`ಬೆಣ್ಣೆ' ಚಹಾ ಕುಡಿದಿದ್ದೀರಾ...? : ಎಲ್ಲರನ್ನೂ ಹುಬ್ಬೇರಿಸುವಂತೆ ಮಾಡಿದೆ ಈ ದೃಶ್ಯ

ವಿಲಕ್ಷಣ ಫುಡ್ ಕಾಂಬಿನೇಷನ್‌ಗಳು ಹೊಸದೇನು ಅಲ್ಲ. ಆಗಾಗ ಸೋಶಿಯಲ್ ಮೀಡಿಯಾದಲ್ಲಿ ಇಂತಹ ವಿಚಿತ್ರ ಆಹಾರ ಸಂಯೋಜನೆಯ ವಿಡಿಯೋಗಳು ಬಲು ಚರ್ಚೆಗೆ ಗ್ರಾಸವಾಗುವುದಿದೆ. ಅದರಲ್ಲೂ 2020ರಲ್ಲಿ ಇದು ಸ್ವಲ್ಪ ಹೆಚ್ಚೇ ಎನ್ನುವಷ್ಟರಮಟ್ಟಿಗೆ ಇತ್ತು. ಯಾಕೆಂದರೆ, ಲಾಕ್‌ಡೌನ್ ಸಮಯದಲ್ಲಿ ಬಹುತೇಕರು ಹೊಸ ಹೊಸ ಅಡುಗೆ ಪ್ರಯೋಗಗಳನ್ನು ಮಾಡಿದ್ದರು. ಈ ಹೊಸ ಅಡುಗೆ ಪ್ರಯೋಗದಲ್ಲಿ ಕೆಲವು ಎಲ್ಲರಿಗೂ ಇಷ್ಟವಾಗಿದ್ದರೆ, ಇನ್ನು ಕೆಲ ಫುಡ್ ಕಾಂಬಿನೇಷನ್‌ಗಳು ಜನರ ಭಾರೀ ಟೀಕೆಗೆ ಗುರಿಯಾಗಿತ್ತು. ಸದ್ಯ ಇದೇ ರೀತಿ ಜನರಲ್ಲಿ ಪರ ವಿರೋಧದ ಚರ್ಚೆಯನ್ನು ಹುಟ್ಟು ಹಾಕಿರುವ ವಿಡಿಯೋವೊಂದು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ.

Also Read : ಮುದ್ದು ಕಂದನಿಗೆ ಅಮ್ಮನ ಬಿಸಿಯಪ್ಪುಗೆ : ಮನಸ್ಸಿಗೆ ಮುದ ನೀಡುವ ಸಿಂಹಿಣಿಯ ದೃಶ್ಯವಿದು

ಚಹಾ ಭಾರತದಲ್ಲಿ ಬಹುತೇಕರ ಮೆಚ್ಚಿನ ಬಿಸಿ ಪಾನೀಯಗಳಲ್ಲಿ ಒಂದು. ಚಹಾ ಕುಡಿಯುವ ಮೂಲಕವೇ ಹೆಚ್ಚಿನವರ ದಿನದ ಆರಂಭವಾಗುತ್ತದೆ ಎಂಬುದು ಕೂಡಾ ಸತ್ಯ. ಅಷ್ಟರಮಟ್ಟಿಗೆ ಚಹಾ ಒಂದಷ್ಟು ಜನರ ಬದುಕಿನಲ್ಲಿ ಹಾಸುಹೊಕ್ಕಾಗಿದೆ. ಆದರೆ, ಇಂತಹ ಚಹಾಕ್ಕೆ ಬೆಣ್ಣೆ ಹಾಕುವುದನ್ನು ಎಂದಾದರೂ ನೋಡಿದ್ದೀರಾ...? ಬಹುಶಃ ಬಹುತೇಕರಿಗೆ ಇದು ಹೊಸತ್ತು. ಇದೇ ಕಾರಣಕ್ಕೆ ಈ ಬೆಣ್ಣೆ ಚಹಾದ ವಿಡಿಯೋ ವ್ಯಾಪಕವಾಗಿ ವೈರಲ್ ಆಗುತ್ತಿದೆ.


Also Read : ಮಧುರ ಹಾಡಿನ ಮೂಲಕ ಗಮನ ಸೆಳೆದ ಪ್ರತಿಭಾವಂತರು : ಸುಶ್ರಾವ್ಯ ಕಂಠಕ್ಕೆ ಖ್ಯಾತನಾಮರು ಫಿದಾ

ದೆಹಲಿಯ ಆಗ್ರಾದಲ್ಲಿರುವ ಹೋಟೆಲ್, ರೆಸ್ಟೋರೆಂಟ್ ಸೇರಿದಂತೆ ಆಹಾರ ಮಳಿಗೆಗಳ ಪರಿಚಯ ಮಾಡಲೆಂದೇ ಇರುವ ಇನ್‌ಸ್ಟಾಗ್ರಾಂ ಪುಟದಲ್ಲಿ ಈ ವಿಡಿಯೋ ಅಪ್ಲೋಡ್ ಆಗಿದೆ. ಇಲ್ಲಿನ ಬಾಬಾ ಟೀ ಸ್ಟಾಲ್‌ನಲ್ಲಿ ಬೆಣ್ಣೆಗಳ ದೊಡ್ಡ ದೊಡ್ಡ ತುಂಡುಗಳನ್ನು ಹಾಕಿ ಚಹಾ ತಯಾರಿಸಲಾಗುತ್ತದೆ. ಕುದಿಯುತ್ತಿರುವ ಚಹಾಕ್ಕೆ ಬೆಣ್ಣೆಯನ್ನು ಸೇರಿಸುವ ದೃಶ್ಯ ಕ್ಲಿಪ್‌ನಲ್ಲಿದೆ.

Also Read : ಪ್ರವಾಸಿಗರ ನಡುವೆ ಸ್ವಚ್ಛಂದವಾಗಿ ವಿಹರಿಸಿದ ಚಿರತೆ : ಕಾಡಿನ ಅತಿಥಿಯೊಂದಿಗೆ ಜನರ ಚೆಲ್ಲಾಟಕ್ಕೆ ಭಾರೀ ಟೀಕೆ

ಸಾಮಾನ್ಯವಾಗಿ ಚಹಾಕ್ಕೆ ಏಲಕ್ಕಿ ಮತ್ತು ಶುಂಠಿಯನ್ನು ಬೆರಸಿ ಕೊಡುವ ಪದ್ಧತಿ ನಮ್ಮಲ್ಲಿ ಚಾಲ್ತಿಯಲ್ಲಿದೆ. ಆದರೆ, ಕುದಿಯುವ ಚಹಾಕ್ಕೆ ಬೆಣ್ಣೆ ತುಂಡುಗಳನ್ನು ಹಾಕುವ ಪರಿಪಾಠ ಹೆಚ್ಚಿನವರಿಗೆ ಹೊಸದು. ಇನ್‌ಸ್ಟಾಗ್ರಾಂ ಮಾತ್ರವಲ್ಲದೆ, ಇತರ ಸೋಶಿಯಲ್ ಮೀಡಿಯಾ ಖಾತೆಯಲ್ಲಿಯೂ ಈ ವಿಡಿಯೋ ಈಗ ಹರಿದಾಡುತ್ತಿದೆ. ಸದ್ಯ ಈ ವಿಶಿಷ್ಟ ಚಹಾದ ಬಗೆಗೆ ನೆಟ್ಟಿಗರು ಕೂಡಾ ಬಗೆಬಗೆ ಚರ್ಚೆಯಲ್ಲಿ ತೊಡಗಿದ್ದಾರೆ. ಹೆಚ್ಚಿನವರಿಗೆ ಈ ಹೊಸ ರುಚಿಯ ಚಹಾ ಇಷ್ಟವಾಗಿಲ್ಲ. ಹೀಗೆ ಪರ ವಿರೋಧದ ಅಭಿಪ್ರಾಯದೊಂದಿಗೆ ಈ ವಿಡಿಯೋ ವೈರಲ್ ಆಗುತ್ತಲಿದೆ.