True Love : ಬೆಡ್‌ನಲ್ಲಿ ಪರಸ್ಪರ ಲವ್ ಸಾಂಗ್ ಹಾಡಿದ ವೃದ್ಧ ದಂಪತಿ : ಇದು ಹೃದಯಸ್ಪರ್ಶಿ ವಿಡಿಯೋ

ಪ್ರೀತಿ ಎಂಬುದು ಅಪೂರ್ವ ಆಸ್ತಿ. ಯಾರೂ ಪ್ರೀತಿಯನ್ನು ಕಳೆದುಕೊಳ್ಳಲು ಇಷ್ಟಪಡುವುದಿಲ್ಲ. ಈ ಪ್ರೀತಿಯೇ ಸುಂದರ ದಾಂಪತ್ಯಕ್ಕೆ ಬುನಾದಿ. ಪರಸ್ಪರ ಪ್ರೀತಿಯಿಂದ ಹೆಜ್ಜೆ ಇಟ್ಟರೆ ದಾಂಪತ್ಯ ಎಂಬುದು ಸುಖದ ಹಾದಿಯಾಗಿರುತ್ತದೆ. ಆದರೆ, ಕೆಲವೊಮ್ಮೆ ಕ್ಷಣಿಕ ಕೋಪ, ಅನುಮಾನವೆಂಬ ಭೂತ ಇಡೀ ದಾಂಪತ್ಯದ ಮಹಲನ್ನೇ ಕುಟ್ಟಿ ಕೆಡವಿ ಬಿಡುತ್ತದೆ. ಕಾರಣವೇ ಅಲ್ಲದ ಕಾರಣಕ್ಕೆ ದಂಪತಿ ಪರಸ್ಪರ ದೂರವಾಗುತ್ತಾರೆ. ಆದರೆ, ಹೀಗೆ ಕ್ಷಣಿಕ ಕೋಪಕ್ಕೆ ದಾಂಪತ್ಯಕ್ಕೆ ತೀಲಾಂಜಲಿ ಇಡುವವರು ಈ ವಿಡಿಯೋವನ್ನು ನೋಡಬೇಕು. ದಾಂಪತ್ಯವೆಂಬುದು ಎಷ್ಟು ಸುಂದರ ಎಂಬುದಕ್ಕೆ ಸಾಕ್ಷಿ ಈ ವೃದ್ಧ ದಂಪತಿಗಳು ಅಪೂರ್ವ ಪ್ರೀತಿ. ಈ ಪ್ರೀತಿ ನೋಡಿದರೆ ಖಂಡಿತಾ ಕಣ್ಣಾಲಿಗಳು ತುಂಬಿ ಬರುತ್ತವೆ.

Also Read : ರೈಲು ಬರುತ್ತಿದ್ದಾಗಲೇ ಹಳಿಯಲ್ಲಿ ಸಿಕ್ಕಾಕಿಕೊಂಡ ವ್ಹೀಲ್‌ಚೇರ್! : ಸಿನೆಮಾಕ್ಕಿಂತ ಭಿನ್ನವಾಗಿಲ್ಲ ಈ ದೃಶ್ಯ!

ಕೊರೊನಾ ವೈರಸ್ ಅಬ್ಬರಿಸುತ್ತಿದ್ದ ಸಂದರ್ಭದಲ್ಲಿ ಅನೇಕ ವೃದ್ಧ ದಂಪತಿಯ ಪ್ರೀತಿಯ ಅಪೂರ್ವ ವಿಡಿಯೋಗಳು ವೈರಲ್ ಆಗಿತ್ತು. ಆಸ್ಪತ್ರೆಯ ಬೆಡ್‌ನಲ್ಲಿ ಜೋಡಿಯೊಂದು ಪರಸ್ಪರ ಕೈ ಕೈ ಹಿಡಿದು ಬದುಕಿಗೆ ವಿದಾಯ ಹೇಳಿದ ವಿಡಿಯೋ ಕೂಡಾ ಹಲವರ ಕಣ್ಣುಗಳನ್ನು ಹನಿಗೂಡಿಸಿತ್ತು. ಇದೀಗ ಇಂತಹದ್ದೇ ಇನ್ನೊಂದು ವಿಡಿಯೋ ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗುತ್ತಿದೆ. ಈ ವಿಡಿಯೋ ಅದೆಷ್ಟೋ ಪ್ರೀತಿ ಜೋಡಿಗೆ, ದಂಪತಿಗೆ ಸ್ಫೂರ್ತಿಯಾಗಿದೆ.

Also Read : ಕ್ಯಾಮೆರಾ ಭಯ : ಕದ್ದ ಸ್ಯಾನಿಟೈಸರ್ ಮತ್ತೆ ಬಾಟಲಿಗೆ ತುಂಬಿದ ಭೂಪ...!

ಅಮೆರಿಕಾದ ಪತ್ರಕರ್ತರಾದ ಕಾರಾ ಸ್ವಿಶರ್ ಇತ್ತೀಚೆಗೆ ಅಪೂರ್ವ ವಿಡಿಯೋವೊಂದನ್ನು ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಕರೆನ್ ಎಂಬವರು ಚಿತ್ರೀಕರಿಸಿರುವ ದೃಶ್ಯವಿದು. ಈ ಕ್ಲಿಪ್‌ನಲ್ಲಿ ವೃದ್ಧ ದಂಪತಿ ಆಸ್ಪತ್ರೆಯ ಬೆಡ್‌ನಲ್ಲಿ ಪರಸ್ಪರ ತಮಗಾಗಿ ಪ್ರೀತಿಯ ಹಾಡು ಹೇಳುವ ಅಪೂರ್ವ ದೃಶ್ಯವಿದೆ. ಇವರು ಕರೆನ್ ಅವರ ಹೆತ್ತವರು. ಹೆಸರು ಫ್ರಾನ್ನಿ ಮತ್ತು ಎಡ್ಡಿ. ಇವರಿಬ್ಬರಿಗೂ 90ಕ್ಕೂ ಹೆಚ್ಚು ವಯಸ್ಸಾಗಿದೆ. 73 ವರ್ಷಗಳ ಸುಖದಾಂಪತ್ಯ ನಡೆಸಿದ ಜೋಡಿ ಇದು. ಕರೆನ್ ಮಾರ್ಚ್‌ನಿಂದ ಹೆತ್ತವರೊಂದಿಗೇ ಇದ್ದಾರೆ. ಇವರು ತಮ್ಮ ಹೆತ್ತವರ ಅಪೂರ್ವ ಕ್ಷಣದ ವಿಡಿಯೋವನ್ನು ಸೆರೆ ಹಿಡಿದಿದ್ದಾರೆ. ಇದನ್ನು ಕಾರಾ ಸ್ವಿಶರ್ ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.

ಇಲ್ಲಿದೆ ವೈರಲ್ ವಿಡಿಯೋ :

Also Read : ಬಾಲಿವುಡ್ ಹಾಡಿಗೆ 93ರ ಅಜ್ಜಿಯ ಸ್ಟೆಪ್ಸ್‌ : ಉತ್ಸಾಹಕ್ಕೆ ಬೆರಗಾಗಲೇಬೇಕು...!

ಇಂತಹ ಅಪೂರ್ವ ದೃಶ್ಯ ವೈರಲ್ ಆಗದೇ ಇರಲು ಸಾಧ್ಯನಾ...? ಎಲ್ಲರೂ ಈ ದಂಪತಿಯ ಪ್ರೀತಿಗೆ ಮನಸೋತಿದ್ದಾರೆ. ಅಲ್ಲದೆ, ಈ ವಿಡಿಯೋವನ್ನು ಮೆಚ್ಚಿ ಪ್ರತಿಕ್ರಿಯೆ ನೀಡಿದ್ದಾರೆ.