ಬಾಲಕ ಮತ್ತು ಕೋಳಿಯ ಅಪೂರ್ವ ಗೆಳೆತನ : ಹೃದಯಸ್ಪರ್ಶಿಯಾಗಿದೆ ಈ ಆಲಿಂಗನ

ಸ್ನೇಹ ಎಂಬುದು ಸುಂದರ ಸಂಬಂಧ... ಈ ಲೋಕದ ಪ್ರತಿಯೊಂದು ಜೀವರಾಶಿಯಲ್ಲೂ ಸ್ನೇಹ ಪ್ರೀತಿಯನ್ನು ಕಾಣಬಹುದು... ಈ ಅಪೂರ್ವ ಸಂಬಂಧ ಮನಸ್ಸಿಗೆ ಹಿತ ನೀಡುತ್ತದೆ, ಬದುಕಿಗೊಂದು ಭರವಸೆ ತರುತ್ತದೆ. ಮನುಷ್ಯರೊಂದಿಗಿನ ಗೆಳೆತನ ಒಂದೆಡೆಯಾದರೆ, ಮುದ್ದು ಪ್ರಾಣಿ ಪಕ್ಷಿಗಳ ಜೊತೆಗಿನ ಸ್ನೇಹವೂ ಬದುಕಿನಲ್ಲಿ ದೊಡ್ಡ ಆನಂದ ನೀಡುತ್ತದೆ. ಹೀಗೆ ಪ್ರಾಣಿ, ಪಕ್ಷಿಗಳೊಂದಿಗೆ ಮನುಷ್ಯರು ಬಲು ಆಪ್ತವಾಗಿ ಇರುವ ವಿಡಿಯೋಗಳು ಆಗಾಗ ಸೋಶಿಯಲ್ ಮೀಡಿಯಾದಲ್ಲಿ ಕಾಣಸಿಗುತ್ತವೆ ಮತ್ತು ಈ ಎಲ್ಲಾ ದೃಶ್ಯಗಳು ಕ್ಷಣಾರ್ಧದಲ್ಲಿ ನಮ್ಮ ಮನಸೂರೆಗೊಳ್ಳುತ್ತದೆ.

ಸದ್ಯ ಇಂತಹದ್ದೇ ಒಂದು ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಎಲ್ಲರ ಗಮನ ಸೆಳೆದಿದೆ. ಇದು ಒಬ್ಬ ಪುಟ್ಟ ಬಾಲಕ ಮತ್ತು ಕೋಳಿಯ ನಡುವಣ ಗೆಳೆತನ ದೃಶ್ಯ. ಪ್ರೀತಿಯ ಆಲಿಂಗನ ಸದಾ ಎಲ್ಲರಿಗೂ ಮನಸ್ಸಿಗೆ ಖುಷಿ ನೀಡುತ್ತದೆ. ಆದರೆ, ಎಂದಾದರೂ ಕೋಳಿ ಆಲಿಂಗನವನ್ನು ಇಷ್ಟಪಡುವುದನ್ನು ನೋಡಿದ್ದೀರಾ...? ಸದ್ಯ ಇಂತಹ ಒಂದು ವಿಡಿಯೋ ಎಲ್ಲರಲ್ಲೂ ಕುತೂಹಲ ಮೂಡಿಸಿದೆ. ಪುಟ್ಟ ಬಾಲಕ ಪ್ರೀತಿಯಿಂದ ಕೋಳಿಯನ್ನು ಬರಸೆಳೆದು ಅಪ್ಪಿಕೊಳ್ಳುವ ದೃಶ್ಯ ಎಲ್ಲರನ್ನೂ ಆಕರ್ಷಿಸಿದೆ. ಹೀಗೆ ತನ್ನ ಮುದ್ದಿನ ಕೋಳಿಯ ಮೈ ಸವರಿ ಈ ಬಾಲಕ ಪ್ರೀತಿ ತೋರಿಸುವ ಈ ಮುಗ್ಧ ಸ್ನೇಹವನ್ನು ಎಷ್ಟು ನೋಡಿದರೂ ಮನಸ್ಸು ತಣಿಯದು.

Also Read : ಬ್ರೈನ್ ಟ್ಯೂಮರ್‌ನಿಂದ ಬಳಲುತ್ತಿದ್ದ ಶ್ವಾನಕ್ಕೆ ಯಶಸ್ವಿ ರೇಡಿಯೋ ಥೆರಪಿ : ಮೊದಲ ಪ್ರಯತ್ನವೇ ಸಕ್ಸಸ್

ಸದಾ ಆಸಕ್ತಿದಾಯಕ ಫೋಟೋ, ವಿಡಿಯೋಗಳನ್ನು ಹಂಚಿಕೊಳ್ಳುವ ಸೈಮನ್ ಬಿಆರ್‌ಎಫ್‌ಸಿ ಹಾಪ್‌ಕಿನ್ಸ್ ಎಂಬ ಟ್ವಿಟ್ಟರ್ ಖಾತೆಯಲ್ಲಿ ಅಪ್ಲೋಡ್ ಆದ ವಿಡಿಯೋ ಇದು. ನೆಲದಲ್ಲಿ ಕುಳಿತು ಬಾಲಕ ಕರೆದಾಗ ಓಡಿ ಬರುವ ಕೋಳಿಯೂ ಆತನಿಗೆ ಪ್ರೀತಿ ತೋರಿಸುವ ಈ ದೃಶ್ಯವೇ ಅದ್ಭುತ. ಇಂತಹ ಸುಂದರ ದೃಶ್ಯ ಮನಸೆಳೆಯದೆ ಇರಲು ಸಾಧ್ಯನಾ... ನಿರೀಕ್ಷೆಯಂತೆಯೇ ಅಪ್ಲೋಡ್ ಆದ ಕೆಲವೇ ಹೊತ್ತಿನಲ್ಲಿ ಈ ವಿಡಿಯೋ ಎಲ್ಲರ ಹೃದಯ ಗೆಲ್ಲುವಲ್ಲಿ ಯಶಸ್ವಿಯಾಗಿದೆ.

Also Read : ಐಎಎಸ್ ಅಧಿಕಾರಿಯ ಭಕ್ತಿಗೀತೆ : ನೆಟ್ಟಿಗರ ಹೃದಯ ಗೆದ್ದ ರಾಖಿ ಗುಪ್ತರ ಶ್ರೀಕೃಷ್ಣ ಭಜನೆ

Also Read : ಕಾಫಿಯಲ್ಲಿ ಕಲೆ...! : ಲೋಟದಲ್ಲಿ ಮೂಡಿದೆ ಅಚ್ಚರಿಯಿಂದ ನೋಡುವ ಬೆಕ್ಕು...!

ಹಲವರು ಈ ಗೆಳೆತನ ಕಂಡು ಆಶ್ಚರ್ಯಚಕಿತರಾಗಿದ್ದರೆ, ಇನ್ನು ಕೆಲವರು ಎರಡೆರಡು ಸಲ ಈ ವಿಡಿಯೋ ನೋಡಿ ಖುಷಿಪಟ್ಟಿದ್ದಾರೆ. ಸಾವಿರಾರು ಲೈಕ್ಸ್‌, ಕಮೆಂಟ್ಸ್‌ ಗಳಿಸುವಲ್ಲಿ ಈ ವಿಡಿಯೋ ಸಕ್ಸಸ್ ಆಗಿದೆ. ಬಹುಶಃ ನೀವು ಕೂಡಾ ಈ ವಿಡಿಯೋವನ್ನು ಅತ್ಯಂತ ಖುಷಿಯಿಂದ ನೋಡಿರಬಹುದು...