ವಿಶ್ವದಲ್ಲೇ ಮೊದಲ ಬಾರಿಗೆ ಪುರುಷರ ಗರ್ಭನಿರೋಧಕ ಚುಚ್ಚುಮದ್ದಿನ ಅಭಿವೃದ್ಧಿ : ಇದು ಭಾರತೀಯ ವಿಜ್ಞಾನಿಗಳ ಸಾಧನೆ

ಭಾರತದ ಜನಸಂಖ್ಯೆ ಮಿತಿಮೀರಿ ಹೋಗುತ್ತಿದೆ. ಜನಸಂಖ್ಯೆ ನಿಯಂತ್ರಣದ ಬಗ್ಗೆ ಜಾಗೃತಿಯೂ ನಡೆಯುತ್ತಿದೆ. ಇದರ ನಡುವೆ, ಭಾರತೀಯ ವೈದ್ಯಕೀಯ ಸಂಶೋಧನಾ ಮಂಡಳಿ (ಇಂಡಿಯನ್ ಕೌನ್ಸಿಲ್ ಆಫ್ ಮೆಡಿಕಲ್ ರಿಸರ್ಚ್‌ - ಐಸಿಎಂಆರ್) ಮತ್ತೊಂದು ಸಾಧನೆ ಮಾಡುವತ್ತ ಮುಂದಡಿ ಇಟ್ಟಿದೆ. ವಿಶ್ವದ ಪ್ರಥಮ ಪುರುಷರ ಗರ್ಭ ನಿರೋಧಕ ಚುಚ್ಚುಮದ್ದು ಅಭಿವೃದ್ಧಿಪಡಿಸಿರುವ ಐಸಿಎಂಆರ್ ವೈದ್ಯಕೀಯ ಪ್ರಯೋಗಗಳನ್ನೆಲ್ಲಾ ಯಶಸ್ವಿಯಾಗಿ ಮುಗಿಸಿದೆ. ಜೊತೆಗೆ, ಈ ಪರೀಕ್ಷೆಯ ಅನುಮೋದನೆಗಾಗಿ ಡ್ರಗ್ ಕಂಟ್ರೋಲರ್ ಜನರಲ್ ಆಫ್ ಇಂಡಿಯಾ (ಡಿಸಿಜಿಐ)ಕ್ಕೆ ಕಳುಹಿಸಿಕೊಡಲಾಗಿದೆ ಎಂದು ಈ ಪ್ರಾಜೆಕ್ಟಿನಲ್ಲಿ ತೊಡಗಿಸಿಕೊಂಡಿದ್ದ ಸಂಶೋಧಕರು ತಿಳಿಸಿದ್ದಾರೆ.

Also Read : ಹೆಲ್ಮೆಟ್ ಧರಿಸಿಯೆಂದು ಬೈಕ್ ಸವಾರರಿಗೆ ಡಿಫ್ರೆಂಟ್ ಸ್ಟೈಲಿನಲ್ಲಿ ಯುವತಿಯ ಮನವಿ : ಇಲ್ಲಿದೆ ವಿಡಿಯೋ

13 ವರ್ಷ ಶಕ್ತಿ, ಶಸ್ತ್ರಚಿಕಿತ್ಸೆಯ ಅಗತ್ಯವಿಲ್ಲ...
ಈ ಗರ್ಭನಿರೋಧಕ ಚುಚ್ಚುಮದ್ದು 13 ವರ್ಷಗಳವರೆಗೆ ಪರಿಣಾಮಕಾರಿಯಾಗಿ ಕೆಲಸ ಮಾಡುತ್ತದೆ. ಬಳಿಕ ಇದರ ಶಕ್ತಿ ಕುಂದುತ್ತದೆ. ಸಂತಾನ ಶಕ್ತಿಹರಣ ಶಸ್ತ್ರಚಿಕಿತ್ಸೆಯ ಬದಲಿಗೆ ಈ ಚುಚ್ಚುಮದ್ದನ್ನು ಅಭಿವೃದ್ಧಿಪಡಿಸಲಾಗಿದೆ. ಇದು ಈ ಮಾದರಿಯ ವಿಶ್ವದ ಏಕೈಕ ಪುರುಷ ಗರ್ಭನಿರೋಧಕ ವ್ಯವಸ್ಥೆಯಾಗಿದೆ.

Also Read : ನಮ್ಮ ದೇಶವನ್ನು ಇನ್ನಷ್ಟು ಸಿರಿವಂತ ಮಾಡುವಷ್ಟು ಸಂಪತ್ತು ಈ ಕೋಟೆಯಲ್ಲಡಗಿದೆಯಂತೆ...!

`ಅಭಿವೃದ್ಧಿ ಪಡಿಸಲಾಗಿರುವ ಚುಚ್ಚುಮದ್ದು ಎಲ್ಲಾ ರೀತಿಯಲ್ಲೂ ಸಿದ್ಧವಾಗಿದೆ. ಆದರೆ, ಡಿಸಿಜಿಐ ಅನುಮೋದನೆ ಸಿಗುವುದೊಂದೇ ಬಾಕಿ ಉಳಿದಿದೆ. ಈ ಚುಚ್ಚುಮದ್ದಿನ ಪರೀಕ್ಷಾರ್ಥ ಪ್ರಯೋಗಗಳು ಮುಗಿದಿದ್ದು, ಶೇ 97.3ರಷ್ಟು ಯಶಸ್ಸು ಲಭಿಸಿದೆ. ಜೊತೆಗೆ, ಇದರಿಂದ ಯಾವುದೇ ಅಡ್ಡ ಪರಿಣಾಮಗಳೂ ಆಗಿಲ್ಲ. ಹೀಗಾಗಿ, ಇದು ವಿಶ್ವದ ಅತ್ಯಂತ ಸುರಕ್ಷಿತ ಪುರುಷ ಗರ್ಭನಿರೋಧಕ ಎಂದು ಹೆಮ್ಮೆಯಿಂದ ಹೇಳಬಹುದು' ಎಂದು ಈ ಆವಿಷ್ಕಾರದ ನೇತೃತ್ವ ವಹಿಸಿರುವ ಐಸಿಎಂಆರ್ ಹಿರಿಯ ವಿಜ್ಞಾನಿ ಡಾ ಆರ್ ಎಸ್ ಶರ್ಮಾ ಹೇಳಿದ್ದಾರೆ.

Also Read : ಮೀಸೆ ಇಟ್ಟುಕೊಂಡು ಓಡಾಡುತ್ತಿದ್ದಾಳೆ ಈ ಮಹಿಳೆ : ಕಾರಣ ಏನೆಂಬುದು ಸಖತ್ ಇಂಟ್ರೆಸ್ಟಿಂಗ್...!

ಐಸಿಎಂಆರ್ ಭಾರತದ ಅತ್ಯುನ್ನತ ವೈದ್ಯಕೀಯ ಸಂಶೋಧನಾ ಸಂಸ್ಥೆಯಾಗಿದೆ. ಇನ್ನೊಂದೆಡೆ, ಅಮೇರಿಕಾದ ವಿಜ್ಞಾನಿಗಳೂ ಇದೇ ರೀತಿಯ ಚುಚ್ಚುಮದ್ದಿನ ಆವಿಷ್ಕಾರದಲ್ಲಿ ತೊಡಗಿದ್ದಾರೆ. ಆದರೆ, ಈ ಸಂಶೋಧನೆ ಇನ್ನೂ ನಡೆಯುತ್ತಿದೆಯಷ್ಟೇ. ಹೀಗಾಗಿ, ಭಾರತದ ವಿಜ್ಞಾನಿಗಳ ಸಾಧನೆ ಈಗ ಎಲ್ಲರ ಗಮನ ಸೆಳೆದಿದೆ... ವಿಶ್ವದಲ್ಲೇ ಇದು ಮೊದಲ ಚುಚ್ಚುಮದ್ದು ಆಗಿರುವುದರಿಂದ ತುಂಬಾ ಪರಿಶೀಲನೆ ನಡೆಸಿ, ತುಂಬಾ ಎಚ್ಚರಿಕೆಯಿಂದ ಅನುಮೋದನೆ ನೀಡುವತ್ತ ಡಿಸಿಜಿಐ ತಜ್ಞರು ಕಾರ್ಯಪ್ರವೃತ್ತರಾಗಿದ್ದಾರೆ.