ಮಧುರ ಹಾಡಿನ ಮೂಲಕ ಗಮನ ಸೆಳೆದ ಪ್ರತಿಭಾವಂತರು : ಸುಶ್ರಾವ್ಯ ಕಂಠಕ್ಕೆ ಖ್ಯಾತನಾಮರು ಫಿದಾ

ಗಾಯನ ಕೌಶಲ್ಯದ ಮೂಲಕವೇ ಗಮನ ಸೆಳೆದ ಪ್ರತಿಭಾವಂತರು... ಅದ್ಭುತ ಹಾಡಿಗೆ ಫಿದಾ ಆದ ನೆಟ್ಟಿಗರು... ಸೂಪರ್ ಹಿಟ್ ಬಾರ್ಡರ್ ಚಿತ್ರದ ಹಾಡಿನ ಮೂಲಕ ಎಲ್ಲರನ್ನೂ ಸೆಳೆದ ಗಾಯಕರು...

ಬಾಲಿವುಡ್‌ನ ಬಾರ್ಡರ್ ಚಿತ್ರ ಯಾರಿಗೆ ಗೊತ್ತಿಲ್ಲ ಹೇಳಿ...? ಬಾಕ್ಸ್‌ ಆಫೀಸ್‌ನಲ್ಲಿ ದಾಖಲೆ ನಿರ್ಮಿಸಿದ್ದ ಸಿನೆಮಾ ಇದು. ಸೈನಿಕರ ತ್ಯಾಗ, ದೇಶಭಕ್ತಿಯನ್ನು ಸಾರುವ ಈ ಚಿತ್ರಕ್ಕೆ ಮನಸೋಲದವರೇ ಇಲ್ಲ. 1997ರಲ್ಲಿ ರಿಲೀಸ್ ಆಗಿದ್ದ ಈ ಚಿತ್ರ ಅಪೂರ್ವ ಕಥಾ ಹಂದರದ ಜೊತೆಗೆ ಎವರ್‌ಗ್ರೀನ್ ಹಾಡುಗಳ ಮೂಲಕವೂ ಗಮನ ಸೆಳೆದಿತ್ತು. ಇದೀಗ ಇದೇ ಚಿತ್ರದ ಅದ್ಭುತ ಹಾಡಿನೊಂದಿಗೆ ಇಬ್ಬರು ಗಾಯಕರು ಸೋಶಿಯಲ್ ಮೀಡಿಯಾದಲ್ಲಿ ಕ್ರೇಜ್ ಸೃಷ್ಟಿಸಿದ್ದಾರೆ.

Also Read : ನೀರು ಕುಡಿಯುತ್ತಿದ್ದ ಆನೆ ಮೇಲೆ ಕ್ಷಣಾರ್ಧದಲ್ಲಿ ಮೊಸಳೆಯ ದಾಳಿ...! : ಭಯಾನಕ ವಿಡಿಯೋ ವೈರಲ್

ಇಬ್ಬರು ಪ್ರತಿಭಾವಂತ ಗಾಯಕರು ಈ ಚಿತ್ರದ `ಸಂದೇಸೆ ಆ ಥೇ ಹೇ' ಹಾಡನ್ನು ತಮ್ಮ ಸುಮಧುರ ಕಂಠದಲ್ಲಿ ಹಾಡಿ ಎಲ್ಲರ ಮನಗೆದ್ದಿದ್ದಾರೆ. @bhaiyyajispeaks ಎಂಬ ಟ್ವಿಟ್ಟರ್ ಖಾತೆಯಲ್ಲಿ ಈ ವಿಡಿಯೋ ಅಪ್ಲೋಡ್ ಆಗಿದೆ. `ಮೇರಾ ಭಾರತ್' ಎಂದು ಕ್ಯಾಪ್ಶನ್ ಬರೆದು ಈ ವಿಡಿಯೋವನ್ನು ಹಂಚಿಕೊಳ್ಳಲಾಗಿದೆ. ಪರ್ವತಗಳ ಪ್ರದೇಶದಲ್ಲಿ ಗಿಟಾರ್ ಹಿಡಿದು ಈ ಯುವಕ ಮೈಮರೆತು ಈ ಹಾಡನ್ನು ಹಾಡಿದ್ದಾರೆ. ಸ್ವಲ್ಪ ಸಮಯದಲ್ಲಿ ಗಾಯಕಿಯೊಬ್ಬರು ಕೂಡಾ ಸೇರಿಕೊಳ್ಳುತ್ತಾರೆ. ನಂತರ ಈ ಇಬ್ಬರು ತಮ್ಮ ಗಾಯನ ಕೌಶಲ್ಯದಿಂದಲೇ ಎಲ್ಲರನ್ನೂ ಮಂತ್ರಮುಗ್ಧರನ್ನಾಗಿಸುತ್ತಾರೆ.


Also Read : ಇಂಜೆಕ್ಷನ್ ನೀಡುವಾಗ ಭಯದಲ್ಲಿ ಕಿರುಚಾಡುವ ಯುವಕ! : ತಮಾಷೆಯ ವಿಡಿಯೋ ವೈರಲ್

ಇದೇ ವಿಡಿಯೋವನ್ನು ಬಾಲಿವುಡ್ ನಟ ರವೀನಾ ಟಂಡನ್ ಕೂಡಾ ಇಷ್ಟಪಟ್ಟಿದ್ದು, ಇವರೂ ಈ ವಿಡಿಯೋವನ್ನು ತಮ್ಮ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ನಮ್ಮ ಸೇನೆಯ ವೀರಯೋಧರ ನಿಸ್ವಾರ್ಥ ಸೇವೆ ಮತ್ತು ಶೌರ್ಯವನ್ನು ಗೌರವಿಸುವ ಸಲುವಾಗಿ ಪ್ರತಿವರ್ಷ ಜನವರಿ 15ರಂದು ಭಾರತೀಯ ಸೇನಾ ದಿನವನ್ನು ಆಚರಿಸಲಾಗುತ್ತದೆ. ಈ ಸಂದರ್ಭದಲ್ಲಿ ಈ ವಿಡಿಯೋವನ್ನು ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಳ್ಳಲಾಗಿದೆ.


Also Read : ಪಿಜ್ಜಾವನ್ನು ನಲ್ಲಿ ನೀರಿನಲ್ಲಿ ಅದ್ದಿ ತಣ್ಣಗೆ ಮಾಡಿ ತಿಂದ ವ್ಯಕ್ತಿ!: ವಿಲಕ್ಷಣ ವಿಡಿಯೋ ವೈರಲ್

ಸದ್ಯ ಈ ವಿಡಿಯೋ ನೆಟ್ಟಿಗರನ್ನು ಬಹುವಾಗಿ ಸೆಳೆದಿದೆ. ಸಾವಿರಾರು ವೀಕ್ಷಣೆ, ಮೆಚ್ಚುಗೆ ಪ್ರತಿಕ್ರಿಯೆ ಗಳಿಸುವಲ್ಲಿ ಈ ಇಬ್ಬರು ಗಾಯಕರು ಯಶಸ್ವಿಯಾಗಿದ್ದಾರೆ.