ಪ್ರಾಣಿಗಳು ಒಮ್ಮೊಮ್ಮೆ ತೋರುವ ಜಾಣತನ, ಹೃದಯವಂತಿಕೆ, ಸಮಯೋಚಿತ ವರ್ತನೆಗಳು ನಿಜಕ್ಕೂ ನಮಗೆ ಅಚ್ಚರಿ ಮೂಡಿಸುತ್ತದೆ. ಜತೆಗೆ, ಈ ಎಲ್ಲಾ ದೃಶ್ಯಗಳು ನಮ್ಮ ಮೊಗದಲ್ಲೊಂದು ನಗುವರಳುವುದಕ್ಕೂ ಕಾರಣವಾಗುತ್ತದೆ. ಈ ರೀತಿಯ ಅಪೂರ್ವ ದೃಶ್ಯಗಳನ್ನು ನೀವು ಕೂಡಾ ಸೋಶಿಯಲ್ ಮೀಡಿಯಾದಲ್ಲಿ ಹಲವು ಸಲ ನೋಡಿರಬಹುದು. ಇದೀಗ, ಇದಕ್ಕೆ ಇನ್ನೊಂದು ಸೇರ್ಪಡೆಯಾಗಿದೆ. ಇದು ತಾಯಿ ಮಮತೆಯ ಅದ್ಭುತ ದೃಶ್ಯ... ಮನುಷ್ಯರು ತಮ್ಮ ಪುಟ್ಟ ಮಕ್ಕಳನ್ನು ಆಡಲು ಪಾರ್ಕ್ಗೆ ಕರೆದೊಯ್ಯುವುದಕ್ಕೆ ಇಷ್ಟಪಡುತ್ತಾರೆ. ಮಕ್ಕಳಿಗೂ ಪಾರ್ಕ್ನಲ್ಲಿ ಆಟ ಆಡುವುದೆಂದರೆ ಪಂಚಪ್ರಾಣ. ಆದರೆ, ಬರೀ ಮನುಷ್ಯರಷ್ಟೇ ಅಲ್ಲ, ಪ್ರಾಣಿಗಳೂ ಇಂತಹ ಆಟವನ್ನು ಬಹುವಾಗಿ ಇಷ್ಟಪಡುತ್ತವೆ. ಅದಕ್ಕೆ ಇದು ಸಾಕ್ಷಿ... ಇಲ್ಲೊಂದು ತಾಯಿ ಕರಡಿ ತನ್ನ ಮರಿಗೆ ಹೇಗೆ ಜಾರುವುದು ಎಂಬುದನ್ನು ಹೇಳಿಕೊಡುವ ಮೂಲಕ ಗಮನ ಸೆಳೆದಿದೆ. ಜತೆಗೆ, ಈ ತಾಯಿ ಕರಡಿ ವಹಿಸುವ ಕಾಳಜಿ ಕೂಡಾ ಕಣ್ಮನ ಸೆಳೆಯುವಂತಿದೆ.
ಉತ್ತರ ಕೆರೊಲಿನಾದ ಐಸಾಕ್ ಡಿಕ್ಸನ್ ಎಲಿಮೆಂಟರಿ ಸ್ಕೂಲ್ನಲ್ಲಿ ಸೆರೆಯಾದ ದೃಶ್ಯ ಇದು. ಇಲ್ಲಿ ಪಾರ್ಕ್ಗೆ ತನ್ನ ಮರಿಯೊಂದಿಗೆ ಬಂದಿದ್ದ ತಾಯಿ ಕರಡಿ ಕಂದನಿಗೆ ಜಾರುವ ಆಟವನ್ನು ಕಲಿಸಿಕೊಟ್ಟಿದೆ. ಈ ಆಟದ ಸಾಧನಗಳಲ್ಲಿ ಮೊದಲು ತಾಯಿ ಕರಡಿ ಜಾರಿ ತೋರಿಸಿದೆ. ಇದನ್ನು ನೋಡಿ ಕಂದ ಕೂಡಾ ಜಾರುವುದಕ್ಕೆ ಮುಂದಾದರೂ ಆರಂಭದಲ್ಲಿ ಕೊಂಚ ಹಿಂಜರಿದಂತೆ ಕಂಡಿತ್ತು. ಇದಾದ ಬಳಿಕ ಇದು ಇನ್ನೊಂದು ಕಡೆಯಿಂದ ಅದು ಜಾರಿತ್ತು. ಈ ವೇಳೆ, ಓಡೋಡಿ ಬಂದ ಅಮ್ಮ, ತನ್ನ ಕಂದ ನೆಲಕ್ಕೆ ಬೀಳದಂತೆ ಹೋಗಿ ತಡೆದು ಬಿಗಿದಪ್ಪಿಕೊಳ್ಳುವ ದೃಶ್ಯವೇ ಅದ್ಭುತ. ಈ ಕಾಳಜಿಯನ್ನು ಕಂಡಾಗಲೇ ಖುಷಿಯಾಗುತ್ತದೆ.
ಈ ಅಪೂರ್ವ ದೃಶ್ಯವನ್ನು ಪ್ರಾಥಮಿಕ ಶಾಲಾ ಶಿಕ್ಷಕಿಯಾದ ಬೆಟ್ಸಿ ಸ್ಟಾಕ್ಸ್ಲೇಜರ್ ಎಮ್ರಿ ಅವರು ನೋಡಿ ಖುಷಿಪಟ್ಟಿದ್ದರು. ಜತೆಗೆ, ಈ ದೃಶ್ಯವನ್ನು ಸೆರೆ ಹಿಡಿದು ತಮ್ಮ ಫೇಸ್ಬುಕ್ ಖಾತೆಯಲ್ಲೂ ಹಂಚಿಕೊಂಡಿದ್ದಾರೆ. ಈ ಕರಡಿಗಳ ಪ್ರೀತಿ, ತಾಯಿ ಮಮತೆ ಎಲ್ಲವೂ ಮನಸ್ಸಿಗೆ ಬಲು ಆನಂದವನ್ನು ನೀಡುವಂತಿದೆ. ಸಹಜವಾಗಿಯೇ ಈ ವಿಡಿಯೋ ಈಗ ಎಲ್ಲರ ಗಮನ ಸೆಳೆಯುವಲ್ಲಿ ಯಶಸ್ವಿಯಾಗಿದೆ. ಎಲ್ಲರೂ ಈ ಸೊಬಗಿನ ನೋಟಕ್ಕೆ ಫಿದಾ ಆಗಿದ್ದಾರೆ.
ಉತ್ತರ ಕೆರೊಲಿನಾದ ಐಸಾಕ್ ಡಿಕ್ಸನ್ ಎಲಿಮೆಂಟರಿ ಸ್ಕೂಲ್ನಲ್ಲಿ ಸೆರೆಯಾದ ದೃಶ್ಯ ಇದು. ಇಲ್ಲಿ ಪಾರ್ಕ್ಗೆ ತನ್ನ ಮರಿಯೊಂದಿಗೆ ಬಂದಿದ್ದ ತಾಯಿ ಕರಡಿ ಕಂದನಿಗೆ ಜಾರುವ ಆಟವನ್ನು ಕಲಿಸಿಕೊಟ್ಟಿದೆ. ಈ ಆಟದ ಸಾಧನಗಳಲ್ಲಿ ಮೊದಲು ತಾಯಿ ಕರಡಿ ಜಾರಿ ತೋರಿಸಿದೆ. ಇದನ್ನು ನೋಡಿ ಕಂದ ಕೂಡಾ ಜಾರುವುದಕ್ಕೆ ಮುಂದಾದರೂ ಆರಂಭದಲ್ಲಿ ಕೊಂಚ ಹಿಂಜರಿದಂತೆ ಕಂಡಿತ್ತು. ಇದಾದ ಬಳಿಕ ಇದು ಇನ್ನೊಂದು ಕಡೆಯಿಂದ ಅದು ಜಾರಿತ್ತು. ಈ ವೇಳೆ, ಓಡೋಡಿ ಬಂದ ಅಮ್ಮ, ತನ್ನ ಕಂದ ನೆಲಕ್ಕೆ ಬೀಳದಂತೆ ಹೋಗಿ ತಡೆದು ಬಿಗಿದಪ್ಪಿಕೊಳ್ಳುವ ದೃಶ್ಯವೇ ಅದ್ಭುತ. ಈ ಕಾಳಜಿಯನ್ನು ಕಂಡಾಗಲೇ ಖುಷಿಯಾಗುತ್ತದೆ.
ಈ ಅಪೂರ್ವ ದೃಶ್ಯವನ್ನು ಪ್ರಾಥಮಿಕ ಶಾಲಾ ಶಿಕ್ಷಕಿಯಾದ ಬೆಟ್ಸಿ ಸ್ಟಾಕ್ಸ್ಲೇಜರ್ ಎಮ್ರಿ ಅವರು ನೋಡಿ ಖುಷಿಪಟ್ಟಿದ್ದರು. ಜತೆಗೆ, ಈ ದೃಶ್ಯವನ್ನು ಸೆರೆ ಹಿಡಿದು ತಮ್ಮ ಫೇಸ್ಬುಕ್ ಖಾತೆಯಲ್ಲೂ ಹಂಚಿಕೊಂಡಿದ್ದಾರೆ. ಈ ಕರಡಿಗಳ ಪ್ರೀತಿ, ತಾಯಿ ಮಮತೆ ಎಲ್ಲವೂ ಮನಸ್ಸಿಗೆ ಬಲು ಆನಂದವನ್ನು ನೀಡುವಂತಿದೆ. ಸಹಜವಾಗಿಯೇ ಈ ವಿಡಿಯೋ ಈಗ ಎಲ್ಲರ ಗಮನ ಸೆಳೆಯುವಲ್ಲಿ ಯಶಸ್ವಿಯಾಗಿದೆ. ಎಲ್ಲರೂ ಈ ಸೊಬಗಿನ ನೋಟಕ್ಕೆ ಫಿದಾ ಆಗಿದ್ದಾರೆ.