Viral Video: ರಸ್ತೆಯ ಪಕ್ಕದಲ್ಲಿ ಯಾರಿಗೂ ತೊಂದರೆ ಕೊಡದೆ ಹೆಜ್ಜೆ ಇಟ್ಟ ಗಜರಾಜ : ಮುದ ನೀಡುತ್ತದೆ ಆ ಗಾಂಭೀರ್ಯ
ಆನೆಯ ಈ ಗಾಂಭೀರ್ಯದ ಹೆಜ್ಜೆ ಈಗ ಎಲ್ಲರಿಗೂ ಇಷ್ಟವಾಗಿದೆ. ಆನೆಯ ಶಾಂತವಾದ ನಡಿಗೆಯನ್ನು ಎಲ್ಲರೂ ಬಲು ಹತ್ತಿರದಿಂದಲೇ ಕಣ್ತುಂಬಿಕೊಂಡಿದ್ದಾರೆ. ಗಜರಾಜನ ಈ ಶಾಂತಚಿತ್ತತ್ತೆ ಕಣ್ಣಿಗೆ ಹಬ್ಬದಂತಿದೆ.
Vijaya Karnataka Web 13 Jan 2022, 8:24 pm
ಹೈಲೈಟ್ಸ್:
- ರಸ್ತೆಯ ಪಕ್ಕದಲ್ಲಿ ಗಾಂಭೀರ್ಯದಿಂದ ಹೆಜ್ಜೆ ಇಟ್ಟ ಗಜರಾಜ
- ವಾಹನಗಳಿದ್ದರೂ ತೊಂದರೆ ಕೊಡದೆ ಶಾಂತವಾಗಿ ಸಾಗಿದ ಆನೆ
- ನೆಟ್ಟಿಗರ ಹೃದಯ ಗೆದ್ದಿದೆ ಈ ಅದ್ಭುತ ದೃಶ್ಯ
ಈ ದೃಶ್ಯವನ್ನು ಕಂಡಾಗ ಭಯವೂ ಆಗುತ್ತದೆ, ಮನಸ್ಸಿಗೆ ಆನಂದವೂ ಸಿಗುತ್ತದೆ. ಬೃಹತ್ ಕಾಡಾನೆಯೊಂದರ ದೃಶ್ಯ ಇದು. ಆನೆಗಳೂ ಎಷ್ಟು ಸಮಯೋಚಿತವಾಗಿ ಮತ್ತು ಸಮಚಿತ್ತದಿಂದ ವರ್ತಿಸುತ್ತವೆ ಎಂಬುದಕ್ಕೆ ಸಾಕ್ಷಿಯಾದ ದೃಶ್ಯ ಇದು. ಆನೆಗಳು ಬಲು ಬುದ್ಧಿವಂತ ಪ್ರಾಣಿಗಳು ಎಂಬುದು ಸತ್ಯ. ಇದೇ ಕಾರಣಕ್ಕೆ ಆನೆಗಳ ಅಪೂರ್ವ ದೃಶ್ಯಗಳನ್ನು ನೋಡಲು ಎಲ್ಲರೂ ಬಲು ಇಷ್ಟಪಡುತ್ತಾರೆ. ಸೋಶಿಯಲ್ ಮೀಡಿಯಾದಲ್ಲಿ ಕಾಣಸಿಗುವ ಆನೆಗಳ ಬಹುತೇಕ ದೃಶ್ಯಗಳು ನಮ್ಮ ಮನಸ್ಸಿನ ಆನಂದವನ್ನೂ ಇಮ್ಮಡಿಯಾಗಿಸುತ್ತವೆ. ಅದರಲ್ಲೂ ಕೆಲವೊಂದು ದೃಶ್ಯಗಳು ನೋಡಿದಷ್ಟು ಮನಸ್ಸಿನ ಉಲ್ಲಾಸವನ್ನು ಹೆಚ್ಚು ಮಾಡುತ್ತವೆ. ಇದು ಕೂಡಾ ಅಂತಹದ್ದೇ ಒಂದು ಅಪೂರ್ವ ದೃಶ್ಯ.
ಭಾರತೀಯ ಅರಣ್ಯ ಸೇವೆಗಳ ಅಧಿಕಾರಿ ವೈಭವ್ ಸಿಂಗ್ ಅವರು ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಹಂಚಿಕೊಂಡಿರುವ ದೃಶ್ಯ ಇದು. ಉತ್ತರಖಂಡದ ಕೊಟ್ವ್ದಾರ್- ದುಗ್ಗಡ ಹೆದ್ದಾರಿಯಲ್ಲಿ ಕಂಡು ಬಂದ ದೃಶ್ಯ ಇದು. ರಸ್ತೆಯ ಬದಿಯಲ್ಲಿ ಗಾಂಭೀರ್ಯದಿಂದ ಮತ್ತು ಅಷ್ಟೇ ಶಾಂತಚಿತ್ತದಿಂದ ಬೃಹತ್ ಗಾತ್ರದ ಆನೆಯೊಂದು ಬರುತ್ತಿರುವ ದೃಶ್ಯದ ಮೂಲಕ 35 ಸೆಕೆಂಡಿನ ಈ ದೃಶ್ಯ ಶುರುವಾಗುತ್ತದೆ. ತಾನು ಸಾಗುತ್ತಿರುವ ದಾರಿಯ ಪಕ್ಕದಲ್ಲಿಯೇ ಕಾರು, ಲಾರಿ ಸೇರಿದಂತೆ ಹಲವಾರು ವಾಹನಗಳು ನಿಂತಿದ್ದರೂ ಆನೆಯ ಯಾರಿಗೂ ತೊಂದರೆ ಕೊಡದೆ, ಯಾರನ್ನೂ ಭಯಬೀಳಿಸದೆ ತನ್ನ ಪಾಡಿಗೆ ಸಾಗಿದೆ. ಇಲ್ಲಿ ಜನರನ್ನೂ ಮೆಚ್ಚಬೇಕು. ಆನೆ ಸಾಗುತ್ತಿದ್ದರೂ ಅದಕ್ಕೆ ಕಿರಿಕಿರಿಯಾಗದಂತೆ ಜನರು ವರ್ತಿಸಿದ್ದರು. ಹೀಗಾಗಿ, ತನ್ನ ಪಾಡಿಗೆ ಈ ಆನೆ ಮುಂದೆ ಸಾಗಿತ್ತು. ಇದನ್ನು ಅಲ್ಲಿದ್ದವರು ಸೆರೆ ಹಿಡಿದಿದ್ದು, ಇದು ಈಗ ವಿವಿಧ ಸೋಶಿಯಲ್ ಮೀಡಿಯಾ ಖಾತೆಗಳಲ್ಲಿ ಹರಿದಾಡುತ್ತಿದೆ.
ಇಲ್ಲಿದೆ ವಿಡಿಯೋ :
ನಿರೀಕ್ಷೆಯಂತೆಯೇ ಈ ವಿಡಿಯೋ ಎಲ್ಲರ ಹೃದಯ ಗೆಲ್ಲುವಲ್ಲಿ ಯಶಸ್ವಿಯಾಗಿದೆ. ಆನೆ ಎಲ್ಲರನ್ನೂ ಗಮನಿಸುತ್ತಾ ಅತ್ಯಂತ ಶಾಂತಚಿತ್ತದಿಂದ ಸಾಗುವ ಆ ಪರಿ ಎಲ್ಲರಲ್ಲೂ ಮಂದಹಾಸ ಮೂಡಿಸಿದೆ. ಎಲ್ಲರೂ ಈ ಸೊಬಗಿನ ದೃಶ್ಯಕ್ಕೆ ಫಿದಾ ಆಗಿದ್ದು, ಮೆಚ್ಚುಗೆಯ ಪ್ರತಿಕ್ರಿಯೆಯನ್ನೂ ನೀಡಿದ್ದಾರೆ. ನಿಮಗೆ ಕೂಡಾ ಈ ದೃಶ್ಯ ಖುಷಿಕೊಟ್ಟಿರಬಹುದು.
ಭಾರತೀಯ ಅರಣ್ಯ ಸೇವೆಗಳ ಅಧಿಕಾರಿ ವೈಭವ್ ಸಿಂಗ್ ಅವರು ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಹಂಚಿಕೊಂಡಿರುವ ದೃಶ್ಯ ಇದು. ಉತ್ತರಖಂಡದ ಕೊಟ್ವ್ದಾರ್- ದುಗ್ಗಡ ಹೆದ್ದಾರಿಯಲ್ಲಿ ಕಂಡು ಬಂದ ದೃಶ್ಯ ಇದು. ರಸ್ತೆಯ ಬದಿಯಲ್ಲಿ ಗಾಂಭೀರ್ಯದಿಂದ ಮತ್ತು ಅಷ್ಟೇ ಶಾಂತಚಿತ್ತದಿಂದ ಬೃಹತ್ ಗಾತ್ರದ ಆನೆಯೊಂದು ಬರುತ್ತಿರುವ ದೃಶ್ಯದ ಮೂಲಕ 35 ಸೆಕೆಂಡಿನ ಈ ದೃಶ್ಯ ಶುರುವಾಗುತ್ತದೆ. ತಾನು ಸಾಗುತ್ತಿರುವ ದಾರಿಯ ಪಕ್ಕದಲ್ಲಿಯೇ ಕಾರು, ಲಾರಿ ಸೇರಿದಂತೆ ಹಲವಾರು ವಾಹನಗಳು ನಿಂತಿದ್ದರೂ ಆನೆಯ ಯಾರಿಗೂ ತೊಂದರೆ ಕೊಡದೆ, ಯಾರನ್ನೂ ಭಯಬೀಳಿಸದೆ ತನ್ನ ಪಾಡಿಗೆ ಸಾಗಿದೆ. ಇಲ್ಲಿ ಜನರನ್ನೂ ಮೆಚ್ಚಬೇಕು. ಆನೆ ಸಾಗುತ್ತಿದ್ದರೂ ಅದಕ್ಕೆ ಕಿರಿಕಿರಿಯಾಗದಂತೆ ಜನರು ವರ್ತಿಸಿದ್ದರು. ಹೀಗಾಗಿ, ತನ್ನ ಪಾಡಿಗೆ ಈ ಆನೆ ಮುಂದೆ ಸಾಗಿತ್ತು. ಇದನ್ನು ಅಲ್ಲಿದ್ದವರು ಸೆರೆ ಹಿಡಿದಿದ್ದು, ಇದು ಈಗ ವಿವಿಧ ಸೋಶಿಯಲ್ ಮೀಡಿಯಾ ಖಾತೆಗಳಲ್ಲಿ ಹರಿದಾಡುತ್ತಿದೆ.
ಇಲ್ಲಿದೆ ವಿಡಿಯೋ :
ನಿರೀಕ್ಷೆಯಂತೆಯೇ ಈ ವಿಡಿಯೋ ಎಲ್ಲರ ಹೃದಯ ಗೆಲ್ಲುವಲ್ಲಿ ಯಶಸ್ವಿಯಾಗಿದೆ. ಆನೆ ಎಲ್ಲರನ್ನೂ ಗಮನಿಸುತ್ತಾ ಅತ್ಯಂತ ಶಾಂತಚಿತ್ತದಿಂದ ಸಾಗುವ ಆ ಪರಿ ಎಲ್ಲರಲ್ಲೂ ಮಂದಹಾಸ ಮೂಡಿಸಿದೆ. ಎಲ್ಲರೂ ಈ ಸೊಬಗಿನ ದೃಶ್ಯಕ್ಕೆ ಫಿದಾ ಆಗಿದ್ದು, ಮೆಚ್ಚುಗೆಯ ಪ್ರತಿಕ್ರಿಯೆಯನ್ನೂ ನೀಡಿದ್ದಾರೆ. ನಿಮಗೆ ಕೂಡಾ ಈ ದೃಶ್ಯ ಖುಷಿಕೊಟ್ಟಿರಬಹುದು.