42ನೇ ಹುಟ್ಟುಹಬ್ಬಕ್ಕೆ ಪುತ್ರ ಕೊಟ್ಟಿದ್ದ ಗ್ರೀಟಿಂಗ್ ಕಾರ್ಡನ್ನೇ ಪುತ್ರನ 42ನೇ ಬರ್ತ್‌ಡೇಗೆ ಕೊಟ್ಟ ತಂದೆ

ಹುಟ್ಟಿದ ಹಬ್ಬ ಎಂದರೆ ಆ ಖುಷಿಯೇ ಬೇರೆ. ಬಹಳಷ್ಟು ಮಂದಿ ಪ್ರತಿವರ್ಷ ತಮ್ಮ ಹುಟ್ಟು ಹಬ್ಬವನ್ನು ಕುಟುಂಬದವರೊಂದಿಗೆ ಅದ್ಭುತವಾಗಿ ಆಚರಿಸುತ್ತಾರೆ. ಈ ವೇಳೆ ಖುಷಿ ಮೇರೆ ಮೀರಿರುತ್ತದೆ. ಜೊತೆಗೆ, ಪ್ರೀತಿಪಾತ್ರರು ಕೂಡಾ ಉಡುಗೊರೆಗಳನ್ನು ಕೊಟ್ಟು ಶುಭ ಹಾರೈಸುತ್ತಾರೆ. ಗ್ರೀಟಿಂಗ್ ಕಾರ್ಡುಗಳ ಮೂಲಕ ಶುಭ ಕೋರುತ್ತಾರೆ. ಆದರೆ, ಇನ್ನು ಕೆಲವರು ಈ ಕ್ಷಣವನ್ನು ಇನ್ನಷ್ಟು ಸ್ಮರಣೀಯವನ್ನಾಗಿಸುತ್ತಾರೆ. ಸಾಮಾನ್ಯವಾಗಿ ವರ್ಷಗಳುರುಳಿದಂತೆ ಹುಟ್ಟುಹಬ್ಬಕ್ಕೆ ಕೊಡುಗೆಯಾಗಿ ಬಂದ ಗ್ರೀಟಿಂಗ್ ಕಾರ್ಡುಗಳು ಹಾಳಾಗಿ ಕಸದ ಬುಟ್ಟಿ ಸೇರುತ್ತವೆ. ಆದರೆ, ಒಂದಷ್ಟು ಜನ ತಮಗೆ ಬಂದ ಶುಭಾಶಯದ ಪತ್ರಗಳನ್ನು ಬಲು ಎಚ್ಚರಿಕೆಯಿಂದ ಕಾಪಾಡಿಕೊಂಡು ಬರುತ್ತಾರೆ. ಅಂತಹ ಅಪರೂಪದ ವ್ಯಕ್ತಿಗಳಲ್ಲಿ ಈ ತಂದೆ ಕೂಡಾ ಒಬ್ಬರು.

ಇವರು ಬರೀ ತಮ್ಮ ಶುಭಾಶಯಗಳ ಕಾರ್ಡುಗಳನ್ನು ಕಾಪಾಡಿಕೊಂಡು ಬಂದಿಲ್ಲ. ಬದಲಾಗಿ, ತನ್ನ ಪುತ್ರ ಚಿಕ್ಕವನಿದ್ದಾಗ ಅಂದರೆ 28 ವರ್ಷಗಳ ಹಿಂದೆ ಆತ ತನ್ನ ಹುಟ್ಟುಹಬ್ಬಕ್ಕೆ ಕೊಟ್ಟಿದ್ದ ಕಾರ್ಡನ್ನೇ ಈಗ ಪುತ್ರನ ಹುಟ್ಟುಹಬ್ಬಕ್ಕೆ ಕೊಟ್ಟು ಖುಷಿ ಮೂಡಿಸಿದ್ದಾರೆ. ಈ ಕತೆಯೇ ಹೃದಯಸ್ಪರ್ಶಿಯಾಗಿದೆ.

Also Read : ತನ್ನನ್ನು ಹಲವು ಸಲ ಬಂಧಿಸಿದ್ದ ಪೊಲೀಸ್ ಅಧಿಕಾರಿಗೆ ಕಿಡ್ನಿ ದಾನ ನೀಡಿ ಬದುಕಿಸಿದ ಮಹಿಳೆ!

ರಾಬ್ ವಿಟ್ಸ್‌ ಎಂಬವರು ಇತ್ತೀಚೆಗೆ 42ನೇ ವರ್ಷಕ್ಕೆ ಕಾಲಿಟ್ಟಿದ್ದರು. ಈ ಹುಟ್ಟುಹಬ್ಬಕ್ಕೆ ಇವರು ತನ್ನ ತಂದೆಯಿಂದ ಸ್ಪೆಷಲ್ ಗಿಫ್ಟನ್ನು ಪಡೆದಿದ್ದಾರೆ. ಅದು ತಾನು 14ನೇ ವಯಸ್ಸಿನಲ್ಲಿ ತನ್ನ ತಂದೆಯ 42ನೇ ಹುಟ್ಟುಹಬ್ಬಕ್ಕೆ ಕೊಟ್ಟಿದ್ದ ಗ್ರೀಟಿಂಗ್ ಕಾರ್ಡನ್ನು ಇವರು ಮರಳಿ ಕೊಡುಗೆಯಾಗಿ ಪಡೆದಿದ್ದಾರೆ...!

Also Read : 1920ರಲ್ಲಿ ಬರೆದಿದ್ದ ಪತ್ರ ನೂರು ವರ್ಷಗಳ ಬಳಿಕ ಮಹಿಳೆಯ ಕೈ ಸೇರಿತು...!

ಎಷ್ಟು ಅದ್ಭುತವಲ್ವಾ...? ಖಂಡಿತಾ ಇದು ಬೆಲೆಯೇ ಕಟ್ಟಲಾಗದಂತಹ ಅಪೂರ್ವ ಪ್ರೀತಿಪೂರ್ವಕ ಗಿಫ್ಟ್‌. ಯಾಕೆಂದರೆ, ಇದರಲ್ಲಿ ನೆನಪುಗಳ ಸರಮಾಲೆಯೇ ಇದೆ. ಬರೋಬ್ಬರಿ 28 ವರ್ಷಗಳ ಹಿಂದಿನ ನೆನಪು ಈ ಕಾರ್ಡಿನಲ್ಲಿದೆ. ಪುತ್ರನ ಹೆಸರಿದ್ದ ಜಾಗದಲ್ಲಿ ತನ್ನ ಹೆಸರನ್ನು ಹಾಕಿ ತಂದೆ ಈ ಶುಭಾಶಯದ ಪತ್ರವನ್ನು ರಾಬ್ ಅವರಿಗೆ ನೀಡಿದ್ದರು. ಈ ಅಪೂರ್ವ ಫೋಟೋವನ್ನು ರಾಬ್ ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.

Also Read : ಒಂದೇ ಸ್ಥಳ... ಎರಡು ಫೋಟೋ... ಈ ಚಿತ್ರದಲ್ಲಿರುವ 10 ವ್ಯತ್ಯಾಸಗಳನ್ನು ಹುಡುಕುವಿರಾ...?

ಸದ್ಯ ಈ ಫೋಟೋ ಎಲ್ಲರ ಗಮನ ಸೆಳೆದಿದೆ. ಈ ಅಚ್ಚರಿಯ ಕೊಡುಗೆಗೆ ಎಲ್ಲರಿಗೂ ಇಷ್ಟವಾಗಿದೆ. ಎಲ್ಲರೂ ತಂದೆಯ ಈ ಪ್ರೀತಿಯನ್ನು ಕೊಂಡಾಡಿದ್ದಾರೆ. ಜೊತೆಗೆ ರಾಬ್ ಅವರಿಗೂ ಶುಭಕೋರಿದ್ದಾರೆ.