ಯವಾಗದಿದ್ದರೆ ಅಂತವರು ಎಲ್ಲರೆದುರು 50 ಪುಷ್-ಅಪ್‌ಗಳನ್ನು ತೆಗೆಯಬೇಕು. ಜೊತೆಗೆ, ಸಂಪೂರ್ಣವಾಗಿ ಮೂಗುಮುಚ್ಚದೇ ಬೇಕಾಬಿಟ್ಟಿ ಮಾಸ್ಕ್‌ ಧರಿಸಿ ಓಡಾಡಿದರೂ ಶಿಕ್ಷೆ ಇದೆ. ಹೀಗೆ ನಿರ್ಲಕ್ಷ್ಯ ವಹಿಸಿ ಓಡಾಡುವವರು 15 ಪುಷ್-ಅಪ್‌ಗಳನ್ನು ಮಾಡಬೇಕು. ಸದ್ಯ ಈ ವಿಶಿಷ್ಟ ಶಿಕ್ಷೆಯ ವಿಡಿಯೋಗಳು ಸೋಶಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿದೆ. ಪ್ರವಾಸಿಗರು ಎಲ್ಲರೆದು ಪುಷ್ ಅಪ್ ತೆಗೆಯುವ ದೃಶ್ಯಗಳು ಕ್ಯಾಮೆರಾದಲ್ಲಿ ಸೆರೆಯಾಗಿವೆ.


Also Read : ಕೊನೆಯಾಯಿತು 96 ವರ್ಷಗಳ ಬಂಧ : ಹಿರಿಯ ಅವಳಿ ಸಹೋದರಿಗೆ ಕಾಡಿದ ರಕ್ಕಸ ಕೊರೊನಾ!

ಮಾಸ್ಕ್‌ ಧರಿಸದೇ ಇದ್ದಕ್ಕೆ ಒಂದಷ್ಟು ಜನ ದಂಡ ಕಟ್ಟಿದ್ದಾರೆ. ಆದರೆ, ಕೆಲವು ವಿದೇಶಿಗರು ನಮ್ಮಲ್ಲಿ ನಗದು ಹಣ ಇಲ್ಲ ಎಂದು ಅಧಿಕಾರಿಗಳ ಮುಂದೆ ಹೇಳಿಕೊಳ್ಳುತ್ತಿದ್ದರು. ಹೀಗೆ ನಗದು ಇಲ್ಲದೇ ಇರುವ ಪ್ರವಾಸಿಗರು ಕಡ್ಡಾಯವಾಗಿ ಪುಷ್ ಆಪ್‌ಗಳನ್ನು ತೆಗೆಯಬೇಕಾಗಿತ್ತದೆ. ಸದ್ಯ ಈ ವಿಡಿಯೋಗಳೆಲ್ಲಾ ನೆಟ್ಟಿಗರ ಗಮನ ಸೆಳೆದಿದೆ.