ಹೆಗಲಿಗೆ ಹೆಗಲು ಕೊಟ್ಟು ನಡೆದ ಸಂಭ್ರಮ... ಸೆಲ್ಫಿ ಕ್ಲಿಕ್ಕಿಸಿ ಖುಷಿ ಪಟ್ಟ ಕ್ಷಣ ...

ಕಂದ ಜೀವಂತ ಇರುವಾಗಲೇ ಹೂತ ಪಾಪಿಗಳು...! : ಮಗು ಬದುಕಿ ಬಂದ ಕತೆಯೇ ರೋಚಕ...!ಈಗೀಗ ಸಂಬಂಧಗಳ ಆಯುಷ್ಯ ತುಂಬಾ ಕಡಿಮೆ. ಕಾರಣವೇ ಅಲ್ಲದ ಕಾರಣಕ್ಕೆ ಜೋಡಿಗಳು ಬೇರ್ಪಡುವುದಿದೆ. ಕ್ಷುಲ್ಲಕ ವಿಚಾರಕ್ಕೆ ದಂಪತಿ ದೂರವಾಗುವುದನ್ನು ನಾವು ನೋಡಿದ್ದೇವೆ. ಕೇಳಿದ್ದೇವೆ. ಆದರೆ, ಸಣ್ಣ ಸಮಸ್ಯೆಯನ್ನೂ ಬಲೂನಿನಂತೆ ಊದಿ ಊದಿ ದೊಡ್ಡದು ಮಾಡಿ ಸಂಬಂಧವನ್ನೇ ಕಡಿದುಕೊಳ್ಳುವವರು, ನಾವೀಗ ಸ್ವಾತಂತ್ರರು ಎಂದು ಮೇಲೆ ತೋರಿಸಿಕೊಂಡು ಆಂತರ್ಯದಲ್ಲಿ ಅಳುತ್ತಿರುವವರು ಈ ವೃದ್ಧ ದಂಪತಿಯನ್ನು ನೋಡಿ ಕಲಿಯಬೇಕು.

ಇದು ದುರ್ಗಾ ಪೂಜೆಯ ಪೆಂಡಾಲ್‌ನಲ್ಲಿ ಕಂಡ ಅಪೂರ್ವ ಕ್ಷಣ. ನವರಾತ್ರಿ ಮುಗಿದಿರಬಹುದು. ಆದರೆ, ದುರ್ಗಾ ಪೆಂಡಾಲ್ ಫೋಟೋ, ಗರ್ಭಾ ಡ್ಯಾನ್ಸ್ ವೈಭವ... ಹೀಗೆ ಈ ಹಬ್ಬದ ಕ್ಷಣದ ಫೋಟೋ, ವಿಡಿಯೋಗಳ ಪ್ರವಾಹವೇ ಸಾಮಾಜಿಕ ಜಾಲತಾಣದಲ್ಲಿ ಹರಿಯುತ್ತಿದೆ. ಈ ಪ್ರವಾಹದ ನಡುವೆ ಸದ್ಯ ಎಲ್ಲರ ಕಣ್ಮನ ಸೆಳೆದದ್ದು ಈ ಅಜ್ಜ ಅಜ್ಜಿ ಫೋಟೋ.

Also Read : ಕಂದ ಜೀವಂತ ಇರುವಾಗಲೇ ಹೂತ ಪಾಪಿಗಳು...! : ಮಗು ಬದುಕಿ ಬಂದ ಕತೆಯೇ ರೋಚಕ...!


ದುರ್ಗಾ ಪೂಜೆಗೆಂದು ಬಂದಿದ್ದ ಈ ಅಜ್ಜ ಅಜ್ಜಿ ಒಬ್ಬರಿಗೊಬ್ಬರು ಬಲವಾಗಿ, ಹೆಜ್ಜೆಗೆ ಹೆಜ್ಜೆಯಾಗಿ ನಡೆಯುತ್ತಿದ್ದರು. ಸೆಲ್ಫಿ ಮೂಲಕ ಬದುಕಿನ ಸುಂದರ ಕ್ಷಣಗಳನ್ನು ತಮ್ಮ ಮೊಬೈಲ್ ಫೋನಿನಲ್ಲೂ ಸೆರೆ ಹಿಡಿಯುತ್ತಿದ್ದರು.

Also Read : ಈ ಹಂಸಕ್ಕೆ ಪ್ಲಾಸ್ಟಿಕ್ ಕಂಡರೆ ಆಗುವುದಿಲ್ಲ...! : ಇಂಟರ್ನೆಟ್‌ನಲ್ಲಿ `ರಾಜ'ನಾದ ಹಂಸ... : ಇಲ್ಲಿದೆ ವಿಡಿಯೋ

ಇಡೀ ದುರ್ಗಾ ಪೂಜೆ ಪೆಂಡಾಲ್‌ನಲ್ಲಿ ದೇವರ ಬಳಿಕ ಇವರೇ ಸೆಂಟರ್ ಆಫ್ ಅಟ್ರ್ಯಾಕ್ಷನ್ ಆಗಿದ್ದರು. ಯಾಕೆಂದರೆ, ಈ ವೃದ್ಧ ದಂಪತಿಯದ್ದೂ ದೇವರಂತಹ ಪ್ರೀತಿ.

Also Read : ಇದು ಒಸಾಮಾ ಬಿನ್ ಲಾಡೆನ್ ಫೋಟೋ ಅಲ್ಲ...! ಮತ್ತೇನು ಗೊತ್ತಾ...?

ನೋಡಿದ ತಕ್ಷಣ ಸೆಳೆಯುವ ಫೋಟೋ ಇದು. `ನನಗೆ ನೀನು, ನಿನಗೆ ನಾನು' ಎಂಬಂತೆ ಖುಷಿಯಿಂದ ಹೆಜ್ಜೆ ಇಡುವ ಪರಿ ಇದು. ಖಂಡಿತಾ ಈ ಖುಷಿ, ಬಾಂಧವ್ಯ, ಪ್ರೀತಿಯನ್ನು ಪದದಲ್ಲಿ ಕಟ್ಟಿಕೊಡಲು ಸಾಧ್ಯವೇ ಇಲ್ಲ. ಪದವೇ ಇಲ್ಲದೆ ಹೃದಯಕ್ಕೆ ತಟ್ಟುವ ಎಲ್ಲಾ ತಾಕತ್ತು ಈ ಫೋಟೋಗಳಿಗಿವೆ. ಇದೇ ಕಾರಣಕ್ಕೆ ಈ ಅಜ್ಜ ಅಜ್ಜಿ ಈಗ ಸಾಮಾಜಿಕ ಜಾಲತಾಣದಲ್ಲಿ ಹೀರೋ ಹಿರೋಯಿನ್ ಆಗಿದ್ದಾರೆ.