ಡಾನ್ಸ್‌ ಮೂಡ್‌ನಲ್ಲಿ ಮುದ್ದು ಕಂದ : ಮನಸ್ಸಿನ ಬೇಸರ ದೂರ ಮಾಡುತ್ತದೆ ಮಗುವಿನ ಖುಷಿ

ಬಾಲ್ಯವೇ ಅತಿ ಸೊಗಸು... ಮನಸ್ಸಿನಲ್ಲಿ ಕಲ್ಮಶವೇ ಇಲ್ಲದಿರುವಂತಹ ದಿನಗಳವು... ಇದೇ ಕಾರಣಕ್ಕೆ ಮಕ್ಕಳಿದ್ದ ಮನೆ ದೇವಾಲಯಕ್ಕೆ ಸಮಾನ. ದೇವರ ಮನಸ್ಸಿನ ಮಕ್ಕಳು ಮನೆಯಲ್ಲಿದ್ದರೆ ಅಲ್ಲಿ ಖುಷಿಗೇನು ಕೊರತೆ ಇರುವುದಿಲ್ಲ. ಪುಟಾಣಿಗಳ ನಗು, ಅಳು ಮನೆ ತುಂಬುತ್ತಿದ್ದರೆ ಸುಂದರ ಲೋಕವೊಂದು ಅನಾವರಣಗೊಳ್ಳುತ್ತದೆ. ಅಂತೆಯೇ, ಈ ಸುಂದರ ಲೋಕಕ್ಕೆ ಅಮ್ಮನ ಲಾಲಿ ಹಾಡು ಕೂಡಾ ಜೊತೆಯಾದರೆ ಆ ಖುಷಿಯೇ ಬೇರೆ...

ದೇವರಂತಹ ಮಗು ಮಡಲಿಲಲ್ಲಿದ್ದಾಗ ಅಮ್ಮ ಜೋಗುಳ ಹಾಡಿ ಮಲಗಿಸುತ್ತಾರೆ. ಬಹುತೇಕ ಕಂದಮ್ಮಗಳು ಅಮ್ಮನ ಲಾಲಿ ಹಾಡಿಗೆ ಹಾಗೆಯೇ ಸುಖ ನಿದ್ರೆಗೆ ಜಾರುತ್ತಾರೆ. ಆದರೆ, ಈ ಪುಟಾಣಿ ಹಾಗಲ್ಲ. ಮಲಗುವ ಹೊತ್ತಾದಲೂ ಈ ಕಂದಮ್ಮನಿಗೆ ನಿದ್ದೆ ಮಾಡಲು ಮನಸ್ಸಿಲ್ಲ. ಆಟ ಆಡುತ್ತಾ ಕಾಲ ಕಳೆಯುವ ಉಲ್ಲಾಸದ ಕ್ಷಣವದು. ಇದಕ್ಕಾಗಿಯೇ ಈ ಪುಟಾಣಿ ತಾನು ಮಲಗುವಾಗ ಹಾಕುತ್ತಿದ್ದ ಲಾಲಿ ಹಾಡಿನ ಮ್ಯೂಸಿಕ್ ಕೇಳುತ್ತಿದ್ದಂತೆಯೇ ತನ್ನ ಬೆಡ್‌ನಿಂದ ಎದ್ದು ನಿಂತು ಕುಣಿದಿದ್ದಾಳೆ. 11 ತಿಂಗಳ ಈ ಕಂದಮ್ಮನ ಈ ಖುಷಿಯ ವಿಡಿಯೋವನ್ನು ತಾಯಿ ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.

Also Read : ಮಳೆ ನೀರಲ್ಲಿ ಕುಣಿದು ಕುಪ್ಪಳಿಸಿದ ಶ್ವಾನ : ಪದಗಳಿಗೆ ನಿಲುಕದ ಹೃದಯಂತರಾಳದ ಖುಷಿಯಿದು

Also Read : ಮನೆಯಲ್ಲಿ ಕೇಳುತ್ತಿತ್ತು ಶೂಟೌಟ್ ಸದ್ದು: ದೂರು ಸ್ವೀಕರಿಸಿ ಬಂದ ಪೊಲೀಸರಿಗೆ ಕಂಡದ್ದು ವಿಚಿತ್ರ ದೃಶ್ಯ!

ಲಂಡನ್ ನಿವಾಸಿಯಾದ ಚಾನೆ ಮಿಲ್ನರ್-ಜೋಸೆಫ್ ಎಂಬವರು ತನ್ನ ಪುತ್ರಿ ಚೈಲಾ ರೇಯ ಖುಷಿಯ ವಿಡಿಯೋವನ್ನು ಟ್ವಿಟ್ಟರ್ ಖಾತೆಯಲ್ಲಿ ಅಪ್ಲೋಡ್ ಮಾಡಿದ್ದಾರೆ. ಈ ಪುಟಾಣಿ ಮಲಗುವ ಸಂದರ್ಭದಲ್ಲಿ ಯಾವಾಗಲೂ ಹಾಕುವ ಮ್ಯೂಸಿಕನ್ನು ಹಾಕಿ ತಾಯಿ ಹೋಗಿದ್ದರು. ಆದರೆ, ಅರೆಕ್ಷಣದಲ್ಲಿ ಕಂದ ಬೆಡ್‌ನಿಂದ ಎದ್ದು ಕುಣಿಯುವುದಕ್ಕೆ ಶುರು ಮಾಡಿದ್ದಳು. ನಿದ್ದೆಯನ್ನು ಮರೆತು ಈ ಪುಟಾಣಿ ಕುಣಿಯುವ ದೃಶ್ಯವನ್ನು ನೋಡುವಾಗಲೇ ಮನಸ್ಸು ಮುದಗೊಳ್ಳುತ್ತದೆ.

Also Read : ತನ್ನ ಸಮಾಧಿ ಬಳಿ ಆಟವಾಡುತ್ತಿದೆಯಾ 2 ವರ್ಷದ ಕಂದನ ಆತ್ಮ? ಆ ತಾಯಿಗೆ ಕಾಣಿಸಿದ್ದೇನು?

ಸದ್ಯ ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಎಲ್ಲರ ಮನಗೆದ್ದಿದೆ. ಎಲ್ಲರೂ ಕಂದನ ಖುಷಿಯನ್ನು ಕಂಡು ಆನಂದಿಸಿದ್ದಾರೆ. ಖಂಡಿತಾ ಇದು ಮನಸ್ಸಿನ ನೋವನ್ನೆಲ್ಲಾ ದೂರ ಮಾಡುವಂತಹ ಅದ್ಭುತ ದೃಶ್ಯ ಎಂದರೆ ತಪ್ಪಲ್ಲ...