ಪಬ್‌ಜಿ ಸೇರಿ 118 ಆ್ಯಪ್‌ಗಳ ನಿಷೇಧ : ಸೋಶಿಯಲ್ ಮೀಡಿಯಾದಲ್ಲಿ ಬಗೆಬಗೆ ಮೀಮ್ಸ್‌ ವೈರಲ್

ಸದಾ ಗಡಿಯಲ್ಲಿ ಕ್ಯಾತೆ ತೆಗೆಯುತ್ತಾ ಕಾಲ ಕಳೆಯುತ್ತಿರುವ ನೆರೆರಾಷ್ಟ್ರ ಚೀನಾದ ಮೇಲೆ ಕೇಂದ್ರ ಸರ್ಕಾರ ಮತ್ತೊಂದು ಅಸ್ತ್ರ ಪ್ರಯೋಗಿಸಿದೆ. ಈಗಾಗಲೇ ಚೀನಾದ ಆ್ಯಪ್‌ಗಳನ್ನು ನಿಷೇಧಿಸಿದ್ದ ಸರ್ಕಾರ ಈಗ ಮತ್ತೊಂದು ಸುತ್ತಿನ ಆಪರೇಷನ್ ನಡೆಸಿದೆ. ಎಲ್ಲರೂ ಇದನ್ನು ಕೇಂದ್ರದ ಮತ್ತೊಂದು ಸುತ್ತಿನ ಡಿಜಿಟಲ್ ಸ್ಟ್ರೈಕ್ ಎಂದು ಬಣ್ಣಿಸುತ್ತಿದ್ದಾರೆ. ಈ ಸಲ 118 ಆ್ಯಪ್‌ಗಳನ್ನು ನಿಷೇಧಿಸಿ ಕೇಂದ್ರ ಸರ್ಕಾರ ಆದೇಶ ಹೊರಡಿಸಿದೆ. ಈ 118 ಆ್ಯಪ್‌ಗಳ ಪಟ್ಟಿಯಲ್ಲಿ ಬಹುವಾಗಿ ಬಳಕೆಯಲ್ಲಿರುವ ಪಬ್‌ಜಿ ಕೂಡಾ ಸೇರಿದೆ.

Also Read : Caught On Camera : ಬೈಕ್‌ನಲ್ಲಿ ಬಂದ ಕಳ್ಳರಿಗೆ ಸರಿಯಾದ `ಪಾಠ' ಕಲಿಸಿದ 15 ವರ್ಷದ ಸಾಹಸಿ ಬಾಲಕಿ

`ಈ ನಡೆ ಕೋಟ್ಯಂತರ ಭಾರತೀಯ ಮೊಬೈಲ್ ಫೋನ್ ಮತ್ತು ಇಂಟರ್ನೆಟ್ ಬಳಕೆದಾರರ ಹಿತಾಸಕ್ತಿಗಳನ್ನು ಕಾಪಾಡುತ್ತದೆ. ಭಾರತದ ಸಾರ್ವಭೌಮತ್ವ, ಸುರಕ್ಷತೆ ಮತ್ತು ಸಮಗ್ರತೆ ಕಾಪಾಡುವ ದೃಷ್ಟಿಯಿಂದ ಈ ಕ್ರಮ ಕೈಗೊಳ್ಳಲಾಗಿದೆ' ಎಂದು ಮಾಹಿತಿ ಮತ್ತು ತಂತ್ರಜ್ಞಾನ ಸಚಿವಾಲಯ ಹೇಳಿಕೊಂಡಿದೆ. ಇತ್ತ, ಸರ್ಕಾರ ಇಂತಹದ್ದೊಂದು ಮಹತ್ವದ ನಿರ್ಧಾರ ಕೈಗೊಳ್ಳುತ್ತಿದ್ದಂತೆಯೇ ಸೋಶಿಯಲ್ ಮೀಡಿಯಾದಲ್ಲಿ ಬಗೆಬಗೆ ಮೀಮ್ಸ್‌, ಜೋಕ್‌ಗಳು ವೈರಲ್ ಆಗುತ್ತಿವೆ. ನೆಟ್ಟಿಗರು ಟ್ವಿಟರ್‌ನಲ್ಲಿ ಪಬ್‌ಜಿ ಪ್ರೇಮಿಗಳ ಅಳಲು ಮತ್ತು ಮಕ್ಕಳ ಪೋಷಕರ ಸಂಭ್ರಮದ ಮೀಮ್ಸ್‌ಗಳನ್ನು ಹಂಚಿಕೊಳ್ಳುತ್ತಿದ್ದಾರೆ. #PUBG ಈಗ ಟ್ವಿಟರ್‌ನಲ್ಲಿ ಟ್ರೆಂಡಿಂಗ್ ಆಗಿದೆ. ಈ ಎಲ್ಲಾ ಮೀಮ್ಸ್‌ಗಳು ನಗೆಯುಕ್ಕಿಸುವಂತಿವೆ.

Also Read : ಗಗನಸಖಿಯ ಏರೋಬಿಕ್ ಕೌಶಲ್ಯ : ಉತ್ಸಾಹಿಯ ಪ್ರತಿಭೆಗೆ ನೆಟ್ಟಿಗರು ಫಿದಾ

Also Read : ಲಯನ್, ಟೈಗರ್‌ಗಳನ್ನು ನೋಡಿದ್ದೀರಿ... ಆದರೆ, ಲಿಗರ್ ಬಗ್ಗೆ ಕೇಳಿದ್ದೀರಾ...?

ಭಾರತದಲ್ಲಿಯೇ ಕನಿಷ್ಟ 33 ಮಿಲಿಯನ್ ಪಬ್‌ಜಿ ಆಟ ಆಡುವವರು ಇದ್ದಾರೆ ಎಂದು ಅಂದಾಜಿಸಲಾಗಿದೆ. ಇತ್ತೀಚಿನ ದಿನಗಳಲ್ಲಿ ಗಡಿಯಲ್ಲಿ ಚೀನಾ ಸದಾ ಕ್ಯಾತೆ ತೆಗೆಯುತ್ತಲೇ ಇದೆ. ಹೀಗಾಗಿ, ಕೇಂದ್ರದ ಈ ನಡೆಯಿಂದ ಚೀನಾಕ್ಕೆ ಪರೋಕ್ಷ ಆರ್ಥಿಕ ಹೊಡೆತ ನೀಡಿದಂತಾಗಿದೆ.