ತಾಳಿ ಕಟ್ಟುವ ವೇಳೆ ಎದ್ದು ಹೋದ ವಧು! : ಯುವತಿ ಕೊಟ್ಟ ಶಾಕ್ಗೆ ವರ ತಬ್ಬಿಬ್ಬು!
ಸದ್ಯ ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ. ಆದರೆ, ಒಂದು ಕ್ಷಣ ಎಲ್ಲರ ಮೊಗದಲ್ಲೂ ಆತಂಕ ಮೂಡಿಸಿದ್ದ ವಧು ಬಳಿಕ ಎಲ್ಲರಲ್ಲೂ ನಗುವರಳಿಸಿದ್ದರು... ಈಕೆಯ ತಮಾಷೆಗೆ ವರ ಮಾತ್ರ ಫುಲ್ ತಬ್ಬಿಬ್ಬಾಗಿ ಹೋಗಿದ್ದರು...!
Vijaya Karnataka Web 22 Sep 2021, 6:13 pm
ಹೈಲೈಟ್ಸ್:
- ತಾಳಿ ಕಟ್ಟುವ ವೇಳೆ ಎದ್ದು ನಡೆದ ವಧು
- ವಧುವಿನ ಈ ನಡೆ ಹಿಂದಿದೆ ಬೇರೆಯದ್ದೇ ಟ್ವಿಸ್ಟ್
- ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ ದೃಶ್ಯ
ವಿವಾಹ ಎಂದರೆ ತಮಾಷೆ, ನಗು, ಕಾಲೆಳೆಯುವ ಫ್ರೆಂಡ್ಸ್ಗಳ ಕೀಟಲೆ ಇದ್ದದ್ದೇ... ಇವೆಲ್ಲಾ ಮದುವೆಯ ದಿನದ ಸಂಭ್ರಮಕ್ಕೆ ಇನ್ನಷ್ಟು ಮೆರಗು ನೀಡುತ್ತದೆ. ಇಂತಹ ಸಾಕಷ್ಟು ಖುಷಿಯ ಕ್ಷಣದ ದೃಶ್ಯಗಳನ್ನು ನೀವು ಕೂಡಾ ಸೋಶಿಯಲ್ ಮೀಡಿಯಾದಲ್ಲಿ ಹಲವು ಸಲ ನೋಡಿರಬಹುದು. ಆದರೆ, ಇಂತಹ ದೃಶ್ಯಗಳನ್ನು ಎಷ್ಟು ನೋಡಿದರೂ ಖಂಡಿತಾ ಮನಸ್ಸು ತಣಿಯದು. ಇದೀಗ, ಇಂತಹದ್ದೇ ತಮಾಷೆಯ ದೃಶ್ಯದ ಸಾಲಿಗೆ ಈಗ ಇನ್ನೊಂದು ಸೇರ್ಪಡೆಯಾಗಿದೆ. ಸಾಮಾನ್ಯವಾಗಿ ವಧು ವರರಿಗೆ ಸ್ನೇಹಿತರು ಕಿಚಾಯಿಸುತ್ತಾರೆ, ಕಾಲೆಳೆದು ತಮಾಷೆ ಮಾಡುತ್ತಾರೆ. ಆದರೆ, ಇಲ್ಲಿ ಆದದ್ದೇ ಬೇರೆ. ಸ್ವತಃ ವಧುವೇ ತನ್ನ ಬಾಳಸಂಗಾತಿಯೊಂದಿಗೆ `ತಮಾಷೆ' ಮಾಡಲು ಇಲ್ಲಿ ಹೊರಟಿದ್ದರು...! ಹೀಗಾಗಿ, ಈ ಯುವತಿ ಅಲ್ಲಿದ್ದವರಿಗೆ ಭರ್ಜರಿಯಾಗಿಯೇ ಶಾಕ್ ಕೊಟ್ಟಿದ್ದರು...!
ವಿವಾಹ ಮಂಟಪದಲ್ಲಿ ವರ ಮಂಗಳಸೂತ್ರ ಕಟ್ಟಲು ಎದ್ದು ನಿಲ್ಲುವ ದೃಶ್ಯದ ಮೂಲಕ ಈ ಕ್ಲಿಪ್ ಶುರುವಾಗುತ್ತದೆ. ಹೀಗೆ ವರ ತಾಳಿ ಕಟ್ಟಲು ಸಿದ್ಧವಾಗುತ್ತಿದ್ದಂತೆಯೇ ವಧು `ತನಗೆ ಈ ಮದುವೆಯೇ ಬೇಡ' ಎಂಬಂತೆ ಕೋಪದಿಂದ ಎದ್ದು ಹೋಗುತ್ತಾರೆ. ಇದನ್ನು ಕಂಡು ವರ ಸೇರಿದಂತೆ ಅಲ್ಲಿದ್ದವರು ಫುಲ್ ಶಾಕ್...! ಒಂದಷ್ಟು ಹೊತ್ತು ಅಲ್ಲೇನಾಗುತ್ತಿದೆ ಎಂಬುದೇ ಅಲ್ಲಿದ್ದವರಿಗೆ ಗೊತ್ತಾಗಿರಲಿಲ್ಲ. ಈ ದೃಶ್ಯ ಕಂಡು ಯಾರಾದರೂ ಆತಂಕಗೊಳ್ಳಬೇಕು. ಆದರೆ, ಒಂದಷ್ಟು ದೂರ ಹೋದ ವಧು ತಟ್ಟನೆ ನಿಂತು ಜೋರಾಗಿ ನಗುತ್ತಾರೆ. ಆಗಲೂ ಕೆಲವರು ಕನ್ಫ್ಯೂಷನ್ನಲ್ಲೇ ಇದ್ದರು. ಹೀಗೆ ನಿಂತ ವಧು ನಗುತ್ತಲೇ ಮತ್ತೆ ವಿವಾಹ ಮಂಟಪಕ್ಕೆ ಹೋಗಿ ಕುಳಿತಿದ್ದರು. ಆದರೆ, ಇವರು ನೀಡಿದ್ದ ಶಾಕ್ ಅಲ್ಲಿದ್ದವರಿಗೆ `ಭಯಾನಕ' ಅನುಭವವನ್ನೇ ತಂದಿತ್ತು.
ಸಹಜವಾಗಿಯೇ ಈ ವಿಡಿಯೋ ಈಗ ಎಲ್ಲರ ಗಮನ ಸೆಳೆದಿದೆ. ವಧುವಿನ ತಮಾಷೆ ಹಲವರ ಮೊಗದಲ್ಲಿ ನಗುವರಳಿಸಿದೆ. ಜತೆಗೆ, ನೆಟ್ಟಿಗರು ಕೂಡಾ ಬಲು ತಮಾಷೆಯ ಪ್ರತಿಕ್ರಿಯೆಯನ್ನು ವ್ಯಕ್ತಪಡಿಸುತ್ತಿದ್ದಾರೆ.
ವಿವಾಹ ಮಂಟಪದಲ್ಲಿ ವರ ಮಂಗಳಸೂತ್ರ ಕಟ್ಟಲು ಎದ್ದು ನಿಲ್ಲುವ ದೃಶ್ಯದ ಮೂಲಕ ಈ ಕ್ಲಿಪ್ ಶುರುವಾಗುತ್ತದೆ. ಹೀಗೆ ವರ ತಾಳಿ ಕಟ್ಟಲು ಸಿದ್ಧವಾಗುತ್ತಿದ್ದಂತೆಯೇ ವಧು `ತನಗೆ ಈ ಮದುವೆಯೇ ಬೇಡ' ಎಂಬಂತೆ ಕೋಪದಿಂದ ಎದ್ದು ಹೋಗುತ್ತಾರೆ. ಇದನ್ನು ಕಂಡು ವರ ಸೇರಿದಂತೆ ಅಲ್ಲಿದ್ದವರು ಫುಲ್ ಶಾಕ್...! ಒಂದಷ್ಟು ಹೊತ್ತು ಅಲ್ಲೇನಾಗುತ್ತಿದೆ ಎಂಬುದೇ ಅಲ್ಲಿದ್ದವರಿಗೆ ಗೊತ್ತಾಗಿರಲಿಲ್ಲ. ಈ ದೃಶ್ಯ ಕಂಡು ಯಾರಾದರೂ ಆತಂಕಗೊಳ್ಳಬೇಕು. ಆದರೆ, ಒಂದಷ್ಟು ದೂರ ಹೋದ ವಧು ತಟ್ಟನೆ ನಿಂತು ಜೋರಾಗಿ ನಗುತ್ತಾರೆ. ಆಗಲೂ ಕೆಲವರು ಕನ್ಫ್ಯೂಷನ್ನಲ್ಲೇ ಇದ್ದರು. ಹೀಗೆ ನಿಂತ ವಧು ನಗುತ್ತಲೇ ಮತ್ತೆ ವಿವಾಹ ಮಂಟಪಕ್ಕೆ ಹೋಗಿ ಕುಳಿತಿದ್ದರು. ಆದರೆ, ಇವರು ನೀಡಿದ್ದ ಶಾಕ್ ಅಲ್ಲಿದ್ದವರಿಗೆ `ಭಯಾನಕ' ಅನುಭವವನ್ನೇ ತಂದಿತ್ತು.
ಸಹಜವಾಗಿಯೇ ಈ ವಿಡಿಯೋ ಈಗ ಎಲ್ಲರ ಗಮನ ಸೆಳೆದಿದೆ. ವಧುವಿನ ತಮಾಷೆ ಹಲವರ ಮೊಗದಲ್ಲಿ ನಗುವರಳಿಸಿದೆ. ಜತೆಗೆ, ನೆಟ್ಟಿಗರು ಕೂಡಾ ಬಲು ತಮಾಷೆಯ ಪ್ರತಿಕ್ರಿಯೆಯನ್ನು ವ್ಯಕ್ತಪಡಿಸುತ್ತಿದ್ದಾರೆ.