ವ್ಹಾವ್... ನಾಟ್ಯದಲ್ಲೇ ಮನಗೆಲ್ಲುತ್ತಿದ್ದ ನವಿಲು ಹಾರುವುದನ್ನು ನೋಡಿದ್ದೀರಾ...?

ನಾಟ್ಯಕ್ಕೆ ಮತ್ತೊಂದು ಹೆಸರೇ ನವಿಲು. ಮಯೂರ ಗರಿಬಿಚ್ಚಿ ಕುಣಿಯುತ್ತದೆ ಎಂದರೆ ಅದನ್ನು ನೋಡುವುದು ಕಣ್ಣಿಗೊಂದು ಹಬ್ಬದಂತೆ... ನವಿಲು ಕುಣಿಯುವ ದೃಶ್ಯ ಸಾಮಾನ್ಯವಾಗಿ ಎಲ್ಲಾ ಕಡೆ ಕಾಣಸಿಗುತ್ತದೆ. ಆದರೆ, ತನ್ನ ಮನಮೋಹಕ ನಾಟ್ಯದಿಂದಲೇ ಸೆಳೆಯುವ ಈ ನವಿಲುಗಳು ಹಾರುವುದು ಕಾಣಸಿಗುವುದು ಅಪರೂಪ. ನವಿಲುಗಳು ಹಾರಿದರೂ ಈ ಹಾರಾಟದ ಅಂತರ ತುಂಬಾ ಕಡಿಮೆ ಇರುತ್ತದೆ. ಇತರ ಹಕ್ಕಿಗಳಂತೆ ನವಿಲುಗಳು ತುಂಬಾ ದೂರ ಹಾರುವುದಿಲ್ಲ. ಇದೇ ಕಾರಣಕ್ಕೆ ನವಿಲುಗಳು ಹಾರುವ ದೃಶ್ಯ ಅಪರೂಪಕ್ಕೊಮ್ಮೆ ಕಾಣಸಿಗುತ್ತದೆ. ಸದ್ಯ ನವಿಲೊಂದು ನೆಲದಿಂದ ಮರಕ್ಕೆ ನೆಗೆಯುವ ವಿಡಿಯೋ ಕ್ಯಾಮೆರಾದಲ್ಲಿ ಸೆರೆಯಾಗಿದೆ.

Also Read : ಅಯ್ಯೋ... ಪುಟ್ಟ ಕಂದನನ್ನು ಎಳೆದೊಯ್ದ ಕೋತಿ...!

ರಾಜಸ್ಥಾನದ ರಣಥಂಬೋರ್ ರಾಷ್ಟ್ರೀಯ ಉದ್ಯಾನದಲ್ಲಿ ಸೆರೆಯಾದ ದೃಶ್ಯವಿದು. ವನ್ಯಜೀವಿ ಛಾಯಾಗ್ರಾಹಕ ಹರ್ಷ ನರಸಿಂಹಮೂರ್ತಿ ಅವರ ಕ್ಯಾಮೆರಾದಲ್ಲಿ ಸೆರೆಯಾದ ಕ್ಷಣವಿದು. ಸುಮಾರು ಎಂಟು ಸೆಕೆಂಡಿನ ಈ ದೃಶ್ಯವನ್ನು ಭಾರತೀಯ ಅರಣ್ಯ ಸೇವೆಗಳ ಅಧಿಕಾರಿ ಸುಸಂತ ನಂದ ಅವರು ತಮ್ಮ ಟ್ವಿಟ್ಟರ್‌ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.

Also Read : ಪೆಟ್ಟಿಗೆಯಲ್ಲಿತ್ತು ಯುವತಿಯ ಶವ! : ಸಿನಿಮಾ ರೀತಿಯ ಕತೆಯಲ್ಲಿ ಹಂತಕ ಯಾರೆಂದೇ ಗೊತ್ತಿಲ್ಲ!

ನವಿಲುಗಳು ವಿಶಿಷ್ಟವಾದ ಉದ್ದದ ಗರಿಗಳನ್ನು ಹೊಂದಿರುತ್ತವೆ. ಹೀಗಾಗಿ, ಈ ಭಾರವನ್ನು ಹೊತ್ತು ನವಿಲುಗಳಿಗೆ ಹಾರಲು ಆಗುವುದಿಲ್ಲ. ಈ ಗರಿಗಳು ಸಾಮಾನ್ಯವಾಗಿ ಆರು ಅಡಿಗಳಷ್ಟು ಉದ್ದವಿರುತ್ತವೆ ಮತ್ತು ನವಿಲಿನ ದೇಹದ ಉದ್ದದ 60 ಪ್ರತಿಶತವನ್ನು ಈ ಗರಿಗಳೇ ಹೊಂದಿರುತ್ತವೆ. ಹೀಗಾಗಿ, ಮರದಿಂದ ಮರಕಷ್ಟೇ ಕಡಿಮೆ ಅಂತರದಲ್ಲಿ ಇವುಗಳು ಹಾರುತ್ತವೆ. ದೊಡ್ಡ ಗರಿಗಳನ್ನು ಹಿಡಿದು ನವಿಲುಗಳಿಗೆ ಹೆಚ್ಚು ದೂರ ಹಾರಲು ಸಾಧ್ಯವಾಗದೇ ಇರುವುದರಿಂದ ಅವುಗಳು ಹಾರುವುದೇ ಕಡಿಮೆ.

Also Read : 6 ತಿಂಗಳ ಗರ್ಭಿಣಿಯನ್ನು ಕೊಂದವರು ಯಾರು? : ಕೊನೆವರೆಗೂ ಸಿಗಲಿಲ್ಲ ಉತ್ತರ...!

ಹಳ್ಳಿಗಳ ಕಡೆ ಒಮ್ಮೊಮ್ಮೆ ಹೀಗೆ ನವಿಲುಗಳ ಹಾರುವ ದೃಶ್ಯ ಕಾಣಸಿಗುವುದಿದೆ. ಆದರೂ ಅದು ಅಪರೂಪವೇ. ಇದೇ ಕಾರಣಕ್ಕೆ ಈ ವಿಡಿಯೋ ಎಲ್ಲರಿಗೂ ಸಖತ್ ಇಷ್ಟವಾಗಿದೆ. ಅದರಲ್ಲೂ ಸ್ಲೋಮೋಷನ್‌ನಲ್ಲಿ ಈ ವಿಡಿಯೋ ಇರುವುದರಿಂದ ನವಿಲಿನ ಸೌಂದರ್ಯವನ್ನು ಇನ್ನಷ್ಟು ಸವಿಯುವ ಅವಕಾಶ ಇಲ್ಲಿದೆ. ಹೀಗಾಗಿಯೇ, ಈ ವಿಡಿಯೋವನ್ನು ಕಂಡ ಎಲ್ಲರೂ ಮೆಚ್ಚುಗೆಯ ಕಮೆಂಟ್‌ಗಳನ್ನು ಹಾಕಿದ್ದಾರೆ. ಅಲ್ಲದೆ, ಸೃಷ್ಟಿಯ ಸೊಬಗಿಗೆ ತಲೆಬಾಗಿದ್ದಾರೆ.