ಫೇಸ್‌ಮಾಸ್ಕ್‌ಗೂ ಫ್ಯಾಷನ್ ಟಚ್ : ರೇಷ್ಮೆಯ ಡಿಸೈನರ್ ಮಾಸ್ಕ್‌ಗೆ ನೆಟ್ಟಿಗರು ಫಿದಾ

ಕೊರೊನಾ ವೈರಸ್ ಕೊಟ್ಟ ಕಾಟ ಅಷ್ಟಿಷ್ಟಲ್ಲ. ಈ ವೈರಾಣುವಿನಿಂದ ಇಡೀ ವಿಶ್ವದಲ್ಲಿ ನೆಮ್ಮದಿ ಹಾಳಾಗಿದೆ. ಜನರ ಜೀವನವೇ ಅಸ್ತವಸ್ತವಾಗಿದೆ. ಒಂದು ಕಡೆ ಜನ ಮನೆಯೊಳಗೆ ಬಂಧಿಯಾಗಿದ್ದರೆ, ಮತ್ತೊಂದೆಡೆ, ವಿವಾಹ ಸೇರಿದಂತೆ ಯಾವುದೇ ಕಾರ್ಯಕ್ರಮಗಳನ್ನೂ ಅದ್ಧೂರಿಯಾಗಿ ನಡೆಸಲು ಅವಕಾಶ ಇಲ್ಲದಂತಾಗಿದೆ. ಇದೇ ಕಾರಣಕ್ಕೆ ಒಂದಷ್ಟು ಕಡೆಗಳಲ್ಲಿ ವಿವಾಹ ಸಮಾರಂಭ ಮುಂದೂಡಿಕೆಯಾಗಿದ್ದರೆ, ಇನ್ನೊಂದಷ್ಟು ಕಡೆ ಕೆಲವೇ ಕೆಲವು ಜನರ ಸಮ್ಮುಖದಲ್ಲಿ ಅಥವಾ ತಂತ್ರಜ್ಞಾನದ ನೆರವಿನಿಂದ ನೇರಪ್ರಸಾರದಲ್ಲಿ ಮದುವೆ ನಡೆದದ್ದೂ ಇದೆ.

Also Read : ಎಲೆ ತರ ಕಾಣುತ್ತದೆ, ಆದರೆ, ಎಲೆಯಲ್ಲ...! : ಇದಕ್ಕೆ ಜೀವವೂ ಇದೆ...!

ಹೀಗೆ ಕೆಲವೇ ಕೆಲವು ಜನರ ಸಮ್ಮುಖದಲ್ಲಿ ಮದುವೆ ನಡೆದರೂ ಎಲ್ಲರೂ ಮಾಸ್ಕ್‌ ಧರಿಸಲೇಬೇಕಾದ ಅನಿವಾರ್ಯತೆಯೂ ಸೃಷ್ಟಿಸಿಯಾಗಿದೆ. ಇದು ಕೂಡಾ ಒಂದು ರೀತಿಯ ಕಿರಿಕಿರಿ. ಫೋಟೋ, ವಿಡಿಯೋದಲ್ಲಿ ಮಾಸ್ಕ್‌ಗಳು ಅಷ್ಟು ಚೆನ್ನಾಗಿ ಕಾಣಿಸಲ್ಲ ಎಂಬ ಸಹಜ ಕೊರಗು ಕೂಡಾ ಎಲ್ಲರಿಗೂ ಇದ್ದದ್ದೇ. ಇದಕ್ಕಾಗಿ ಅಸ್ಸಾಂನ ನವಜೋಡಿಯೊಂದು ಸಖತ್ ಐಡಿಯಾ ಮಾಡಿದೆ. ಇವರು ಮಾಸ್ಕ್‌ ಧರಿಸಿಯೇ ವಿವಾಹವಾಗಿದ್ದಾರೆ. ಆದರೆ, ಈ ಮಾಸ್ಕ್‌ಗಳು ಮದುವೆಗೆ ಕಳೆ ತಂದಿದ್ದಲ್ಲದೆ, ಎಲ್ಲರ ಗಮನವನ್ನೂ ಸೆಳೆಯುತ್ತಿದೆ.

Also Read : ನಾಗರಹಾವು ಹಿಡಿದು ಓಡಿದ ಅಜ್ಜಿ...! : ಇದು ಭಯಾನಕ ವಿಡಿಯೋ...!

@himadrigogoinu ##makeupartist ##tiktok ##lifebuoykarona ##tiktokassaassam ##himadrigogoimakeover ##tiktokassaassam ♬ original sound - hanfucustom
ಈ ಮದುವೆಯಲ್ಲಿ ಮಾಸ್ಕ್‌ಗೂ ಫ್ಯಾಷನ್ ಟಚ್ ನೀಡಲಾಗಿತ್ತು. ವಧು ವರರು ತಮ್ಮ ದಿರಿಸಿಗೆ ಮ್ಯಾಚ್ ಆಗುವಂತಹ ರೇಷ್ಮೆ ಮಾಸ್ಕ್‌ಗಳನ್ನು ಧರಿಸಿದ್ದರು. ಈ ಹ್ಯಾಂಡ್‌ಲೂಮ್ ಮಾಸ್ಕ್‌ ಈಗ ಸೋಶಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿದ್ದು, ಎಲ್ಲರೂ ಈ ಡಿಸೈನರ್ ಫೇಸ್‌ ಮಾಸ್ಕ್‌ಗೆ ಫಿದಾ ಆಗಿದ್ದಾರೆ.

Also Read : ಸ್ಪೈಡರ್ ಮ್ಯಾನ್ ಆಗಬೇಕೆಂದು ಈ ಮೂವರು ಮಾಡಿದ್ದೇನು ಗೊತ್ತಾ? : ಕೇಳಿದ್ರೆ ಶಾಕ್ ಆಗ್ತೀರ!


@himadrigogoinu A marriage ceremony during lockdown ##quaritine ##madhulogonor ##assamesebride ##assamesebridelooks ##himadrigogoimakeover ##tiktokassaassam ##assamesegirl # ♬ original sound - 👑ৰিমঝিম👑
ಮೇ 22ರಂದು ಅಸ್ಸಾಂನ ಗುವಾಹಟಿಯಲ್ಲಿ ಈ ಮದುವೆ ಸಮಾರಂಭ ನಡೆದಿತ್ತು. ಪೋಷಕರು, ಆಪ್ತ ಸ್ನೇಹಿತರು ಮತ್ತು ಕೆಲವೇ ಕೆಲವು ಸಂಬಂಧಿಕರ ಸಮ್ಮುಖದಲ್ಲಿ ಈ ಜೋಡಿ ದಾಂಪತ್ಯಕ್ಕೆ ಕಾಲಿಟ್ಟಿದೆ. ಮೇಕಪ್ ಕಲಾವಿದರಾದ ಹಿಮಾದ್ರಿ ಗೊಗೊಯ್ ಅವರು ವಧು ಈ ಡಿಸೈನರ್ ಮಾಸ್ಕ್‌ ಧರಿಸಿದ್ದ ವಿಡಿಯೋವನ್ನು ಟಿಕ್‌ಟಾಕ್‌ನಲ್ಲಿ ಹಂಚಿಕೊಂಡಿದ್ದರು. ಇದಾದ ಬಳಿಕ ಈ ವಿಡಿಯೋ ಸಾಕಷ್ಟು ವೈರಲ್ ಆಗಿತ್ತು. ಎಲ್ಲರೂ ಈ ಪ್ರಯತ್ನವನ್ನು ಮೆಚ್ಚಿಕೊಂಡಿದ್ದರು.