ದರೋಡೆಗೆ ಬಂದವನೇ ಹೆದರಿ ಓಡಿದ್ದ...! ಯಾಕೆ ಗೊತ್ತಾ...? : ಇಲ್ಲಿದೆ ವಿಡಿಯೋ

ಆತ ದರೋಡೆಗೆ ಹೊಂಚು ಹಾಕಿದ್ದ. ಇದಕ್ಕಾಗಿ ಸಖತ್ ಆಗಿಯೇ ಸಿದ್ಧತೆಯನ್ನೂ ಮಾಡಿಕೊಂಡಿದ್ದ. ತನ್ನ ಗುರುತು ಸಿಗದಂತೆ ಮುಖವನ್ನೂ ಬಟ್ಟೆಯಿಂದ ಮುಚ್ಚಿಕೊಂಡಿದ್ದ... ಇನ್ನೇನು...? ಇಷ್ಟೆಲ್ಲಾ ತಯಾರಿ ಮಾಡಿದ ಮೇಲೆ ಫೀಲ್ಡಿಗೆ ಇಳಿಯುವುದೇ ಎಂದು ಈತ ಅದೊಂದು ಹೊಟೇಲ್‌ಗೆ ನುಗ್ಗಿದ್ದ. ಆದರೆ, ಅಲ್ಲಿ ಹೋದ ಮೇಲೆ ಆತನ ಪ್ಲಾನೇ ಉಲ್ಟಾ ಆಗಿತ್ತು...!


Also Read : ಬಾಲ್ಯದ ಆಟವೇ ಸೊಗಸು...

ಸಿನಿಮೀಯ ಶೈಲಿಯ ಟ್ವಿಸ್ಟ್‌...!

ಕೆಂಟುಕಿಯ ಹೊಟೇಲಿನಲ್ಲಿ ನಡೆದ ಘಟನೆ ಇದು. ಶಸ್ತ್ರಸಜ್ಜಿತ ದರೋಡೆಕೋರನೊಬ್ಬ ಇಲ್ಲಿನ ಹೊಟೇಲಿಗೆ ನುಗ್ಗಿದ್ದ. ಗನ್ ತೋರಿಸಿ ಬೆದರಿಸಿ ಇದ್ದಬದ್ದ ಹಣ, ವಸ್ತುವನ್ನೆಲ್ಲಾ ಸಂಗ್ರಹಿಸಿದ್ದ. ಹೀಗೆ ಕದ್ದ ವಸ್ತುಗಳನ್ನು ತುಂಬಿಸಿಕೊಳ್ಳುವಾಗ ಈ ಘಟನೆಗೆ ಸಿನಿಮೀಯ ಶೈಲಿಯ ಟ್ವಿಸ್ಟ್‌ ಸಿಕ್ಕಿದೆ. ಬಹುಶಃ ಈ ಟ್ವಿಸ್ಟನ್ನು ಈ ಕಳ್ಳನೂ ಊಹಿಸಿರಲಿಕ್ಕಿಲ್ಲ...!

Also Read :ಶವ ಸಂಸ್ಕಾರದ ವೇಳೆ ಬಿದ್ದು ಬಿದ್ದು ನಕ್ಕರು...!

ಹೆದರಿ ಓಡಿದ ಚೋರ...!

ತಾನು ಬಂದ ಕೆಲಸ ಆಯಿತು ಎಂದು ಕಳ್ಳ ಮನಸ್ಸಿನಲ್ಲೇ ಮಂಡಿಗೆ ತಿನ್ನುತ್ತಿದ್ದಾಗ ಸಾಹಸ ತೋರಿದ್ದು, ಇದೇ ಹೊಟೇಲಿನ ರಿಸೆಪ್ಶನಿಸ್ಟ್‌. ಈಕೆ ಕಳ್ಳನಲ್ಲಿದ್ದ ಗನ್‌ನನ್ನು ಕಸಿದು ಆತನಿಗೇ ಗುರಿ ಇಟ್ಟಿದ್ದಳು. ಹೀಗಾಗಿ, ಅಷ್ಟರವರೆಗೆ ಖುಷಿಯಿಂದ ತೇಲಾಡುತ್ತಿದ್ದ ಕಳ್ಳ ಭಯದಲ್ಲಿ ಒಂದೇ ಏಟಿಗೆ ಅಲ್ಲಿಂದ ಕಾಲ್ಕಿತ್ತಿದ್ದ...! ಈ ಅಷ್ಟೂ ದೃಶ್ಯ ಇಲ್ಲಿನ ಸಿಸಿ ಕ್ಯಾಮೆರಾದಲ್ಲಿ ಸೆರೆಯಾಗಿದೆ.

Also Read : ಈ ರೀತಿಯ ಎಟಿಎಂ ದರೋಡೆ ನೀವು ನೋಡಲು ಸಾಧ್ಯವೇ ಇಲ್ಲ...!

ಈ ಕಳ್ಳನನ್ನು ಕೋರಿ ಫಿಲಿಪ್ಸ್ (26) ಎಂದು ಗುರುತಿಸಲಾಗಿದೆ. ಸದ್ಯ ಈತನನ್ನು ಪಡುಕಾ ಪೊಲೀಸರು ಬಂಧಿಸಿದ್ದಾರೆ. ಬಳಿಕ ಘಟನೆಯ ವಿಡಿಯೋವನ್ನು ಪೊಲೀಸರು ತಮ್ಮ ಅಧಿಕೃತ ಫೇಸ್‌ಬುಕ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಸದ್ಯ ಈ ವಿಡಿಯೋ ಸಖತ್ ವೈರಲ್ ಆಗುತ್ತಿದೆ. ಜೊತೆಗೆ, ರಿಸೆಪ್ಶನಿಸ್ಟ್‌ ಸಾಹಸವೂ ಮೆಚ್ಚುಗೆಗೆ ಪಾತ್ರವಾಗಿದೆ.