Eid Mubarak Quotes : ಇಲ್ಲಿವೆ ಪವಿತ್ರ ರಂಜಾನ್ ಹಬ್ಬದ ಶುಭಾಶಯದ ಸಂದೇಶಗಳು

ರಂಜಾನ್... ಇದು ವಿಶ್ವದಾದ್ಯಂತ ಇಸ್ಲಾಂ ಧರ್ಮೀಯರು ಖುಷಿಯಿಂದ ಆಚರಿಸುವ ಹಬ್ಬ. ಕಠಿಣ ಉಪವಾಸದ ಮೂಲಕ ಎಲ್ಲರೂ ರಂಜಾನ್ ಮಾಸವನ್ನು ಬಹಳ ಶೃದ್ಧಾ ಭಕ್ತಿಯಿಂದ ಆಚರಿಸುತ್ತಾರೆ. ರಂಜಾನ್ ಮಾಸ ಮುಗಿಯುವ ತನಕ ಉಪವಾಸ ಇರುವುದು ಇಸ್ಲಾಂ ಧರ್ಮದ ಮುಖ್ಯ ಆಚರಣೆಗಳಲ್ಲಿ ಒಂದಾಗಿದೆ. ಈ ಪವಿತ್ರ ಮಾಸದಲ್ಲಿ ಸೂರ್ಯೋದಯದಿಂದ ಸೂರ್ಯಾಸ್ತದವರೆಗೆ ಇವರು ಏನನ್ನೂ ಕುಡಿಯುವುದಿಲ್ಲ ಮತ್ತು ಏನನ್ನೂ ತಿನ್ನುವುದಿಲ್ಲ.

ಪ್ರಪಂಚದಾದ್ಯಂತ ಈ ಹಬ್ಬವನ್ನು ಆಚರಿಸಲಾಗುತ್ತದೆ. ಅಲ್ಲಾಹ್ ಎಲ್ಲರಿಗೂ ಕರುಣಿಸಿದ ದಯೆಗೆ ಕೃತಜ್ಞತೆ ಸಲ್ಲಿಸುವ ಸಲುವಾಗಿ ಈ ಹಬ್ಬವನ್ನು ಆಚರಿಸಲಾಗುತ್ತದೆ. ರಂಜಾನ್ ಹಬ್ಬದ ಮೂಲಕ ಕಠಿಣ ಉಪವಾಸವೂ ಕೊನೆಗೊಳ್ಳುತ್ತದೆ.

ರಂಜಾನ್ ಹಬ್ಬದ ದಿನ ಮನೆ ಮಂದಿಯೆಲ್ಲಾ ಸೇರಿ ನಮಾಜ್ ಮಾಡಿ ಪರಸ್ಪರ ಶುಭಾಶಯ ವಿನಿಮಯ ಮಾಡಿಕೊಳ್ಳುತ್ತಾರೆ. ಹಬ್ಬದ ವಿಶೇಷ ಖಾದ್ಯವನ್ನು ಸವಿದು ಖುಷಿ ಅನುಭವಿಸುತ್ತಾರೆ. ಜೊತೆಗೆ, ಬಡವರಿಗೆ, ನಿರ್ಗತಿಕರಿಗೆ ಊಟ, ಹೊಸ ಬಟ್ಟೆ ಕೊಡುವುದು ಸೇರಿದಂತೆ ಹಲವು ದಾನ ಧರ್ಮಗಳನ್ನು ಮಾಡುವುದು ಕೂಡಾ ಈ ದಿನದ ವಿಶೇಷ ಆಚರಣೆಗಳಲ್ಲಿ ಒಂದಾಗಿದೆ. ಇಂತಹ ಶುಭ ಸಂದರ್ಭದಲ್ಲಿ ನಿಮ್ಮ ಪ್ರೀತಿಪಾತ್ರರಿಗೆ ಕಳುಹಿಸಿಕೊಡುವಂತಹ ಕೆಲ ಶುಭಾಶಯದ ಸಂದೇಶಗಳು ಇಲ್ಲಿವೆ.


ರಂಜಾನ್ ಹಬ್ಬದ ಶುಭ ಸಂದೇಶಗಳು

* ಕರುಣಾಮಯಿ ಅಲ್ಲಾಹ್ ನಿಮ್ಮನ್ನು ಆಶೀರ್ವದಿಸಲಿ, ನಿಮ್ಮೆಲ್ಲಾ ಕಷ್ಟಗಳನ್ನು ಪರಿಹರಿಸಲಿ, ಸದಾ ಸುಖಮಯ ಜೀವನ ನಿಮ್ಮದಾಗಲಿ. ನಿಮಗೆ ಹಾಗೂ ನಿಮ್ಮ ಕುಟುಂಬಕ್ಕೆ ರಂಜಾನ್ ಹಬ್ಬದ ಶುಭಾಶಯಗಳು

* ಈ ಪವಿತ್ರ ರಂಜಾನ್ ತಿಂಗಳು ಸದಾ ಕಾಲ ನಿಮ್ಮ ಪಾಲಿಗೆ ಖುಷಿ, ನೆಮ್ಮದಿಯ ಆಶೀರ್ವಾದ ತುಂಬಿದ ತಿಂಗಳಾಗಲಿ. ಹ್ಯಾಪಿ ರಂಜಾನ್

* ದೇವರು ನಿಮಗೆ ಶಾಂತಿ, ನೆಮ್ಮದಿ, ಸಂತೋಷ ಮತ್ತು ಸಮೃದ್ಧಿಯ ಆಶೀರ್ವಾದ ನೀಡಿ ಹರಸಲಿ. ಪವಿತ್ರ ರಂಜಾನ್ ಮಾಸ ನಿಮ್ಮ ಮನ ಮನೆಗಳಲ್ಲಿ ಖುಷಿ ನೆಲೆಗೊಳ್ಳುವಂತೆ ಮಾಡಲಿ. ನಿಮಗೆ ಹಾಗೂ ನಿಮ್ಮ ಕುಟುಂಬಕ್ಕೆ ರಂಜಾನ್ ಹಬ್ಬದ ಶುಭಾಶಯಗಳು

* ರಂಜಾನ್ ಆಶೀರ್ವಾದ, ಕ್ಷಮೆ, ಕರುಣೆಯಿಂದ ತುಂಬಿದ ಮತ್ತು ಕಷ್ಟಗಳಿಂದ ಮುಕ್ತವಾಗುವಂತಹ ಪವಿತ್ರ ತಿಂಗಳು. ಈ ಪವಿತ್ರ ತಿಂಗಳಿನಲ್ಲಿ ದೇವರ ಪ್ರಾರ್ಥನೆ ಮಾಡಿ, ಒಳ್ಳೆಯ ಕಾರ್ಯಗಳನ್ನು ಸದಾ ಮುಂದುವರಿಸಿ. ನನ್ನ ಎಲ್ಲಾ ಪ್ರೀತಿಯ ಸ್ನೇಹಿತರಿಗೆ ರಂಜಾನ್ ಹಬ್ಬದ ಶುಭಾಶಯಗಳು.

* ವರ್ಷದ ಆ ಖುಷಿ ಸಮಯ ಬಂದಿದೆ. ಈ ರಂಜಾನ್ ಹಬ್ಬದಲ್ಲಿ ನಾವೆಲ್ಲರೂ ಒಂದಾಗಿ ಬದುಕಿನಲ್ಲಿ ನೆಮ್ಮದಿ ಕಂಡುಕೊಳ್ಳೋಣ. ಹ್ಯಾಪಿ ರಂಜಾನ್

* ಪರಮ ದಯಾಳುವೂ, ಕರುಣಾಳುವೂ ಆಗಿರುವ ಅಲ್ಲಾಹ್ ಅವರ ಕೃಪೆ ಸದಾ ಕಾಲ ನಿಮ್ಮ ಹಾಗೂ ನಿಮ್ಮ ಕುಟುಂಬದ ಮೇಲಿರಲಿ. ರಂಜಾನ್ ಹಬ್ಬದ ಶುಭಾಶಯಗಳು

* ನಿಮ್ಮೆಲ್ಲಾ ಕಷ್ಟಗಳನ್ನು ಕರುಣಾಳು ಅಲ್ಲಾಹ್ ದೂರ ಮಾಡಲಿ, ನಿಮ್ಮೆಲ್ಲಾ ಪ್ರಾರ್ಥನೆಯನ್ನು ದೇವರು ಅಲಿಸಲಿ. ಸದಾ ಕಾಲ ನಿಮ್ಮ ಮನ ಮನೆಗಳಲ್ಲಿ ಇನ್ನಷ್ಟು ಖುಷಿಯನ್ನು ತುಂಬುವ, ಸಮಾಧಾನ ನೆಲೆಗೊಳ್ಳುವ ದಾರಿಯನ್ನು ದೇವರು ನಿಮಗೆ ಕರುಣಿಸಲಿ. ರಂಜಾನ್ ಹಬ್ಬದ ಶುಭಾಶಯಗಳು

* ಅಲ್ಲಾಹ್‌ ನಿಮಗೆ ಆರೋಗ್ಯ, ಸಮೃದ್ಧಿ, ಆಯುಷ್ಯ, ಸಂಪತ್ಭರಿತ ಜೀವನ ಕೊಟ್ಟು ಸದಾ ಕಾಲ ಕಾಪಾಡಲಿ. ನಿಮಗೆ ಹಾಗೂ ನಿಮ್ಮ ಕುಟುಂಬಕ್ಕೆ ರಂಜಾನ್ ಹಬ್ಬದ ಶುಭಾಶಯಗಳು