Ugadi 2021 Wishes : ಎಲ್ಲರಿಗೂ ಶುಭವ ತರಲಿ ಯುಗಾದಿ : ಇಲ್ಲಿವೆ ಹಬ್ಬದ ಶುಭ ಸಂದೇಶಗಳು

ಯುಗಾದಿ... ಈ ಹೆಸರಿನಲ್ಲೇ ಸೆಳೆತವಿದೆ. ಸಂಭ್ರಮವಿದೆ. ಯುಗಾದಿ ಬರೀ ಹಬ್ಬವಲ್ಲ, ಜೀವನ ಪಾಠ. ಹಿಂದೂ ಪಂಚಾಂಗದ ಪ್ರಕಾರ ಯುಗಾದಿ ಹೊಸ ವರ್ಷದ ಆರಂಭ. ಸದ್ಯ ಶಾರ್ವರಿ ಸಂವತ್ಸರ ಮುಗಿದು ಪ್ಲವ ನಾಮ ಸಂವತ್ಸರ ಆರಂಭವಾಗುತ್ತಿದೆ. ಯುಗಾದಿ ಬರೀ ಹೊಸ ವರ್ಷದ ಆರಂಭವಲ್ಲ, ಹೊಸ ಚೈತನ್ಯದ, ಸಮೃದ್ಧಿಯ ಸಂಕೇತ. ಜೊತೆಗೆ, ಜೀವನದ ಸ್ಫೂರ್ತಿಯೂ ಹೌದು.

ಬದುಕು ಎಂದ ಮೇಲೆ ಸಿಹಿ, ಕಹಿಗಳು ಸಾಮಾನ್ಯ. ಬೇವು, ಬೆಲ್ಲದ ಸಮ್ಮಿಳಿತವೇ ನಮ್ಮ ಜೀವನ. ಹೀಗಾಗಿ, ಸಿಹಿಗೆ ಹಿಗ್ಗದೆ, ಕಹಿಗೆ ಜಗ್ಗದೇ ಎಲ್ಲವನ್ನೂ ಸಮಾನವಾಗಿ ಸ್ವೀಕರಿಸಿ ಜೀವನ ನಡೆಸಬೇಕಾಗುತ್ತದೆ. ಆಗಲೇ ಬದುಕಿಗೊಂದು ಅರ್ಥ ಸಿಗುವುದು. ಇದೇ ಯುಗಾದಿ ಹಬ್ಬದ ಸಂದೇಶ. ಈ ಜೀವನ ಮೌಲ್ಯವನ್ನು ಅತ್ಯಂತ ಸೂಚ್ಯವಾಗಿ ಯುಗಾದಿ ಹಬ್ಬದ ಮೂಲಕ ಹಿರಿಯರು ನಮಗೆ ಕಟ್ಟಿಕೊಟ್ಟಿದ್ದಾರೆ. ಹಿರಿಯರು ಹಾಕಿ ಕೊಟ್ಟ ಒಳ್ಳೆಯ ಹಾದಿಯಲ್ಲಿ ಸಾಗೋಣ. ಪ್ರಾಮಾಣಿಕ ಜೀವನದ ಮೂಲಕ ಬದುಕಿನ ಸಿಹಿ ಅನುಭವಿಸೋಣ...

ಉಲ್ಲಾಸದಾಯಕ ಯುಗಾದಿ ಹಬ್ಬದ ಸಂದರ್ಭದಲ್ಲಿ ನಿಮ್ಮ ಇಷ್ಟಪಾತ್ರರಿಗೆ ಕಳುಹಿಸಿಕೊಡುವಂತಹ ಕೆಲ ಶುಭಾಶಯದ ಸಂದೇಶಗಳು ಇಲ್ಲಿವೆ.

ಯುಗಾದಿ ಹಬ್ಬದ ಶುಭಾಶಯಗಳು

* ಬದುಕಿನ ಮಾರ್ಗಗಳನ್ನು ಬಲು ಎಚ್ಚರಿಕೆಯಿಂದ ಆಯ್ಕೆ ಮಾಡಿಕೊಳ್ಳುವ ಶಕ್ತಿ, ಧೈರ್ಯ, ಮನೋಬಲವನ್ನು ದೇವರು ಕರುಣಿಸಲಿ. ನಿಮ್ಮೆಲ್ಲಾ ಕಷ್ಟಗಳು ದೂರವಾಗಲಿ. ಎಲ್ಲರಿಗೂ ಹೊಸ ಸಂವತ್ಸರದ ಹಾರ್ದಿಕ ಶುಭಾಶಯಗಳು.

* ಬದುಕಿನಲ್ಲಿ ಸಿಹಿ ಇದ್ದಾಗ ಹಿಗ್ಗಬೇಡಿ, ಕಹಿ ಎದುರಾದರೆ ಕುಗ್ಗಬೇಡಿ. ಬೇವು ಬೆಲ್ಲಗಳ ಸಮ್ಮಿಳಿತವೇ ಜೀವನ. ಹೀಗಾಗಿ, ಸುಖ, ಕಷ್ಟಗಳನ್ನು ಸಮಾನವಾಗಿ ಸ್ವೀಕರಿಸಿ, ಬದುಕಿನ ಖುಷಿ ಅನುಭವಿಸಿ. ಎಲ್ಲರಿಗೂ ಶುಭವ ತರಲಿ ಪ್ಲವ ನಾಮ ಸಂವತ್ಸರ

* ನಿಮ್ಮ ಸಕಲ ಇಷ್ಟಾರ್ಥಗಳು ಈಡೇರಲಿ. ಈ ವರ್ಷ ತೃಪ್ತಿಕರವಾಗಿರಲಿ, ಆರೋಗ್ಯಪೂರ್ಣವಾಗಿರಲಿ, ಎಲ್ಲರಿಗೂ ಶುಭವ ತರಲಿ ಯುಗಾದಿ. ಹ್ಯಾಪಿ ಯುಗಾದಿ

* ಬದುಕಿನ ಕಷ್ಟಗಳೆಲ್ಲಾ ಕರಗಲಿ, ಜೀವನದಲ್ಲಿ ಸದಾ ಸಿಹಿಯೇ ತುಂಬಿರಲಿ. ಎಲ್ಲರಿಗೂ ಪ್ಲವ ನಾಮ ಸಂವತ್ಸರದ ಹಾರ್ದಿಕ ಶುಭಾಶಯಗಳು

* ನಿಮ್ಮೆಲ್ಲರ ಸಾಧನೆಯ ಸುಂದರ ಕನಸುಗಳನ್ನು ಈಡೇರಿಸಿಕೊಳ್ಳಲು ಬೇಕಾದ ಅಪಾರ ಶಕ್ತಿ ಮತ್ತು ಮನೋಬಲವನ್ನು ಈ ಹೊಸ ವರ್ಷದಲ್ಲಿ ದೇವರು ಕರುಣಿಸಲಿ ಎಂದು ನಾನು ಪ್ರಾರ್ಥಿಸುತ್ತೇನೆ. ನಿಮಗೂ ನಿಮ್ಮ ಕುಟುಂಬಕ್ಕೂ ಯುಗಾದಿ ಹಬ್ಬದ ಹಾರ್ದಿಕ ಶುಭಾಶಯಗಳು

* ನಿಮ್ಮ ಕೋರಿಕೆಗೆಲ್ಲಾ ಭಗವಂತ ಅಸ್ತು ಎನ್ನಲ್ಲಿ, ಸಾಧನೆಯ ಹಾದಿಗಿದ್ದ ಅಡೆತಡೆಗಳೆಲ್ಲಾ ನಿವಾರಣೆಯಾಗಲಿ. ಬದುಕು ಖುಷಿಯಿಂದ ತುಂಬಿರಲಿ. ಎಲ್ಲರಿಗೂ ಯುಗಾದಿ ಹಬ್ಬದ ಶುಭಾಶಯಗಳು

* ಉತ್ಸಾಹ, ವಿಶ್ವಾಸದೊಂದಿಗೆ ಹೊಸ ಸಂವತ್ಸರವನ್ನು ಸ್ವಾಗತಿಸೋಣ. ಶಾಂತಿ, ನೆಮ್ಮದಿ, ಸಂತಸ, ಸಮೃದ್ಧಿಯ ನಿರೀಕ್ಷೆಯಲ್ಲಿ ಪ್ರಾಮಾಣಿಕವಾಗಿ ಬದುಕೋಣ. ಸರ್ವರಿಗೂ ಯುಗಾದಿ ಹಬ್ಬದ ಶುಭಾಶಯಗಳು

* ಭೂತಕಾಲದ ನೋವನ್ನು ಮರೆಯೋಣ, ವರ್ತಮಾನದ ಖುಷಿಯನ್ನು ಆನಂದಿಸೋಣ... ಸಂತೋಷ, ಯಶಸ್ಸು, ಸಮೃದ್ಧಿಯ ನಿರೀಕ್ಷೆಯೊಂದಿಗೆ ಹೊಸ ವರ್ಷವನ್ನು ಸ್ವಾಗತಿಸೋಣ. ಸರ್ವರಿಗೂ ಮಂಗಳಕರವಾಗಿರಲಿ ಪ್ಲವ ನಾಮ ಸಂವತ್ಸರ.