ಹೇರ್‌ ಕಟ್ಟಿಂಗ್ ವೇಳೆ ಕೋಪದಿಂದ ಕುದಿಯುತ್ತಿದ್ದ ಬಾಲಕ : ಮುದ್ದು ಪುಟಾಣಿಯ ಮತ್ತೊಂದು ವಿಡಿಯೋ ವೈರಲ್

`ನನ್ ಹೇರ್ ಕಟ್‌ ಮಾಡ್ಬೇಡಿ...' ಹೀಗೆಂದು ಕೋಪವುಕ್ಕುತ್ತಿದ್ದ ಕಣ್ಣುಗಳಲ್ಲಿ ಆ ಪುಟಾಣಿ ಹೇಳುತ್ತಿದ್ದರೆ ಎಲ್ಲರೂ ಮುಗುಳ್ನಕ್ಕು ತದೇಕಚಿತ್ತನದಿಂದ ಈ ವಿಡಿಯೋವನ್ನೇ ನೋಡುತ್ತಿದ್ದರು. ತನ್ನ ಮುಗ್ಧ ಭಾಷೆಯಲ್ಲಿಯೇ ಆ ಕಂದ ಬೈಯುತ್ತಿದ್ದ. ಕೆನ್ನೆ ಕೋಪದಲ್ಲಿ ಕೆಂಪೇರಿತ್ತು. ಆದರೆ, ಆ ಕ್ಷೌರಿಕರು ಎಲ್ಲವನ್ನೂ ತಾಳ್ಮೆಯಿಂದ ಕೇಳುತ್ತಾ, ಪುಟಾಣಿಗೆ ಸಮಾಧಾನ ಮಾಡುತ್ತಾ ಹೇರ್ ಕಟ್ ಮುಂದುವರಿಸಿದ್ದರು. ತನ್ನ ಕಂದ ಹೀಗೆ ಕೋಪಗೊಳ್ಳುವ ದೃಶ್ಯವನ್ನು ತಂದೆ ಸೆರೆ ಹಿಡಿದು ಟ್ವಿಟ್ಟರ್‌ನಲ್ಲಿ ಅಪ್ಲೋಡ್ ಮಾಡಿದ್ದರು. ಈ ವಿಡಿಯೋ ಕ್ಷಣಾರ್ಧದಲ್ಲಿ ವೈರಲ್ ಆಗಿತ್ತು. ಇದೀಗ ಇದೇ ಪುಟಾಣಿಯ ಇನ್ನೊಂದು ಹೇರ್‌ ಕಟ್‌‌ನ ದೃಶ್ಯ ಸೋಶಿಯಲ್ ಮೀಡಿಯಾದಲ್ಲಿ ಎಲ್ಲರ ಗಮನ ಸೆಳೆದಿದೆ.

ಈ ಮುದ್ದು ಪುಟಾಣಿಯ ಹೆಸರು ಅನುಶ್ರುತ್. ಈ ಅನುಶ್ರುತ್ ರಾತ್ರೋರಾತ್ರಿ ಸೋಶಿಯಲ್ ಮೀಡಿಯಾದಲ್ಲಿ ಹವಾ ಸೃಷ್ಟಿಸಿದ್ದ. ಬಹುಶಃ ನೀವು ಕೂಡಾ ಅನುಶ್ರುತ್ ವಿಡಿಯೋವನ್ನು ನೋಡಿ ಖುಷಿಪಟ್ಟಿರಬಹುದು. ಇದೀಗ ಇದೇ ಅನುಶ್ರುತ್ ಇನ್ನೊಂದು ಹೇರ್‌ಕಟ್ ವಿಡಿಯೋದ ಮೂಲಕ ಮರಳಿದ್ದಾನೆ. ಜನವರಿ 22ರಂದು ಅನುಶ್ರುತ್ ತಂದೆ ಅನುಪ್ ಪೆಟ್ಕರ್ ಪುತ್ರನ ಇನ್ನೊಂದು ಹೇರ್ ಟ್ರಿಮ್ ವಿಡಿಯೋವನ್ನು ಅಪ್ಲೋಡ್ ಮಾಡಿದ್ದಾರೆ.

Also Read : ಹೇರ್‌ಕಟ್ ವೇಳೆ ಬಾಲಕನ ಕೆಂಡದಂತಹ ಕೋಪ : ವೈರಲ್ ವಿಡಿಯೋಗೆ ಬಾಲಿವುಡ್ ಹಾಡಿನ ಟಚ್...!

Also Read : ಹೇರ್‌ಕಟ್ ವೇಳೆ ಕೆಂಡದಂತಹ ಕೋಪ : ಮುದ್ದು ಬಾಲಕನ ವಿಡಿಯೋ ಮೂಲಕ ಪೊಲೀಸರ ಜಾಗೃತಿ!

ಈ ಸಲವೂ ಅನುಶ್ರುತ್‌ಗೆ ಹೇರ್‌ ಕಟ್ ಮಾಡುವುದು ಇಷ್ಟ ಇರಲಿಲ್ಲ. ಹೀಗಾಗಿ, ಈ ಬಾರಿಯೂ ಈ ಪುಟಾಣಿ ಅಸಮಾಧಾನ ತೋರಿದ್ದ. ಹಿಂದಿನಷ್ಟು ಕೋಪ ತೋರದೇ ಇದ್ದರೂ ಮತ್ತೆ ಮತ್ತೆ ತನ್ನ ಅಸಮಾಧಾನವನ್ನು ಈ ಪುಟಾಣಿ ವ್ಯಕ್ತಪಡಿಸುವುದನ್ನು ಈ ವಿಡಿಯೋದಲ್ಲಿ ನೋಡಬಹುದಾಗಿದೆ. `ನನಗೆ ಇದು ಇಷ್ಟವಾಗಿಲ್ಲ' ಎಂದು ಹೇಳುತ್ತಲೇ ಪುಟಾಣಿ ಅಸಮಾಧಾನ ತೋರಿಸುತ್ತಿದ್ದ. ಆಗ ಕ್ಷೌರಿಕರು ಪ್ರೀತಿಯಿಂದ ಅನುಶ್ರುತ್‌ಗೆ ಸಮಾಧಾನ ಮಾಡುತ್ತಿದ್ದರು.

Also Read : ಬಾಣಂತಿ ಮತ್ತು ಕಂದನನ್ನು ಹಿಮದ ನಡುವೆ 6 ಕಿಮೀ ಹೊತ್ತು ಮನೆಗೆ ಕರೆತಂದ ವೀರರು : ವಿಡಿಯೋ ವೈರಲ್


ನಿರೀಕ್ಷೆಯಂತೆಯೇ ಈ ವಿಡಿಯೋ ಈಗ ಸೋಶಿಯಲ್ ಮೀಡಿಯಾದಲ್ಲಿ ಭರ್ಜರಿಯಾಗಿ ವೈರಲ್ ಆಗುತ್ತಿದೆ. ಎಲ್ಲರೂ ಈ ಮುದ್ದು ಪುಟಾಣಿಯನ್ನು ಖುಷಿಯಿಂದ ನೋಡುತ್ತಿದ್ದಾರೆ. ಹಿಂದಿನ ವಿಡಿಯೋದಂತೆ ಈ ವಿಡಿಯೋ ಕೂಡಾ ಈಗ ಎಲ್ಲರ ಗಮನ ಸೆಳೆಯುತ್ತಿದೆ.