ಒಟ್ಟಿಗೆ ವಿಮಾನ ಚಲಾಯಿಸಿದ ತಾಯಿ ಮಗಳು : ಇದು ಪೈಲಟ್ ಕುಟುಂಬದ ಅಪೂರ್ವ ಕತೆ

ಇದು ಪೈಲಟ್ ಕುಟುಂಬ... ಈ ಕುಟುಂಬದಲ್ಲಿ ನಾಲ್ವರು ಪೈಲಟ್‌ಗಳಿದ್ದಾರೆ...! ಇದು ಅಮೇರಿಕಾದ ಸ್ಕೈವೆಸ್ಟ್‌ ಏರ್‌ಲೈನ್ಸ್‌ ಉದ್ಯೋಗಿಗಳು ಸಂಭ್ರಮ ಪಡೆಯುವ ಕ್ಷಣ. ಯಾಕೆಂದರೆ, ಈ ಸಂಸ್ಥೆಯಲ್ಲಿ ಕೆಲಸ ಮಾಡುವ ತಾಯಿ ಮಗಳು ಈಗ ಒಟ್ಟಿಗೆ ವಿಮಾನ ಚಲಾಯಿಸಿದ್ದಾರೆ. ಈ ಮೂಲಕ ಇವರಿಬ್ಬರು ಹೊಸ ದಾಖಲೆ ಬರೆದಿದ್ದಾರೆ. ವಾಣಿಜ್ಯ ವಿಮಾನವನ್ನು ಒಟ್ಟಿಗೆ ಚಲಾಯಿಸಿದ ತಾಯಿ ಮಗಳ ಜೋಡಿ ಎಂಬ ಹೆಗ್ಗಳಿಕೆಗೆ ಇವರಿಬ್ಬರು ಪಾತ್ರರಾಗಿದ್ದಾರೆ. ಈ ದೃಶ್ಯವನ್ನು ನೋಡುವಾಗಲೇ ಖುಷಿಯಾಗುತ್ತದೆ.

Also Read : ಮಗುವಿಗೆ ಊಟ ಮಾಡಿಸುವ ಸೂಪರ್ ಐಡಿಯಾ : ಬಲು ತಮಾಷೆಯ ವಿಡಿಯೋಗೆ ನೆಟ್ಟಿಗರು ಫಿದಾ

ಕ್ಯಾಪ್ಟನ್ ಸುಝಿ ಗ್ಯಾರೆಟ್ ಮತ್ತು ಡೊನ್ನಾ ಗ್ಯಾರೆಟ್ ಅವರ ಸಾಧನೆಯ ಕತೆ ಇದು. ಕ್ಯಾಪ್ಟನ್ ಸುಝಿ 30 ವರ್ಷಗಳಿಂದ ಪೈಲಟ್ ಆಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಇವರ ಪುತ್ರಿ ಡೊನ್ನಾ ಗ್ಯಾರೆಟ್ ಕೂಡಾ ಪೈಲಟ್. ಇಬ್ಬರೂ ಸ್ಕೈವೆಸ್ಟ್‌ನಲ್ಲಿ ಉದ್ಯೋಗದಲ್ಲಿದ್ದಾರೆ. ಇತ್ತೀಚೆಗೆ ಈ ತಾಯಿ ಮಗಳು ಒಟ್ಟಿಗೆ ಕಾಕ್‌ಪಿಟ್ ಹಂಚಿಕೊಂಡಿದ್ದಾರೆ. ಈ ಮೂಲಕ ವಾಣಿಜ್ಯ ವಿಮಾನವನ್ನು ಚಲಾಯಿಸಿದ ತಾಯಿ ಮಗಳೆಂಬ ಹೆಮ್ಮೆ ಇವರದ್ದು.


Also Read : ಕನ್ನಡಿಯೊಳಗೆ `ತನ್ನನ್ನು' ಹುಡುಕುವ ಕಂದ! : ಮನಸ್ಸಿಗೆ ಮುದ ನೀಡುವ ದೃಶ್ಯವಿದು

ಈ ಕುಟುಂಬದಲ್ಲಿ ಇವರಿಬ್ಬರೇ ಪೈಲಟ್‌ಗಳಲ್ಲ. ಸುಝಿ ಪತಿ ಡೌಗ್ ಮತ್ತು ಪುತ್ರ ಮಾರ್ಕ್ ಕೂಡಾ ಪೈಲಟ್‌ಗಳು...! ಹೀಗಾಗಿ, ಈ ಇಡೀ ಕುಟುಂಬವೇ ವಿಮಾನ ಚಲಾಯಿಸುವುದರಲ್ಲಿ ಖುಷಿ ಕಾಣುತ್ತಿದೆ. `ನಾವು ನಮ್ಮ ಉದ್ಯೋಗವನ್ನು ಸಂಪೂರ್ಣವಾಗಿ ಪ್ರೀತಿಸುತ್ತೇವೆ' ಎಂಬುದು ಸುಝಿ ಮಾತು. `ಚಿಕ್ಕ ವಯಸ್ಸಿನಿಂದಲೇ ತಾನು ವಾಯುಯಾನವನ್ನು ಇಷ್ಟಪಟ್ಟಿದ್ದೇನೆ. ನನ್ನ ಹೆತ್ತವರ ಉತ್ಸಾಹ ಮತ್ತು ವಿಮಾನಯಾನದ ಪ್ರೀತಿಯಿಂದಾಗಿ ನಾನು ಕೂಡಾ ಪೈಲಟ್ ಆಗಲು ನಿರ್ಧರಿಸಿದೆ' ಎಂದು ಡೊನ್ನಾ ಖುಷಿಯಿಂದ ಹೇಳುತ್ತಾರೆ.


Also Read : 6 ವರ್ಷದ ಹಿಂದೆ ನಾಪತ್ತೆಯಾಗಿದ್ದ ಶ್ವಾನಕ್ಕಾಗಿ 2,220 ಕಿ.ಮೀ ದೂರ ಹುಡುಕಿಕೊಂಡ ಬಂದ ಮಾಲಕಿ!

ಸದ್ಯ ಈ ತಾಯಿ ಮಗಳ ಫೋಟೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ. ಎಲ್ಲರೂ ಈ ಕುಟುಂಬದ ಸಾಧನೆ ಬಗ್ಗೆ ಅಚ್ಚರಿ ವ್ಯಕ್ತಪಡಿಸಿದರೆ, ಇನ್ನು ಹಲವರು ಕುತೂಹಲದಿಂದ ಈ ಫೋಟೋ ನೋಡುತ್ತಾ ಇವರ ಬಗ್ಗೆ ಖುಷಿ ವ್ಯಕ್ತಪಡಿಸಿದ್ದಾರೆ.