ಬೇಟೆಗಾಗಿ ಕಾಯುತ್ತಿರುವ ಒಂದು ಪರ್ವತದ ಸಿಂಹವನ್ನು ಈ ಫೋಟೋದಲ್ಲಿ ಹುಡುಕುವಿರಾ...?

`ಈ ಫೋಟೋದಲ್ಲೊಂದು ರಹಸ್ಯ ಅಡಗಿದೆ. ಇದನ್ನು ಹುಡುಕುವಿರಾ...?' ಹೀಗೆ ಸವಾಲು ಕೇಳಿ ಅದೆಷ್ಟೋ ಫೋಟೋಗಳು ವೈರಲ್ ಆಗಿವೆ. ಒಂದಷ್ಟು ನೆಟ್ಟಿಗರಿಗೆ ಈ ಹುಡುಕಾಟವೇ ಖುಷಿ ಕೊಡುತ್ತದೆ. ಹೀಗಾಗಿ, ಬಲು ಆಸಕ್ತಿಯಿಂದ ಫೋಟೋದಲ್ಲಿ ಅಡಗಿರುವ `ಉತ್ತರ'ವನ್ನು ಹುಡುಕುವುದರಲ್ಲಿ ಬಹುಬೇಗ ಬಹುತೇಕರು ತೊಡಗಿಕೊಳ್ಳುತ್ತಾರೆ. ಈಗಾಗಲೇ ಇಂತಹ ಸಾಕಷ್ಟು ಫೋಟೋಗಳು ನೆಟ್ಟಿಗರ ಮನಗೆದ್ದಿವೆ. ಸದ್ಯ ಇಂತಹದ್ದೇ ಇನ್ನೊಂದು ಫೋಟೋ ನೆಟ್ಟಿಗರ ಬುದ್ಧಿಮತ್ತೆಗೆ, ಹುಡುಕಾಟದ ಜಾಣ್ಮೆಗೆ ಸವಾಲಾಗಿ ಎದುರು ಬಂದಿದೆ.

Also Read : ಕೊಳದಲ್ಲಿ ಸಿಕ್ಕ ಬಾಲ್‌ನಲ್ಲಿ ಮಗುವಿನಂತೆ ಆಟ ಆಡಿದ ಹುಲಿ : ಈ ದೃಶ್ಯವೇ ಚೆಂದ

ಅಮೆರಿಕದ ನ್ಯೂ ಮೆಕ್ಸಿಕೊದಲ್ಲಿನ ರಿಯೊ ಮೊರಾ ರಾಷ್ಟ್ರೀಯ ವನ್ಯಜೀವಿ ಆಶ್ರಯ ಕೇಂದ್ರದಲ್ಲಿ ಸೆರೆಯಾದ ದೃಶ್ಯವಿದು. ಇಲ್ಲೊಂದು ಮೌಂಟನ್ ಲಯನ್ ಬೇಟೆಯ ಸರಿಯಾದ ಸಮಯಕ್ಕಾಗಿ ಹೊಂಚು ಹಾಕಿ ಕಾಯುತ್ತಿದೆ. ಆದರೆ, ತಕ್ಷಣಕ್ಕೆ ಈ ಫೋಟೋದಲ್ಲಿ ಆ ಪರ್ವತದ ಸಿಂಹ ಎಲ್ಲಿದೆ ಎಂದೇ ಗೊತ್ತಾಗದು. ಆ ಸಿಂಹವನ್ನು ಹುಡುಕುವುದೇ ನೆಟ್ಟಿಗರ ಮುಂದಿರುವ ದೊಡ್ಡ ಸವಾಲು.

Also Read : ತಪ್ಪಿಸಿಕೊಂಡಿದ್ದ ಕೋಳಿಯನ್ನು ಹುಡುಕಲು ಸಾಹಸ : ನೋವಿನಲ್ಲಿ ಶುರುವಾಗಿದ್ದ ಪ್ರಯತ್ನಕ್ಕೆ ಹ್ಯಾಪಿ ಎಂಡಿಂಗ್


ರಿಯೊ ಮೊರಾ ರಾಷ್ಟ್ರೀಯ ವನ್ಯಜೀವಿ ಆಶ್ರಯ ಕೇಂದ್ರ ತನ್ನ ಫೇಸ್‌ಬುಕ್‌ ಪೇಜ್‌ನಲ್ಲಿ ಈ ಫೋಟೋವನ್ನು ಹಂಚಿಕೊಂಡಿದೆ. ಈ ಫೋಟೋವನ್ನು ಕಂಡ ಸಾಕಷ್ಟು ಜನ ಇಲ್ಲಿರುವ ಸಿಂಹದ ಹುಡುಕಾಟದಲ್ಲಿ ತೊಡಗಿದ್ದಾರೆ. ಆದರೆ, ಅದು ಅಷ್ಟು ಸುಲಭದ ಕೆಲಸವಲ್ಲ. ಯಾಕೆಂದರೆ, ಬಲು ಸೂಕ್ಷ್ಮ ದೃಷ್ಟಿ ಇದ್ದರಷ್ಟೇ ಇಲ್ಲಿ ಸಿಂಹ ಕಾಣುತ್ತದೆ. ಹೀಗಾಗಿ, ಸಾಕಷ್ಟು ಜನ ಈ ಪ್ರಯತ್ನದಲ್ಲಿ ಕೈಸೋತು ಹೋಗಿದ್ದಾರೆ. ಇನ್ನು ಕೆಲವರು ಉತ್ತರ ನೀಡಿದ್ದರೂ ಅದು ಸರಿಯಾಗಿಲ್ಲ...

Also Read : ಖುಷಿಯಿಂದ ಕುಣಿಯುವ ಕರಡಿ... ಕೋಣದ ತಂಡಕ್ಕೆ ಹೆದರಿ ಓಡುವ ಸಿಂಹ, ಸಿಂಹಿಣಿ...!

2019ರ ಅಕ್ಟೋಬರ್‌ನಲ್ಲಿ ಕ್ಲಿಕ್ಕಿಸಿದ ಫೋಟೋ ಇದು. ಇದನ್ನು ರಿಯೋ ಮೋರಾ ರಾಷ್ಟ್ರೀಯ ವನ್ಯಜೀವಿ ಆಶ್ರಯ ಕೇಂದ್ರ ಇತ್ತೀಚೆಗೆ ತನ್ನ ಫೇಸ್‌ಬುಕ್‌ನಲ್ಲಿ ಹಂಚಿಕೊಂಡಿತ್ತು. ಸದ್ಯ ಈ ಫೋಟೋ ಟ್ವಿಟ್ಟರ್, ರೆಡ್ಡಿಟ್ ಸೇರಿದಂತೆ ವಿವಿಧ ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗುತ್ತಿದೆ. ಸರಿ ನೀವೂ ಇಲ್ಲಿ ಸಿಂಹದ ಹುಟುಕಾಟ ನಡೆಸಿದಿರಾ...? ಸಿಂಹ ನಿಮಗೆ ಕಾಣ ಸಿಗಲಿಲ್ಲವಾ...? ಹಾಗಾದರೆ, ಟೆನ್ಷನ್ ಮಾಡಿಕೊಳ್ಳಬೇಡಿ. ಇಲ್ಲಿದೆ ನೋಡಿ ಉತ್ತರ.