ಚೀನಾದ ಆ್ಯಪ್‌ಗಳಿಗೆ ಬ್ಯಾನ್ : ಸೋಶಿಯಲ್ ಮೀಡಿಯಾದಲ್ಲಿ ಬಗೆಬಗೆ ಮೀಮ್ಸ್‌ಗಳು ವೈರಲ್

ಟಿಕ್‌ಟಾಕ್‌... ಬಹುಜನರು ಉಪಯೋಗಿಸುತ್ತಿದ್ದ ಆ್ಯಪ್‌. ಯುವಕ ಯುವತಿಯರಂತೂ ಬಹುವಾಗಿ ಟಿಕ್‌ಟಾಕ್ ಮೋಹಕ್ಕೊಳಗಾಗಿದ್ದರು. ಸಣ್ಣ ಸಣ್ಣ ವಿಡಿಯೋ ಮಾಡಿ ಖುಷಿಪಡುತ್ತಿದ್ದರು. ಆದರೆ, ಈಗ ಟಿಕ್‌ಟಾಕ್ ಸೇರಿದಂತೆ ಚೀನಾದ 59 ಆ್ಯಪ್‌ಗಳನ್ನು ಕೇಂದ್ರ ಸರ್ಕಾರ ಬ್ಯಾನ್ ಮಾಡಿದೆ.

Also Read : ಕ್ರಿಸ್ತ ಪೂರ್ವ 1750ರ ಕಾಲದ ಶಾಸನದಲ್ಲಿ ಉಲ್ಲೇಖಿಸಿದ್ದ ಅಡುಗೆ ತಯಾರಿಸಿದ ವ್ಯಕ್ತಿ!

ಚೀನಾ ಮತ್ತು ಭಾರತ ಗಡಿಯಲ್ಲಿ ಉದ್ವಿಗ್ನತೆ ಹೆಚ್ಚಾಗುತ್ತಿದ್ದಂತೆಯೇ ಚೀನಾ ವಸ್ತುಗಳ ಬಹಿಷ್ಕಾರದ ಕೂಗು ಬಲಗೊಂಡಿತ್ತು. ಇದರೊಂದಿಗೆ ಚೀನಿ ಆ್ಯಪ್‌ಗಳ ನಿಷೇಧದ ಬಗ್ಗೆಯೂ ಆಗ್ರಹ ಕೇಳಿ ಬಂದಿತ್ತು. ಸಾಕಷ್ಟು ಜನರೂ ಈ ಬಗ್ಗೆ ಜಾಗೃತಿ ಮೂಡಿಸಿದ್ದರು. ಈ ಕೂಗಿಗೆ ಹಲವರು ಬೆಂಬಲ ವ್ಯಕ್ತಪಡಿಸಿದ್ದರು.

Also Read : ಸಿಗದ ಆಹಾರ... ಪಟ್ಟಣಕ್ಕೆ `ದಾಳಿ' ಮಾಡುತ್ತಿವೆ ಕೋತಿಗಳು...! : ಇದು ಮನಕಲಕುವ ಕತೆ

ಅಂತೆಯೇ, ಸೋಮವಾರ ಕೇಂದ್ರ ಸರ್ಕಾರ 59 ಚೀನೀ ಆ್ಯಪ್‌ಗಳನ್ನು ನಿಷೇಧಿಸಿ ನಿರ್ಧಾರ ಕೈಗೊಂಡಿತ್ತು. ಇತ್ತ ಸರ್ಕಾರ ಈ ನಿರ್ಧಾರ ಕೈಗೊಳ್ಳುತ್ತಿದ್ದಂತೆಯೇ ಸೋಶಿಯಲ್ ಮೀಡಿಯಾದಲ್ಲಿ ಬಗೆಬಗೆ ಮೀಮ್ಸ್‌ಗಳು ಹರಿದಾಡಲಾರಂಭಿಸಿತ್ತು. ಅದರಲ್ಲೂ ಟಿಕ್‌ಟಾಕ್‌ ಬಗೆಗೇ ಹೆಚ್ಚು ಮೀಮ್ಸ್‌ಗಳು ವೈರಲ್ ಆಗಿವೆ. ಈ ಎಲ್ಲಾ ಮೀಮ್ಸ್‌ಗಳು ನಗೆಯುಕ್ಕಿಸುವಂತಿವೆ.

Also Read : ಎಕ್ಸ್‌ಸ್ಟ್ರಾ ಬೆಣ್ಣೆಯೊಂದಿಗೆ ಪಾವ್ ಭಾಜಿ! : ತಿನ್ನಲು ಆಸೆ ಪಡುತ್ತಿದ್ದಾರೆ ನೆಟ್ಟಿಗರು

ಕಳೆದ ಹಲವು ದಿನಗಳಿಂದ ಚೀನಾ ಮತ್ತು ಭಾರತ ಗಡಿಯಲ್ಲಿ ಸಂಘರ್ಷದ ಸ್ಥಿತಿ ಇದೆ. ಮೊನ್ನೆ ಪೂರ್ವ ಲಡಾಖ್‌ನ ಗಲ್ವಾನ್ ಕಣಿವೆಯಲ್ಲಿ ನಡೆದ ಘರ್ಷಣೆಯಲ್ಲಿ ಭಾರತದ ಕರ್ನಲ್ ಸೇರಿದಂತೆ 20 ವೀರರು ದೇಶಕ್ಕಾಗಿ ಬಲಿದಾನ ನೀಡಿದ್ದರು. ಈ ಬಳಿಕ ಚೀನಾ ವಿರುದ್ಧ ಭಾರತೀಯರು ಇನ್ನಷ್ಟು ತಿರುಗಿಬಿದ್ದಿದ್ದರು. ಜೊತೆಗೆ, ಚೀನೀ ಆ್ಯಪ್‌ಗಳನ್ನು ನಿಷೇಧಿಸಬೇಕೆಂಬ ಕೂಗೂ ಬಲಗೊಂಡಿತ್ತು. ಇದರೊಂದಿಗೆ ಚೀನಾದ ಯಾವುದೇ ವಸ್ತುಗಳನ್ನು ಖರೀದಿಸಬಾರದು ಎಂದು ಜನ ಒತ್ತಾಯಿಸಿದ್ದರು. ಸದ್ಯ ಸರ್ಕಾರ ಚೀನಾದ ಆ್ಯಪ್‌ಗಳನ್ನು ನಿಷೇಧಿಸಿ ಆದೇಶ ಹೊರಡಿಸಿದ್ದಕ್ಕೆ ಭಾರತದಲ್ಲಿ ಭಾರೀ ಮೆಚ್ಚುಗೆ ವ್ಯಕ್ತವಾಗಿದೆ.