National Girl Child Day : ಸ್ಫೂರ್ತಿ ತುಂಬಿದ ಸಾಧಕಿಯ ಗುಣಗಾನ

ಇಂದು ರಾಷ್ಟ್ರೀಯ ಹೆಣ್ಣು ಮಕ್ಕಳ ದಿನ. ಎಲ್ಲರೂ ಇಂದು ದೇಶದ ಹೆಮ್ಮೆಯ ಸಾಧಕಿಯರನ್ನು ಕೊಂಡಾಡುತ್ತಿದ್ದಾರೆ. ಎಲ್ಲರಿಗೂ ಸ್ಫೂರ್ತಿ ತುಂಬಿದ ಪ್ರತಿಭಾನ್ವಿತರ ಹೆಜ್ಜೆಯನ್ನು ಪರಿಚಯಿಸುತ್ತಾರೆ. ಹೆಮ್ಮೆಯ ಕತೆಗಳನ್ನು ಜನರಿಗೆ ತಿಳಿಸುತ್ತಿದ್ದಾರೆ. ಇಂತಹ ಅಪೂರ್ವ ಸಂದರ್ಭದಲ್ಲಿ ಭಾರತೀಯ ಅರಣ್ಯ ಸೇವೆಗಳ ಅಧಿಕಾರಿ ಪ್ರವೀಣ್ ಕಸ್ವಾನ್ ಭಾರತದ ಹೆಮ್ಮೆಯ ಸಾಧಕಿಯ ಫೋಟೋವನ್ನು ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಹಂಚಿಕೊಂಡು ಇವರ ಸಾಧನೆಯನ್ನು ಮತ್ತೆ ನೆನಪಿಸಿಕೊಂಡಿದ್ದಾರೆ.

Also Read : ಕರುನಾಡ ಮಕ್ಕಳ ಕಲಿಕಾ ಶೈಲಿಗೆ ಶಹಬ್ಬಾಸ್ ಹೇಳಿದ ನೆಟ್ಟಿಗರು...

ಪ್ರವೀಣ್ ಹಂಚಿಕೊಂಡಿದ್ದು ಮಂಗಳಾ ಮಣಿ ಎಂಬವರ ಫೋಟೋವನ್ನು. ಇವರು ಅಂತಿಂಥ ಸಾಹಸಿಯಲ್ಲ, ಭಾರತದ ಹೆಮ್ಮೆಯ ವಿಜ್ಞಾನಿ. 2018ರಲ್ಲಿ ಪ್ರಮುಖ ಸಂಶೋಧನೆಯ ಕಾರಣಕ್ಕೆ 403 ದಿನಗಳ ಕಾಲ ಅಂಟಾರ್ಕ್ಟಿಕಾದಲ್ಲಿ ಕಳೆದು ಇವರು ಸಾಧನೆ ಮಾಡಿದ್ದರು. ಅಂಟಾರ್ಕ್ಟಿಕಾ ತಾಪಮಾನ ತೀರ ಕಡಿಮೆ ಇಂತಹ ಪ್ರದೇಶ. ಸುಮಾರು -90ಡಿಗ್ರಿ ಸೆಲ್ಸಿಯಸ್‌ಗಿಂತ ಕಡಿಮೆ ತಾಪಮಾನ ಇರುವ ಈ ಪ್ರದೇಶದಲ್ಲಿ ಒಂದು ವರ್ಷಕ್ಕೂ ಅಧಿಕ ಕಾಲ ಕಳೆದ ಇಸ್ರೋದ ಮೊದಲ ಮಹಿಳಾ ವಿಜ್ಞಾನಿ ಎಂಬ ಹೆಗ್ಗಳಿಕೆ ಮಂಗಳಾ ಅವರದ್ದು. ಆಗ ಇವರ ವಯಸ್ಸು 56. 2016ರಲ್ಲಿ ಒಟ್ಟು 23 ವಿಜ್ಞಾನಿಗಳ ತಂಡದೊಂದಿಗೆ ಇವರು ಅಂಟಾರ್ಕ್ಟಿಕಾಗೆ ತೆರಳಿದ್ದರು. ಇಂತಹ ಹಿಮ ಆವರಿಸಿದ್ದ ಪ್ರದೇಶಕ್ಕೆ ಹೋಗಿ ಯಶಸ್ವಿಯಾಗಿ ಸಂಶೋಧನೆಯನ್ನು ಮುಗಿಸಿ ಮರಳಿತ್ತು ವಿಜ್ಞಾನಿಗಳ ಈ ತಂಡ. ಈ ಅದ್ಭುತ ಸಾಧನೆಯನ್ನು ಪ್ರವೀಣ್ ಅವರು ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಕೊಂಡಾಡಿದ್ದಾರೆ.

Also Read : Mysterious Smoke Ring : ಆಗಸದಲ್ಲಿ ಕಂಡ ಆ ಉಂಗುರದಂತಹ ಆಕಾರ ಏನು..?


ಮಂಗಳಾ ಮಣಿ ಸೇರಿದಂತೆ ಅದೆಷ್ಟೋ ಮಹಿಳೆಯರು ದೇಶದ ಪ್ರಗತಿಯಲ್ಲಿ ಪ್ರಮುಖ ಪಾತ್ರ ವಹಿಸುತ್ತಾರೆ. ಇಂತಹವರನ್ನು ಗುರುತಿಸಿ ಗೌರವಿಸುವುದು ನಮ್ಮೆಲ್ಲರ ಕರ್ತವ್ಯ ಎಂದೂ ಪ್ರವೀಣ್ ಹೇಳಿಕೊಂಡಿದ್ದಾರೆ. ಪ್ರವೀಣ್ ಅವರು ಮಂಗಳಾ ಮಣಿ ಅವರ ಫೋಟೋ ಶೇರ್ ಮಾಡಿದ ಕೆಲವೇ ಕ್ಷಣಗಳಲ್ಲಿ ಈ ಟ್ವೀಟ್ ವೈರಲ್ ಆಗಿದೆ. ಜೊತೆಗೆ, ಎಲ್ಲರೂ ಮಂಗಳಾ ಮಣಿ ಅವರ ಗುಣಗಾನ ಮಾಡುತ್ತಿದ್ದಾರೆ.

Also Read : Viral Video : ಒಂಟಿ ಕರಡಿಗೆ ಹೆದರಿ ಓಡಿದ ಎರಡು ಹುಲಿಗಳು...!


ಹಲವು ಸಾಧನೆ, ಹಲವು ಹೆಮ್ಮೆಯ ಕಿರೀಟಗಳನ್ನು ಮಂಗಳಾ ಮುಡಿಗೇರಿಸಿಕೊಂಡಿದ್ದಾರೆ. 2016ರಲ್ಲಿ ಅಂಟಾರ್ಕ್ಟಿಕಾಕ್ಕೆ ತೆರಳಿದ್ದಾಗ ಈ ತಂಡದಲ್ಲಿ ಇದ್ದ ಏಕೈಕ ಮಹಿಳೆ ಇವರು. 2016-2017ರ ಅವಧಿಯಲ್ಲಿ ಚೀನಾ ಮತ್ತು ರಷ್ಯಾದ ತಂಡಗಳಲ್ಲಿ ಯಾವುದೇ ಮಹಿಳಾ ಸದಸ್ಯರು ಇರಲಿಲ್ಲ.