ಆ್ಯಪ್ನಗರ

ಲಾಸ್ ಏಂಜಲೀಸ್‌ಗೆ `ರೈಲು ಬಿಟ್ಟ' ಪಾಕಿಸ್ತಾನ...! : ಅಸಲಿ ಕತೆ ಏನು ಗೊತ್ತಾ...?

ಎಲ್ಲಿಯ ಪಾಕಿಸ್ತಾನ...? ಎಲ್ಲಿಯ ಲಾಸ್ ಏಂಜಲೀಸ್...? ಆದರೂ ಇವೆರಡರ ನಡುವೆ ರೈಲು ಸೇವೆ ಆರಂಭಗೊಂಡಿದೆಯಂತೆ...! ಹೀಗಂತ, ನಾವು ಹೇಳ್ತಿಲ್ಲ... ಪಾಕಿಸ್ತಾನದ ರೈಲು ಬೋಗಿಯ ಮೇಲಿದ್ದ ಬೋರ್ಡ್...!

Vijaya Karnataka Web 2 Nov 2019, 8:17 pm
ಲಾಸ್ ಏಂಜಲೀಸ್‌ಗೆ ಪಾಕಿಸ್ತಾನದಿಂದ ರೈಲು ಸೇವೆ ಶುರು ಮಾಡಿದೆಯಂತೆ ಹೌದಾ...? ಸಾಮಾಜಿಕ ಜಾಲತಾಣದಲ್ಲಿ ಒಂದೆರಡು ದಿನಗಳಿಂದ ಇದೇ ಚರ್ಚೆ. ಅರೇ, ಪಾಕಿಸ್ತಾನವೇ ದುಡ್ಡಿಲ್ಲದೆ ದಿವಾಳಿಯಾಗಿದೆ, ಇನ್ನು ಲಾಸ್ ಏಂಜಲೀಸ್‌ಗೆ ರೈಲು ಬೇಡುವುದು ಹೇಗೆ...? ಇವೆಲ್ಲಾ ಬರೀ `ರೈಲು' ಅಂತೀರಾ...? ನಿಜ. ಇದು ರೈಲೇ...! ಆದರೆ, ಇಂತಹ ಸುದ್ದಿಗೆ ಜೀವ ನೀಡಿದ್ದು ಸ್ವತಃ ಪಾಕಿಸ್ತಾನದ ರೈಲೇ...!
Vijaya Karnataka Web pak



ಅರೇ ಕನ್ಯೂಫ್ಯೂಸ್ ಮಾಡ್ಬೇಡಿ ಅಂತ ಬೈಯ್ಬೇಡಿ... ವಿಷಯಕ್ಕೆ ಬರ್ತೇವೆ ಕೇಳಿ... ಪಾಕಿಸ್ತಾನದ ಸುಕ್ಕೂರ್‌ನ ರೋಹ್ರಿ ರೈಲು ನಿಲ್ದಾಣದಲ್ಲಿ ನಿಂತಿದ್ದ ರೈಲಿನ ಬೋಗಿಯಲ್ಲಿ `ಕರಾಚಿಯಿಂದ- ಲಾಸ್ ಏಂಜಲೀಸ್' ಎಂದು ಬರೆದಿತ್ತು. ಇದನ್ನು ಎರಡೆರಡು ಸಲ ಕಣ್ಣುಚ್ಚಿಕೊಂಡು ನೋಡಿದ ಜನ ನೀಟಾಗಿ ಶೂಟ್ ಮಾಡಿ ಸಾಮಾಜಿಕ ಜಾಲತಾಣಕ್ಕೆ ಅಪ್ಲೋಡ್ ಮಾಡಿದ್ದರು. ಅಷ್ಟೇ... ನಂತರ ಪಾಕಿಸ್ತಾನ ಲಾಸ್ ಏಂಜಲೀಸ್‌ಗೆ `ರೈಲು ಬಿಟ್ಟ' ವಿಷಯ ಕಾಳ್ಗಿಚ್ಚಿನಂತೆ ಹಬ್ಬಿ ಎಲ್ಲರಲ್ಲೂ ನಗೆಯುಕ್ಕಿಸಿತ್ತು...!


ಯಾವಾಗ ರೈಲು ಬೋಗಿಯ ಮೇಲಿನ ಎಲ್‌ಇಡಿ ಬೋರ್ಡ್ ತಪ್ಪಾಗಿರುವ ವಿಷಯ ಪಾಕಿಸ್ತಾನದ ರೈಲ್ವೇ ಸಚಿವ ಶೇಖ್ ರಶೀದ್ ಅಹ್ಮದ್ ಅವರ ಗಮನಕ್ಕೆ ಬಂದಿತೋ ತಕ್ಷಣ ಸುದ್ದಿಗೋಷ್ಠಿ ನಡೆಸಿದರು. ಸಚಿವರೇನೋ ಗಂಭೀರ ವಿಷಯವನ್ನು ಹೇಳ್ತಾರೆ ಎಂದುಕೊಂಡರೆ ಅವರು ಕೂಡಾ, ಸೋಶಿಯಲ್ ಮೀಡಿಯಾದಲ್ಲಿ ಇಂತಹ ವೀಡಿಯೋಗಳು ಹಲವು ಬರ್ತವೆ. ದೇವರು ಬಯಸಿದರೆ ಪಾಕಿಸ್ತಾನ ಲಾಸ್ ಏಂಜಲೀಸ್ ತನಕವೂ ರೈಲು ಸೇವೆ ಆರಂಭಿಸಲು ಸಿದ್ಧವಿದೆ ಎಂದು ಹೇಳಿಕೆ ಕೊಟ್ಟರು.


ಯಾವಾಗ ಸಚಿವರು ಸುದ್ದಿಗೋಷ್ಠಿ ಕರೆದು ಹೀಗೆ ಹೇಳಿದರೊ ಅಲ್ಲಿಗೆ ಮತ್ತೊಂದು ಸುತ್ತಿನ ಟ್ರೋಲ್‌ಗೆ ಕಾಯುತ್ತಿದ್ದ ಒಂದಷ್ಟು ಮಂದಿಗೆ ಆಹಾರ ಸಿಕ್ಕಂತಾಗಿತ್ತು...!

ಮುಂದಿನ ಲೇಖನ

Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
ಲೇಟೆಸ್ಟ್‌ ನ್ಯೂಸ್‌ ಅಪ್‌ಡೇಟ್‌ಗಳನ್ನು ಪಡೆಯಿರಿ, Vijay Karnataka ಫೇಸ್‌ಬುಕ್‌ಪೇಜ್‌ ಲೈಕ್‌ ಮಾಡಿರಿ