ಫುಲ್ ಟೈಟಾಗಿ ಮತ್ತೊಬ್ಬರ ಮನೆಗೆ ಹೋಗಿ ನೂಡಲ್ಸ್‌ ಮಾಡಿ ತಿಂದು ಮಲಗಿದ ವ್ಯಕ್ತಿ : ಮುಂದಿನದ್ದು ಇಂಟ್ರೆಸ್ಟಿಂಗ್...!

ಕುಡಿದ ನಶೆಯಲ್ಲಿ ಒಮ್ಮೊಮ್ಮೆ ಆಗುವ ಅವಾಂತರಗಳನ್ನು ಊಹಿಸುವುದಕ್ಕೇ ಆಗುವುದಿಲ್ಲ. ಕಾಲು ನೆಲದಲ್ಲಿ ನಿಲ್ಲದಷ್ಟರ ಮಟ್ಟಿಗೆ ಕುಡಿದರೂ ಕೆಲವರು ತೂರಾಡಿಕೊಂಡು ಮನೆಗೆ ಸೇರುತ್ತಾರೆ. ಆದರೆ, ಹೀಗೆ ತೂರಾಡುತ್ತಾ ಅವರದ್ದೇ ಮನೆಗೆ ಹೋದರೆ ಪರವಾಗಿಲ್ಲ, ಕೆಲವರು ತಮ್ಮ ಮನೆಯೆಂದು ಬೇರೆ ಮನೆಗೆ ಹೋಗಿ ಯಡವಟ್ಟು ಮಾಡಿಕೊಳ್ಳುತ್ತಾರೆ. ಇದು ಕೂಡಾ ಅಂತಹದ್ದೇ ಘಟನೆ.

Also Read : Viral Video : 9ನೇ ಮಹಡಿಯಿಂದ ಬಿದ್ದ ಮಹಿಳೆ...! ಆ ನಂತರ ನಡೆದದ್ದೆಲ್ಲಾ ಪವಾಡ...!

ವ್ಯಕ್ತಿಯೊಬ್ಬರು ಪಾರ್ಟಿಯಲ್ಲಿ ಚೆನ್ನಾಗಿ ಕುಡಿದು ಮನೆಗೆ ಹೋಗಿದ್ದಾರೆ. ರಾತ್ರಿ ಈ ಮನೆಗೆ ಹೋಗಿದ್ದ ವ್ಯಕ್ತಿ ನೂಡಲ್ಸ್‌ ಮಾಡಿ ತಿಂದು ಕೋಣೆಗೆ ಹೋಗಿ ಗಡ್ಡದ್ದಾಗಿ ನಿದ್ದೆ ಮಾಡಿದ್ದರು. ಬೆಡ್‌ನಲ್ಲಿ ಬಿದ್ದುಕೊಂಡ ತಕ್ಷಣ ಕಣ್ಣಿಗೆ ನಿದ್ರಾದೇವಿಯೂ ಆವರಿಸಿಕೊಂಡಿದ್ದಳು. ಮರುದಿನ ಬೆಳಗ್ಗೆ ಎಚ್ಚರವಾದಾಗ ಈ ವ್ಯಕ್ತಿ ಫುಲ್ ಶಾಕ್ ಆಗಿದ್ದರು. ಯಾಕೆಂದರೆ, ತಾನು ಮಲಗಿದ್ದ ಕೋಣೆಯಲ್ಲಿ ಯಾರೋ ದಂಪತಿ ಬಂದು ನಿಂತಿದ್ದರು...! ಇಬ್ಬರ ಮುಖದಲ್ಲೂ `ಯಾರು ನೀನು' ಎಂಬಂತಹ ಪ್ರಶ್ನಾರ್ಥಕ ಚಿಹ್ನೆ ಇತ್ತು. ಆಗಲೇ ಗೊತ್ತಾಗಿದ್ದು ಈ ವ್ಯಕ್ತಿಗೆ ತಾನು ಮಲಗಿದ್ದು ತನ್ನ ಮನೆಯಲ್ಲಿ ಅಲ್ಲ ಎಂಬ ಸತ್ಯ.

Also Read : Viral Video : ಹಿಮದ ಇಳಿಜಾರಿನಲ್ಲಿ ಒಬ್ಬರ ಮೇಲೊಬ್ಬರು ಬೀಳುವ ಸೈಕಲ್ ಸವಾರರು...!

ಅಸಲಿಗೆ ಈ ವ್ಯಕ್ತಿ ತನ್ನ ಮನೆಯೆಂದು ಬೇರೊಂದು ಮನೆಗೆ ಹೋಗಿ ಮಲಗಿದ್ದರು. ಆದರೆ, ಇವರ ಅದೃಷ್ಟ ಚೆನ್ನಾಗಿತ್ತು. ಯಾಕೆಂದರೆ, ತಮ್ಮ ಮನೆಯಲ್ಲಿ ಅಪರಿಚಿತ ವ್ಯಕ್ತಿಯನ್ನು ಕಂಡ ದಂಪತಿ ಹೊಡೆದು ಮನೆಯಿಂದ ಕಳಿಸಲಿಲ್ಲ. ಬದಲಾಗಿ ಇವರ ಪರಿಸ್ಥಿತಿ ಅರ್ಥ ಮಾಡಿಕೊಂಡಿದ್ದರು. ಇವರು ಹೇಳಿದ್ದ ಸಂಗತಿ ವಾಸ್ತವ ಎಂದು ತಿಳಿದುಕೊಂಡ ದಂಪತಿ ಈ ವ್ಯಕ್ತಿಗೆ ಕುಡಿಯಲು ಟೀ, ತಿನ್ನಲು ತಿಂಡಿ ಕೊಟ್ಟು ಉಪಚರಿಸಿದ್ದರು.

Also Read : The Island of The Dolls : ಬರೀ ಗೊಂಬೆಗಳೇ ತುಂಬಿರುವ ಈ ದ್ವೀಪಕ್ಕೆ ಹೋಗಲು ಜನ ಹೆದರುತ್ತಾರೆ...!

ತನ್ನ ಈ ಅವಾಂತರದ ಸಂಗತಿಯನ್ನು ಈ ವ್ಯಕ್ತಿ ಟ್ವಿಟ್ಟರಿನಲ್ಲಿ ವಿಡಿಯೋ ಮೂಲಕ ಬಿಚ್ಚಿಟ್ಟಿದ್ದಾರೆ. ಹಾಗೆ ನೋಡಿದರೆ ಇದು ಈಗಿನ ವಿಡಿಯೋ ಅಲ್ಲ. ಈ ಹಿಂದೆಯೇ ಫೇಸ್‌ಬುಕ್‌ನಲ್ಲಿ ಈ ವಿಡಿಯೋ ಅಪ್ಲೋಡ್ ಆಗಿತ್ತು. ಆದರೆ, ಈಗ ಮತ್ತೆ ಇದೇ ವಿಡಿಯೋ ಫೇಸ್‌ಬುಕ್, ಟ್ವಿಟ್ಟರ್ ಸೇರಿದಂತೆ ಸಾಮಾಜಿಕ ಮಾಧ್ಯಮಗಳಲ್ಲಿ ಮತ್ತೆ ಹರಿದಾಡಲು ಆರಂಭಿಸಿದೆ.

ಈ ವ್ಯಕ್ತಿ ನಗುತ್ತಲ್ಲೇ ತನ್ನ ಸ್ಥಿತಿಯನ್ನು ವಿವರಿಸಿದ್ದು, ನೆಟ್ಟಿಗರೂ ಇದಕ್ಕೆ ಹಾಸ್ಯದ ದಾಟಿಯಲ್ಲೇ ಕಮೆಂಟ್ ಮಾಡಿದ್ದಾರೆ.

ಇಲ್ಲಿ ಈ ವ್ಯಕ್ತಿ ಹೋಗಿ ಮಲಗಿದ್ದ ಮನೆಯವರ ಧೈರ್ಯವನ್ನು ಮೆಚ್ಚಲೇಬೇಕು. ಆದರೆ, ಎಲ್ಲಾ ಸಂದರ್ಭದಲ್ಲಿ ಹೀಗೆ ಆಗುತ್ತದೆ ಎಂದು ಹೇಳಲು ಸಾಧ್ಯವಿಲ್ಲ. ಹೀಗಾಗಿ, ಕುಡುಕರು ತಮ್ಮ ಎಚ್ಚರಿಕೆಯಿಂದ ಇದ್ದರೆ ಒಳ್ಳೆಯದು...! ಇಲ್ಲದಿದ್ದರೆ ಕಂಬಿ ಎಣಿಸಬೇಕಾದೀತು...!