ಬೆದರುಗೊಂಬೆಯಾಗಿ ಬಳಕೆಯಾಗುತ್ತಿದೆ ಪಿಪಿಇ ಕಿಟ್...! : ಫೋಟೋಗಳು ವೈರಲ್

ರಕ್ಕಸ ಕೊರೊನಾ ವೈರಸ್‌ನಿಂದ ದೂರ ಇರಲು ಸಹಾಯ ಮಾಡಿ ಸುರಕ್ಷೆ ನೀಡುತ್ತಿದ್ದ ಪಿಪಿಇ ಕಿಟ್ ಈಗ ಬೆದರುಗೊಂಬೆಯ ರೂಪ ಪಡೆಯುತ್ತಿದೆ...! ಜಮೀನಿನಲ್ಲಿ ಈಗ ಪಿಪಿಇ ಕಿಟ್‌ಗಳು ನಿಂತಿವೆ...!

ಕೊರೊನಾ ವೈರಸ್ ಅಬ್ಬರ ಶುರುವಾದ ಬಳಿಕ ಪಿಪಿಇ ಕಿಟ್ ಎಂಬುದು ಬಹುತೇಕರಿಗೆ ಪರಿಚಯವಾಗಿತ್ತು. ವೈದ್ಯಕೀಯ ಸಿಬ್ಬಂದಿ ಈ ಪಿಪಿಇ ಕಿಟ್ ಧರಿಸಿ ಸೋಂಕಿತರಿಗೆ ಚಿಕಿತ್ಸೆ ನೀಡುತ್ತಿದ್ದಾರೆ. ಸೆಖೆಯ ನಡುವೆಯೂ ವೈದ್ಯರು, ವೈದ್ಯಕೀಯ ಸಿಬ್ಬಂದಿ ಈ ಪಿಪಿಇ ಕಿಟ್ ಧರಿಸಿ ಚಿಕಿತ್ಸೆ ನೀಡುವ ಮೂಲಕ ಬಹಳಷ್ಟು ಜನರ ಜೀವ ಉಳಿಸಿದ್ದಾರೆ, ಎಲ್ಲರ ಮೆಚ್ಚುಗೆಗೂ ಪಾತ್ರರಾಗಿದ್ದಾರೆ. ಕೊರೊನಾ ವೈರಸ್‌ ವಿಷಯ ಬಂದಾಗಲೆಲ್ಲಾ ಈ ಪಿಪಿಇ ಕಿಟ್‌ಗಳೂ ನೆನಪಿಗೆ ಬರುತ್ತವೆ. ಇನ್ನೊಂದು ಕಡೆ ಈ ಬಳಕೆಯಾದ ಪಿಪಿಇ ಕಿಟ್‌ಗಳ ವಿಲೇವಾರಿ ಕೂಡಾ ಸವಾಲಾಗಿ ಪರಿಣಮಿಸಿದ್ದೂ ಇದೆ.

Also Read : ದಾರಿ ಮಧ್ಯೆ ಪೆಂಗ್ವಿನ್‌ಗಳ 2 ತಂಡದ `ಮಾತುಕತೆ' : ವೈರಲ್ ವಿಡಿಯೋಗೆ ನೆಟ್ಟಿಗರ ತಮಾಷೆಯ ಪ್ರತಿಕ್ರಿಯೆ

ಆದರೆ, ಇಲ್ಲೊಂದು ಕಡೆ ಈ ಬಳಕೆಯಾದ ಪಿಪಿಇ ಕಿಟ್‌ಗಳು ಬೇರೊಂದು ಕಾರಣಕ್ಕೆ ಮರುಬಳಕೆಯಾಗುತ್ತಿವೆ. ಜನರ ಜೀವ ಉಳಿಸುವ ಕಾರ್ಯದಲ್ಲಿ ಮಹತ್ತರವಾದ ಪಾತ್ರ ವಹಿಸಿದ್ದ ಇದೇ ಪಿಪಿಇ ಕಿಟ್‌ಗಳು ಈಗ ಜಮೀನಿನ ರಕ್ಷಣೆಗೆ ಬಳಕೆಯಾಗುತ್ತಿವೆ. ಅಂದರೆ, ಈ ಪಿಪಿಇ ಕಿಟ್‌ಗಳು ಈಗ ಬೆದರುಗೊಂಬೆಯ ರೂಪವನ್ನು ಪಡೆಯುತ್ತಿವೆ...! ಇದಕ್ಕೆ ಸಾಕ್ಷಿಯಾದ ಫೋಟೋಗಳು ಈಗ ಸೋಶಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿದೆ.


Also Read : ವಿಮಾನ ಪ್ರಯಾಣಿಕ ಸೆರೆ ಹಿಡಿದ ಆ ಬಿಳಿಯ ಗುರುತೇನು? : ಯುಎಫ್‌ಓ ಬಗ್ಗೆ ನೆಟ್ಟಿಗರ ಬಗೆಬಗೆ ಚರ್ಚೆ

ಜಮೀನಿನಲ್ಲಿ ಎರಡು ಪಿಪಿಇ ಕಿಟ್‌ಗಳನ್ನು ಬೆದರುಗೊಂಬೆಯಾಗಿ ಬಳಸಿರುವ ಫೋಟೋವೊಂದು ಈಗ ಸೋಶಿಯಲ್ ಮೀಡಿಯಾದಲ್ಲಿ ನೆಟ್ಟಿಗರ ಗಮನ ಸೆಳೆದಿದೆ. ಹಿಮಾಚಲ ಪ್ರದೇಶದಲ್ಲಿ ಸೆರೆಯಾದ ದೃಶ್ಯ ಇದು ಎಂದು ಟ್ವಿಟ್ಟರ್‌ನಲ್ಲಿ ಉಲ್ಲೇಖಿಸಲಾಗಿದೆ. ಸದ್ಯ ಈ ಫೋಟೋವನ್ನು ಕಂಡ ನೆಟ್ಟಿಗರು ಕೂಡಾ ಬಲು ತಮಾಷೆಯ ಪ್ರತಿಕ್ರಿಯೆಯನ್ನು ನೀಡಿದ್ದಾರೆ. ಕೆಲವರು ಈ ಐಡಿಯಾದ ಬಗ್ಗೆ ಖುಷಿ ವ್ಯಕ್ತಪಡಿಸಿದರೆ, ಹಲವರು `ಇದು ಸರಿಯಲ್ಲ. ಇದು ಅಪಾಯಕಾರಿ. ಬಳಸಿದ ಪಿಪಿಇ ಕಿಟ್ ಹೀಗೆ ಮರುಬಳಸುವುದು ಸುರಕ್ಷಿತವಲ್ಲ' ಎಂದೂ ಅಭಿಪ್ರಾಯಪಟ್ಟಿದ್ದಾರೆ.


Also Read : ಒಡೆಯನೊಂದಿಗೆ ಹಾಡು ಹೇಳುವ ಮುದ್ದಿನ ಗಿಣಿ : ಎಲ್ಲರನ್ನೂ ಚಕಿತಗೊಳಿಸುವ ದೃಶ್ಯವಿದು

ಹೀಗಾಗಿ, ಈಗ ಈ ಬಗ್ಗೆಯೂ ಪರ ವಿರೋಧದ ಚರ್ಚೆ ನಡೆಯುತ್ತಿದೆ. ಈ ಚರ್ಚೆಯ ನಡುವೆಯೇ ಈ ಫೋಟೋ ವೈರಲ್ ಆಗುತ್ತಿದೆ.