ಶ್ವಾನದ ಮಮತೆ
ಹೃದಯವೈಶಾಲ್ಯತೆ...
| Image Credit : instagram/raylan_the_dog/
ಸಹಾನುಭೂತಿ ಮತ್ತು ಮಾತೃಹೃದಯ ಇದ್ದರೆ ಕಷ್ಟಗಳನ್ನು ಎದುರಿಸುವುದು ಕಷ್ಟವೇ ಅಲ್ಲ. ಸಹಾಯ ಮಾಡುವ ಮನಸ್ಸಿದ್ದರೆ ಯಾವುದೇ ಪರಿಸ್ಥಿತಿಯನ್ನು ಧೈರ್ಯದಿಂದ, ಪ್ರೀತಿಯಿಂದ ಎದುರಿಸಬಹುದು. ಆದರೆ, ಇದಕ್ಕೆ ಸಹಾಯ ಮಾಡುವ ಮತ್ತು ಪ್ರೀತಿ ತೋರುವ ಮಾತೃ ಹೃದಯವಂತೂ ಖಂಡಿತಾ ಬೇಕು. ಮತ್ತೊಬ್ಬರಿಗೆ ಸಹಾಯ ಮಾಡುವಾಗ ಸಿಗುವ ಖುಷಿ, ನೆಮ್ಮದಿ ಕೋಟಿ ಹಣ ಪಕ್ಕದಲ್ಲಿದ್ದರೂ ಸಿಗದು. ಹಾಗಂತ, ಬರೀ ಜನರಷ್ಟೇ ಸಹಾಯ ಮಾಡುವ, ಸಹಾನುಭೂತಿ ತೋರುವ ಹೃದಯವಂತಿಕೆ ಹೊಂದಿದ್ದಾರಾ...? ಖಂಡಿತಾ ಇಲ್ಲ. ಕೆಲವೊಮ್ಮೆ ಮುದ್ದು ಪ್ರಾಣಿಗಳೂ ತಮ್ಮ ಹೃದಯ ವೈಶಾಲ್ಯತೆಯಿಂದಲೇ ಗಮನ ಸೆಳೆಯುತ್ತವೆ. ಪ್ರಾಣಿಗಳ ನಿಷ್ಕಲ್ಮಷ ಹೃದಯದ ಪ್ರೀತಿಯ ಕತೆ ಕೇಳಿದಾಗ, ನೋಡಿದಾಗ ಖಂಡಿತಾ ನಮ್ಮ ಹೃದಯವೂ ತುಂಬಿ ಬರುತ್ತದೆ. ಇದು ಕೂಡಾ ಅಂತಹದ್ದೇ ಅದ್ಭುತ ದೃಶ್ಯಗಳ ಸರಣಿ...
Also Read : ಆ ಕಾಲೇಜು ಕಟ್ಟಡದ ಹಿಂದಿದೆ ಬ್ರಿಟಿಷ್ ಅಧಿಕಾರಿಯ `ಆತ್ಮ'ದ ಕತೆ...!
ಶ್ವಾನದ ಮಮತೆ
ಪ್ರೀತಿಯ ಪರ್ವತ, ಸ್ನೇಹಮಯಿ...
| Image Credit : instagram/raylan_the_dog/
ಶ್ವಾನಗಳು ಎಲ್ಲರ ಮುದ್ದು ಸಾಕು ಪ್ರಾಣಿಗಳು. ಈ ಶ್ವಾನಗಳು ಮಾಲಿಕರಿಟ್ಟ ನಂಬಿಕೆ, ಪ್ರೀತಿಗೆ ಎಂದೂ ಮೋಸ ಮಾಡುವುದೇ ಇಲ್ಲ. ಅದೀ ಅಲ್ಲದೆ, ಕೆಲವೊಮ್ಮೆ ಇದೇ ಶ್ವಾನಗಳು ಬುದ್ಧಿವಂತಿಕೆ, ಹೃದಯವೈಶಾಲ್ಯತೆಯ ಮೂಲಕ ಗಮನ ಸೆಳೆಯುತ್ತವೆ. ಈ ಗಂಡು ಶ್ವಾನವೂ ಅಷ್ಟೇ ಅತ್ಯಂತ ಸ್ನೇಹಮಯಿ. ಮಾತೃಹೃದಯದ ಈ ಶ್ವಾನ ಅದೆಷ್ಟು ಸ್ನೇಹಮಯಿ ಎಂದರೆ ಇದು ಎರಡು ಪುಟಾಣಿ ಬೆಕ್ಕಿನ ಮರಿಗಳನ್ನು ಅತ್ಯಂತ ಪ್ರೀತಿಯಿಂದ ಸಲಹುತ್ತಿದೆ. ಈ ಪುಟಾಣಿಗಳಿಗೆ ಈ ಶ್ವಾನ ತಾಯಿಯ ಪ್ರೀತಿಯನ್ನು ಕೊಡುತ್ತಿದೆ. ಸ್ವತಃ ತನ್ನದೇ ಮರಿಗಳೋ ಏನೋ ಎಂಬಂತೆ ಈ ಗಂಡು ಶ್ವಾನ ಬೆಕ್ಕಿನ ಮರಿಗಳನ್ನು ಆರೈಕೆ ಮಾಡುತ್ತಿದೆ. ಈ ದೃಶ್ಯವನ್ನು ನೋಡಿದಾಗಲೇ ಕಣ್ತುಂಬಿ ಬರುತ್ತದೆ.
Also Read : ಸ್ವಾತಂತ್ರ್ಯ ಸಂಗ್ರಾಮಕ್ಕೆ ಸಾಕ್ಷಿಯಾಗಿದ್ದ ಆ ಕಟ್ಟಡದ ಬಳಿ ರಾತ್ರಿ ಯಾರೂ ಸುಳಿಯುವುದೇ ಇಲ್ಲ!
ಬೆಕ್ಕಿನ ಮರಿಗಳ ಆರೈಕೆ
ಕಣ್ಣಲ್ಲಿ ಕಣ್ಣಿಟ್ಟು ಕಾಯುವ ಶ್ವಾನ...
| Image Credit : instagram/raylan_the_dog/
ಇದು ರೇಲಾನ್ ಎಂಬ ಮುದ್ದು ಶ್ವಾನವೊಂದರ ಮಾತೃಹೃದಯ ಕತೆ. ಈ ರೇಲಾನ್ ಎರಡು ಮುದ್ದು ಬೆಕ್ಕಿನ ಮರಿಗಳ ಪಾಲಿಗೆ ತಾಯಿಯೇ ಆಗಿ ಹೋಗಿದೆ. ಬಹುಶಃ ತಾಯಿ ಬೆಕ್ಕು ಕೂಡಾ ಇಷ್ಟು ಚೆನ್ನಾಗಿ ಮರಿಗಳ ಆರೈಕೆ ಮಾಡುತ್ತಿತ್ತೋ ಇಲ್ವೋ ಗೊತ್ತಿಲ್ಲ. ಆದರೆ, ಈ ರೇಲಾನ್ ಮಾತ್ರ ಈ ಮುದ್ದು ಪುಟಾಣಿಗಳನ್ನು ತನ್ನದೇ ಕಂದಮ್ಮಗಳು ಎಂಬಂತೆ ನೋಡುತ್ತಿದ್ದಾನೆ. ಈ ಎರಡೂ ಮರಿಗಳನ್ನು ಕಣ್ಣಲ್ಲಿ ಕಣ್ಣಿಟ್ಟು ಕಾಯುವ ರೇಲಾನ್ನ ಈ ಪ್ರೀತಿಯನ್ನು ಕಂಡಾಗ ಅಚ್ಚರಿಯಾಗುತ್ತದೆ. ಜೊತೆಗೆ, ಇವನ ಬಗೆಗಿನ ಪ್ರೀತಿಯೂ ಉಕ್ಕಿ ಬಂದಂತಾಗುತ್ತದೆ. ಇವನ ಪ್ರೀತಿಯ ಸಾಗರದಲ್ಲಿ ಹೆಂಡ್ರಿಕ್ಸ್ ಮತ್ತು ಬಾಂಬೆ ಎಂಬ ಎರಡು ಪುಟಾಣಿ ಬೆಕ್ಕಿನ ಮರಿಗಳು ಜಗತ್ತನ್ನೇ ಮರೆತು ಖುಷಿ ಖುಷಿಯಾಗಿ ಬದುಕು ನಡೆಸುತ್ತಿವೆ. ತಾಯಿ ಬೆಕ್ಕು ಪಕ್ಕದಲ್ಲಿದ್ದಿದ್ದರೆ ತನ್ನ ಕಂದಮ್ಮಗಳನ್ನು ಯಾವ ರೀತಿ ಲಾಲನೆ ಪಾಲನೆ ಮಾಡುತ್ತಿತ್ತೋ ಹಾಗೆಯೇ ರೇಲಾನ್ ಕೂಡಾ ಈ ಮರಿಗಳ ಪಾಲನೆ ಪೋಷಣೆ ಮಾಡುತ್ತಿದ್ದಾನೆ.
Also Read : ನಗುವ ಕೋತಿ... : 2 ಕೋಟಿಗೂ ಅಧಿಕ ಆಮೆ ಮರಿಗಳ ಸವಾರಿ : ಇದು ಅಚ್ಚರಿಯ ವಿಡಿಯೋ
ಹೃದಯ ತುಂಬುವ ನೋಟ
ಹೃದಯ ತುಂಬುವ ದೃಶ್ಯಗಳು...
| Image Credit : instagram/raylan_the_dog/
ಬರೀ ಇಪ್ಪತ್ತ್ನಾಲ್ಕು ಗಂಟೆಯಲ್ಲಿ ಈ ಬಾಂಧವ್ಯದ ಕೊಂಡಿ ಬೆಸೆದುಕೊಂಡಿದೆ. ನೋಡಿದ ತಕ್ಷಣ ಈ ಮುದ್ದು ಬೆಕ್ಕಿನ ಮರಿಗಳು ರೇಲಾನ್ ಹಿಂದೆ ಸುತ್ತುವುದಕ್ಕೆ ಆರಂಭಿಸಿದ್ದವು ಎಂದು ಇನ್ಸ್ಟಾಗ್ರಾಮ್ ಪೋಸ್ಟಿನಲ್ಲಿ ಇವುಗಳ ಮಾಲಿಕರು ಬರೆದುಕೊಂಡಿದ್ದಾರೆ. ಈ ಮರಿಗಳೂ ರೇಲಾನ್ನನ್ನೇ ತನ್ನ ತಾಯಿ ಎಂದು ನಂಬಿದಂತಿದೆ. ಈ ಅಪೂರ್ವ ವಾತ್ಸಲ್ಯದ ದೃಶ್ಯಗಳು ಈಗ ಇನ್ಸ್ಟಾಗ್ರಾಮ್ನಲ್ಲಿ ಅಪ್ಲೋಡ್ ಆಗಿದ್ದು ಎಲ್ಲರೂ ಈ ದೃಶ್ಯಗಳಿಗೆ ಫಿದಾ ಆಗಿದ್ದಾರೆ. ನಿಜಕ್ಕೂ ಎಲ್ಲರನ್ನೂ ಸೆಳೆಯುವ ಅಂತಹದ್ದೊಂದು ಕಾಂತಶಕ್ತಿ ಈ ವಿಡಿಯೋಗಿದೆ. ಯಾಕೆಂದರೆ, ಈ ದೃಶ್ಯಗಳನ್ನು ಎಷ್ಟು ನೋಡಿದರೂ ಮನಸ್ಸು ತಣಿಯುವುದೇ ಇಲ್ಲ. ಇಲ್ಲಿ ಕಾಣುವುದು ಬರೀ ಮುದ್ದು ಮುದ್ದು ಪ್ರೀತಿ, ನಿಷ್ಕಲ್ಮಷ ವಾತ್ಸಲ್ಯ ಅಷ್ಟೇ... ರೇಲಾನ್ಗೆ ಈ ಮರಿಗಳೇ ಸರ್ವಸ್ವ. ಈ ಮರಿಗಳಿಗೇ ರೇಲಾನ್ ಮಡಿಲಿನಲ್ಲಿ ಆಡುವುದೇ ಸ್ವರ್ಗ ಸುಖ... ಖುಷಿಗೆ ಇನ್ನೇನು ಬೇಕು ಅಲ್ವಾ...?